Klabu ya Arsenal imemsajili kiungo mkabaji Christian Norgaard kutoka Brentford kwa ada ya pauni milioni 15, sawa na zaidi ya shilingi bilioni 53 za Tanzania. Mkataba huo ni wa miaka miwili, huku ikiwa na kipengele cha kuongeza mwaka mmoja zaidi.
Mchezaji huyo wa taifa la Denmark mwenye umri wa miaka 31 alijiunga na Brentford mwaka 2019 akitokea klabu ya Fiorentina. Katika kipindi chake Brentford, Norgaard amekuwa mchezaji wa kuaminika ndani ya kikosi na hata kupewa kadi ya uanachama wa unahodha.
Tangu ajiunge na Brentford, Norgaard ameshiriki michezo 196, akiwakilisha kikosi hicho kwa bidii na umahiri. Msimu wa 2024-2025 wa Ligi Kuu England (EPL) amefanya vizuri pia, akicheza michezo 34, kufunga mabao 5 na kutoa pasi za kufunga (assist) 4.
Uhamisho huu unatarajiwa kuongeza nguvu ya Arsenal katika safu ya kati huku ikijiandaa kushindana msimu ujao.
