Msanii wa Arbantone, VJ Patelo, ameibua gumzo mitandaoni baada ya kumkosoa hadharani mtangazaji wa Hot 96, Azeezah Hashim, akimtuhumu kujadili maisha yake mara kwa mara kwenye kipindi chake cha redio.
Kupitia ujumbe wake mkali mtandaoni, ameonyesha kutoridhishwa na kile anachodai kuwa mazoea ya Azeezah kumhusisha katika mijadala yake ya redioni.
Katika maneno yake makali, amedai kuwa amechoshwa na jinsi mtangazaji huyo amekuwa akiingilia mambo yake binafsi bila sababu za msingi. Aidha, amemtaka Azeezah ajikite kwenye kazi yake ya utangazaji badala ya kujadili maisha ya watu redioni.
Kauli ya Patelo imezua mjadala mtandaoni, baadhi ya mashabiki wakimuunga mkono huku wengine wakimtetea Azeezah kwa kusema majina ya watu maarufu kutajwa redioni ni sehemu ya kazi ya watangazaji wanaofuatilia matukio ya burudani.
