Tag: CAF

Shirikisho la Soka barani Afrika, CAF, limezindua rasmi mfumo mpya wa zawadi kwa ajili ya fainali za Kombe la Mataifa ya Afrika, AFCON elfu mbili ishirini na tano, zitakazoandaliwa nchini Morocco. Kwa mujibu wa CAF, michuano hiyo itashirikisha mataifa ishirini na manne, huku jumla ya zawadi ya kifedha ikifikia shilingi bilioni 4. Timu itakayonyakua ubingwa wa mashindano hayo itajishindia shilingi bilioni 0.9, sawa huku timu itakayomaliza katika nafasi ya pili ikipata shilingi milioni 0.5. CAF imeeleza kuwa timu zitakazofuzu hatua ya nusu fainali zitapokea shilingi milioni 322 kila mmoja. Hatua hii inalenga kuongeza motisha kwa timu shiriki pamoja na kuimarisha ushindani katika mashindano hayo. Shirikisho hilo limesisitiza kuwa kuongezwa kwa viwango vya zawadi kutahakikisha mataifa yote ishirini na manne yanayoshiriki yanapata tuzo za kifedha, ikiwa ni sehemu ya dhamira ya CAF ya kusaidia maendeleo ya soka barani Afrika. Kwa ongezeko hilo la zawadi, AFCON elfu mbili ishirini na tano inatajwa kuwa mashindano yenye zawadi kubwa zaidi katika historia ya fainali za Kombe la Mataifa ya Afrika.

Shirikisho la Soka barani Afrika CAF limethibitisha kuwa Tuzo za mwaka huu za CAF  zitaandaliwa mjini Rabat, Morocco. Sherehe hizo za kila mwaka huwatuza wachezaji, makocha na timu mashuhuri ambazo zimeandikisha matokeo mazuri katika soka la Afrika katika msimu uliopita. Tuzo hizo ambazo huchukuliwa kuwa moja ya hafla za kifahari zaidi kwenye kalenda ya soka barani Afrika, huwaleta pamoja nyota wa soka barani Afrika pamoja na wachezaji wa kimataifa. Miongoni mwa wachezaji wanaowania tuzo hiyo kwa wanaume ni Achraf Hakimi wa Morocco, Mohamed Salah wa Misri, na Victor Osimhen wa Nigeria. Kwa upande wa wanawake, Barbra Banda wa Zambia anaongoza orodha ya walioteuliwa ambayo pia inawajumuisha wachezaji wa kimataifa wa Morocco, Ghizlane Chebbak na Sanaa Mssoudy, ambao wote wamevutia na uchezaji wao kwenye jukwaa la kimataifa.

Shirikisho la Soka barani Afrika (CAF) limethibitisha kuwa litaanza kutumia teknolojia ya Video Assistant Referee (VAR) katika mechi za mchujo za kufuzu kwa fainali za Kombe la Dunia mwaka 2026 zitakazochezwa baadaye mwezi huu. Kwa mujibu wa taarifa rasmi, teknolojia hiyo itatumika kwa mara ya kwanza kwenye mechi za nusu fainali zitakazochezwa tarehe 13 mwezi huu, ambapo Nigeria itamenyana na Gabon, huku Cameroon ikipambana na Jamhuri ya Kidemokrasia ya Kongo (DR Congo) katika pambano jingine la siku hiyo hiyo. Washindi wa michezo hiyo miwili watakutana kwenye fainali kuwania tiketi ya mwisho ya Afrika kuelekea fainali za Kombe la Dunia 2026. Uamuzi wa CAF kuanzisha VAR katika hatua hii unaonekana kama hatua kubwa ya mageuzi katika usimamizi wa mechi muhimu za bara hilo. Awali, teknolojia hiyo haikutumika katika baadhi ya mechi kuu za mchujo, hali iliyosababisha malalamiko na maamuzi yenye utata kutoka kwa wadau wa soka. Kwa mujibu wa CAF, teknolojia hiyo itawezesha kila tukio muhimu ikiwa ni pamoja na mabao, penalti, na kadi nyekundu kuchunguzwa kwa umakini zaidi ili kuhakikisha haki inatendeka uwanjani. Wachambuzi wa soka wanasema hatua hii ni mwanzo wa enzi mpya ya uwazi na usawa katika soka la Afrika, huku mashabiki wakisubiri kuona jinsi VAR itakavyoathiri matokeo ya mechi hizi muhimu za kufuzu.