Rapa na nyota wa muziki duniani, Drake, ameripotiwa kununua nakala adimu ya albamu ya Michael Jackson Thriller, ambayo imesainiwa na watu wawili pekee, marehemu Michael Jackson mwenyewe na mtayarishaji maarufu Quincy Jones.
Kwa mujibu wa Alexander Bitar, mfanyabiashara mashuhuri wa bidhaa za thamani na urithi wa wasanii, albamu hiyo inachukuliwa kama moja ya hazina kubwa zaidi katika historia ya muziki.
Thriller mara nyingi imetajwa kama albamu bora zaidi ya muda wote, ikivunja rekodi nyingi za mauzo na kuendelea kuwa kielelezo cha muziki wa pop duniani. Nakala hii iliyosainiwa na wasanii wawili wakuu nyuma ya mafanikio yake imeongeza uzito mkubwa wa kihistoria na thamani ya kipekee.
Hii inakuja muda mfupi baada ya Drake pia kuripotiwa kununua cheni ya marehemu 2Pac yenye nembo ya Death Row Records. Cheni hiyo, ambayo imeandikwa maneno All Eyez on You, ilinunuliwa pia kutoka kwa Alexander Bitar na inachukuliwa kama moja ya alama kubwa zaidi katika urithi wa 2Pac.
Kupitia manunuzi haya, Drake anaendelea kudhihirisha mapenzi yake kwa historia ya muziki na urithi wa wasanii waliomtangulia, akijikusanyia vitu vya thamani vinavyochukuliwa kama kumbukumbu zisizo na mfano katika tasnia ya muziki duniani
