Malkia wa mitandao ya kijamii na mke wa mwanamuziki Bahati, Diana Marua, amethibitisha rasmi kuwa ni mjamzito, akifunga mjadala na tetesi zilizokuwa zikiendelea kwa kasi mitandaoni.
Kupitia video aliyoshiriki, Diana amewaleta watoto wake pamoja kwa mazungumzo kabla ya kuwafahamisha kuwa familia yao iko njiani kumpokea mwanafamilia mpya. Akiwa na tabasamu na msisimko, amewaambia watoto wake kuwa wanatarajia kupata mdogo wao, jambo lililozua furaha na shangwe.
Katika mazungumzo hayo, Diana amewauliza watoto wake kama wangependa mdogo wa kiume au wa kike, kauli iliyopokelewa kwa furaha kubwa. Akimgeukia binti yake Malaika, Diana amesisitiza kuwa ujio wa mtoto huyo utaboresha na kubadilisha maisha yao.
Kwa sasa, Diana na Bahati wameonesha shukrani zao kwa Mungu na kwa mashabiki wao, wakisema wako tayari kufungua ukurasa mpya wa baraka na furaha katika familia yao inayoendelea kukua.
