Tag: Joshua Zirkzee

Klabu ya AS Roma inatarajiwa kuanza harakati za kumsajili mshambulizi wa Manchester United, Joshua Zirkzee, siku ya Ijumaa. Taarifa zinaeleza kuwa miamba hao wa Italia wanataka kumsajili mchezaji huyo kwa mkopo wa awali, kabla ya kumfanya mchezaji wa kudumu endapo makubaliano yatakamilika. Zirkzee, mwenye umri wa miaka 24, amekuwa miongoni mwa wachezaji wanaoaminika katika kikosi cha Manchester United chini ya kocha Ruben Amorim. Hivi karibuni alifunga bao la kusawazisha katika ushindi wa mabao 2-1 dhidi ya Crystal Palace katika uwanja wa Selhurst Park. Hata hivyo, bao hilo ndilo pekee ambalo mshambulizi huyo raia wa Uholanzi amefunga msimu huu, katika jumla ya mechi 11 alizocheza. Zirkzee alijiunga na Manchester United mwaka 2024 akitokea Bologna kwa ada ya pauni milioni 36.5, lakini amekuwa na wakati mgumu katika uwanja wa Old Trafford, akifunga mabao 8 pekee katika mechi 60.