Msanii wa Nigeria Chella ameibuka kama mmoja wa vinara wa kutengeneza challenge zenye mvuto mkubwa kwenye mitandao ya kijamii, hatua inayompa nafasi ya kipekee katika tasnia ya muziki wa kizazi kipya. Kupitia nyimbo zake maarufu kama My Darling na Loyal, Chella ameonesha ujuzi wa kipekee si tu katika uandishi na uimbaji, bali pia katika kuunda maudhui ya kidigitali yenye mvuto mkubwa kwa mashabiki.
Tofauti na wasanii wengi wa Kenya wanaowachia kazi hiyo wacheza densi au wachekeshaji, Chella huchukua jukumu la kushiriki moja kwa moja kwenye challenge zake. Uwepo wake binafsi, ubunifu wa mavazi, pamoja na uteuzi makini wa mazingira ya kurekodia video, umempa nafasi ya kujitofautisha na kuvutia umakini mkubwa wa wafuasi wake mtandaoni.
Wachambuzi wa burudani wanasema Chella ni mfano wa msanii anayeitumia ipasavyo nguvu ya mitandao ya kijamii kusukuma muziki wake. Wanaona kuwa wasanii wengi wa Kenya wana mengi ya kujifunza kutoka kwake, hususan katika kuanzisha mikakati ya kisasa ya kujitangaza kupitia challenge zenye ubunifu na kushiriki wao binafsi ili kuongeza ushawishi kwa mashabiki.
Mashabiki wa Chella wana hamu kubwa ya kumwona akitumbuiza mubashara wikiendi hii jijini Nairobi, ambapo anatarajiwa kutoa burudani ya kipekee na kuthibitisha nafasi yake kama msanii mwenye ushawishi mkubwa katika muziki na mitandao ya kijamii.
