Tag: BEYONCE

Hatimaye Beyonce amekubali kuondoa neno ambalo ni kero kwa walemavu kutoka katika wimbo wake uitwao “Heated” ulio kwenye album yake mpya iitwayo “Renaissance” wimbo ambao uliandikwa na rappa Drake na wengine. Msemaji wa Beyoncé ambaye alitoa taarifa kwa vyombo vya habari, amesema kwamba neno hilo halikutumika makusudi ili kuwakejeli walemavu na litaondolewa. Neno hilo ni “SP*Z” ufupisho wa “Spastic” ambalo maana yake ni mtu ambaye amepoteza uwezo wa kutumia vyema viungo vya mwili au hata akili na ni aina ya ugonjwa wa kupooza ubongo yaani Cerebral Palsy. Utakumbuka, hili linajiri kwa Beyonce kufuatia mwezi mmoja kupita, mwanamuziki mwingine aitwae Lizzo nae kubadili neno hilo hilo ambapo alilitumia kwenye wimbo wake uitwao Grrrls. Hannah Diviney, mmoja wa watetezi wa walemavu nchini Marekani, ameandika kwenye ukurasa wake wa Twitter kwamba; kusikia matumizi ya neno hilo tena na Beyonce, ni kama kofi usoni mwake na kwenye nyuso za walemavu na hatua walizopiga na Lizzo.

Mwanamuziki kuoka Marekani Beyonce amejikuta kwenye kiti cha moto kufuatia kutumia neno “Spazzin” kwenye wimbo wake Heated unaopatikana kwenye album yake Renaissance aliyoiachia hivi karibuni Baadhi ya wanaharakati kwenye mitandao ya kijamii wamehoji juu ya mwimbaji huyo kutumia neno hilo ambalo hutumika kuwadhihaki watu wenye ulemavu wa akili. Kufuatia tuhuma hizo Beyonce ameahidi kufuta maneno hayo kwenye wimbo huo japo hajaomba radhi mpaka sasa. Si Beyonce tu aliyewahi kusakamwa kwa kutumia neno hilo ila hata mwimbaji Lizzo alilazimika kubadili mstari kwenye wimbo wake  Grrls baada ya kutumia neno hilo Pamoja na ahadi hiyo ya kubadili maneno hayo kwenye wimbo wake wanaharakati wanataka Beyonce aombe radhi kwa uma kama alivyofanya Lizzo.

Mwanamuziki nyota kutoka Marekani, Beyonce, ameteuliwa kuwania tuzo ya Emmy kwa vipindi vinavyoonyeshwa mchana yaani ‘Daytime Emmy’ kutokana na wimbo wa kutambulisha kipindi cha mama yake cha Facebook kiitwacho “Talks with Mama Tina” Beyonce aliwaongoza wanawe Blue Ivy, Sir na Rumi katika kuimba wimbo huo jambo ambalo lilimgusa sana Bi. Tina Knowles-Lawson. Kipindi chake ni cha mazungumzo na wageni mbalimbali ambao huwa anawakaribisha na chakula. Uteuzi wa Beyonce kuwania tuzo ya vipindi vya mchana kupitia wimbo huo wa kipindi cha mama yake ndio wa kwanza chini ya kitengo cha vipindi ambavyo huonyeshwa mchana lakini amewahi kuteuliwa mara nane kuwania tuzo ya Emmy kwa vipindi vinavyoonyeshwa usiku. Kipindi cha Mama Beyonce kilianza rasmi Disemba mwaka jana na hadi kufikia sasa tayari amehoji wageni kadhaa wakiwemo Kelly Rowland, Zendaya, Chloe na Halle Bailey, Tiffany Haddish, Kevin Hart na Ciara.

Mwanamuziki maarufu duniani Beyonce ametajwa kutumbuiza kwenye tuzo za 94 za Oscar zitakazofanyika, Machi 27 katika ukumbi wa Dolby Thearter,nchini Marekani. Beyonce anatajwa kutumbuiza wimbo “Be alive” ambao unapatikana kwenye filamu ya King Richard. Wasanii wengine ambao wanatarajiwa kuwasha moto kwenye jukwaa hilo ni pamoja Van Morrison wimbo “Down to joy”, ambao unatikana kwenye filamu ya Belfast, wengine ni Billie Eilish & Finneas ambao watatumbuiza wimbo “No time to die” unayopatikana kwenye filamu ya No time to die, na wasanii wengine wengi. Tuzo hizo maarufu za filamu duniani, zitahudhuriwa na mastaa kibao kutoka Marekani na nje ya Marekani. Tuzo hizo zina jumla ya vipengele 24 ambazo wasanii mbalimbali wakiwemo wa muziki na filamu wanaziwania. Wakati huo huo Regina Hall, Amy Schumer na Wanda Sykes wanatarajiwa kuwa host wa tuzo hizo. Hii inakuwa kwa mara ya pili tangu mwaka 2011 tuzo hizo kuwa na host watatu.

Vipengele vya Tuzo za Oscar vimetolewa Februari 8, mwaka wa 2022 ambapo dunia imemshuhudia staa wa muziki kutoka nchini marekani Beyonce akipata Nomination yake ya kwanza kupitia kipengele cha Best Original Song na wimbo wa “Be Alive”. Wimbo huo ulitumika kwenye filamu ya “King Richard”,  filamu fupi iliyogusa maisha ya Baba mzazi wa Serena na Venus Williams. Tuzo hizo za 94 zimetajwa kufanyika March 27, mwaka wa 2022 katika ukumbi wa Dolby Theatre nchini Marekani