Tag: brown mauzo

Penzi la Vera Sidika linaonekana kuendelea kumtesa msanii wa muziki Brown Mauzo, hii ni baada ya kukiri hadharani kwamba bado anampenda sosholaiti huyo licha ya kutengana kwao miezi kadhaa iliyopita. Mauzo amefunguka kupitia majibu kwa shabiki mmoja aliyemwandikia mtandaoni akisema walipendeza sana akiwa na Vera. Katika jibu lake, msanii huyo alikubali kuwa bado moyo wake haujamtoa Vera na kwamba anatamani kama wangeweza kurudiana. Kwa mujibu wa Mauzo, uhusiano wake na Vera haukuwa wa kawaida kwani ulimjengea familia na kumpa mtoto, jambo analolitaja kama kumbukumbu na baraka kubwa katika maisha yake. Ameeleza kwamba Vera ataendelea kubaki mtu wa kipekee moyoni mwake kwa sababu ya nafasi aliyopewa katika maisha yake. Uhusiano wa wawili hao uliwahi kuwa gumzo kubwa mitandaoni, uliojaa matukio ya kifahari, safari za kifamilia na hadithi za kimapenzi zilizoshirikishwa kwa mashabiki. Hata hivyo, baadaye walitangaza kuachana, kila mmoja akichukua mwelekeo tofauti. Vera alirudi kujikita katika biashara na maisha ya mitindo, huku Mauzo akijitahidi kurejea kwa nguvu kwenye muziki. Kauli yake ya sasa imeibua hisia mseto mitandaoni, baadhi ya mashabiki wakimtia moyo kutafuta njia ya kusuluhisha tofauti zao na kumrudisha Vera, huku wengine wakimtaka akubaliane na hali na kuendelea mbele bila kumshikilia penzi la zamani.

Mwanamuziki wa Bongo Fleva, Brown Mauzo, ameibua mjadala mtandaoni baada ya kueleza mshangao wake kuhusu ongezeko kubwa la wazazi wanaolea watoto pekee bila wenza. Kupitia hadithi zake za Instagram, Mauzo alionyesha kushangazwa na namna idadi ya single parents inavyozidi kupanda kila siku. Alisema hali hiyo imeibua swali kubwa kuhusu nani wa kulaumiwa katika changamoto hiyo, ikiwa ni wanaume au wanawake. Kauli hiyo imezua maoni tofauti mitandaoni, hasa ikizingatiwa kwamba Mauzo mwenyewe ana watoto na wake watatu tofauti (baby mamas). Wapo waliomuunga mkono wakiamini ametaja tatizo halisi la kijamii, huku wengine wakimshutumu wakidai historia yake binafsi inamnyima nafasi ya kutoa ushauri au maoni katika mjadala huo. Mjadala huu unaendelea kuibua maoni mseto kuhusu familia na malezi ya watoto, na unaonyesha jinsi suala la single parenting linavyoendelea kuchukua nafasi kubwa katika jamii ya sasa.

Mwanamuziki wa Kenya Brown Mauzo ameweka wazi msimamo wake kuhusu mawasiliano katika mpangilio wa malezi ya pamoja (co-parenting), akisema hatakubali kupokea simu za usiku wa manane isipokuwa pale ambapo kuna dharura ya kweli. Kupitia ujumbe aliouchapisha mitandaoni, Mauzo ameeleza kuwa anathamini mipaka na utaratibu wa mawasiliano katika malezi ya watoto, akisisitiza umuhimu wa kuheshimiana kati ya wazazi wanaoshirikiana kulea. Mauzo, ambaye amekuwa akihusiana na mijadala ya malezi ya pamoja kwenye mitandao, amesema anataka kuhakikisha mawasiliano yanabaki ya heshima na yanafaa kwa maslahi ya watoto. Hata hivyo, haijabainika iwapo kauli hiyo ilimlenga Vera Sidika ila walimwengu mitandaoni wamehoji kuwa huenda kuna mgogoro ambao umeibuka kati yake na Baby Mama wake huyo ambaye kwa muda wamekuwa wakishirikiana kwenye safari ya ulezi wa pamoja. Kauli yake imezua mjadala miongoni mwa mashabiki na wafuasi, huku baadhi wakimuunga mkono kwa kuweka mipaka, na wengine wakihisi kuwa ujumbe huo ulilengwa kwa mtu maalum.