Tag: aroma

Msanii kutoka Uganda Aroma alipata umaarufu kwenye muziki wake kupitia wimbo uitwao Yoola ambao aliwashirikisha wasanii wa B2c Boys. Tangu wakati huo amekuwa akiachia magoma makali ambayo yanazidi kufanya vizuri kwenye chati mbali mbali za muziki. Aroma, ambaye amekuwa akifanya na uongozi wa Butterfly Entertainment inaonekana amefanya mabadiliko kwenye kazi yake ya muziki. Taarifa mpya ni kwamba mrembo huyo amejiunga na lebo ya Team no sleep ambayo inamilikiwa na jeff kiwa na tayari ameachia nyimbo mbili ambazo ni “Omugenyi Omukulu” na “Check Yo Lover”. Aroma anajiunga na wasanii wengine kama Grenade na Pinky ambao tayari wapo chini ya lebo hiyo. Aroma alianza muziki mwaka  2018 alipoachia wimbo wake wa kwanza “Wakimala”  ambao alirekodi na prodyuza Skales huko Kampala lakini akaachia video yake Julai mwaka wa 2019 ambayo ilimtambulisha kwenye tasnia ya muziki nchini Uganda.

Mwanamuziki kutoka nchini Uganda Aroma hana furaha kabisa na baadhi ya wasanii  nchini humo ambao wanalipa vyombo vya habari kuhujumu muziki wake. Katika mahojiano na Runinga ya NBS Aroma amesema kuna msanii mmoja wa kike nchini Uganda ambaye anahonga vituo vya redio na runinga sizicheze nyimbo zake. Hitmaker huyo wa “Yoola” amemtaka msanii huyo ambaye anajaribu kuhujumu muziki wake kukoma mara moja na badala yake aelekeze nguvu zake kwenye ishu ya kuwakuza wasanii chipukizi. Hii sio mara ya kwanza kwa wasanii wa uganda kutoa malalamiko juu wasanii ambao wanahujumu kazi za wenzao kupitia vyombo vya habari kwani mwaka wa 2021 tuliona wasanii kama Naira Ali, Bruno K, na Lydia Jazmine wakiwasuta vikali wasanii wanaohonga vituo vya redio na runinga kucheza nyimbo zao huku wasanii wengine wakisahaulika.