Mwanamuziki wa Sauti Sol, Bien, ameibua mazungumzo mtandaoni baada ya kueleza kuwa anajitambulisha kama Gen Z na si millennial kama umri wake unavyopendekeza.
Akiwa kwenye mahojiano ya That Zed Podcast, Bien ameelezea mtazamo wake kwamba kizazi hakipaswi kuamuliwa na mwaka wa kuzaliwa pekee, bali pia namna mtu anavyohisi na kujiweka katika ulimwengu wa sasa.
Katika mazungumzo hayo, Bien ameonyesha kuamini kuwa mienendo, fikra za kisasa na mtazamo wa kubadilika kwa haraka ndivyo vinavyomfanya ajione karibu zaidi na kizazi cha Gen Z. Amefafanua kuwa anahusiana zaidi na namna vijana wa kizazi hicho wanavyotumia teknolojia, mtandao na mabadiliko ya kijamii.
Kauli hiyo imezua mjadala mkali mitandaoni, mashabiki wengine wakicheka mtazamo wake huku wengine wakiona hatua hiyo kama njia ya kuonyesha ukaribu wake na kizazi kipya ambacho kimekuwa na ushawishi mkubwa katika muziki na utamaduni wa mtandaoni.Bien Asema Anajitambulisha Kama Gen Z, Siyo Millennial
