Tag: CATHERINE KUSASIRA

Mwimbaji wa bendi  Catherine Kusasira amewapa somo wasanii wa kike nchini Uganda kujiepusha na matumizi ya vipodozi kwenye miili yao. Kwenye mahojiano yake hivi karibuni Kusasiri anasema vipodozi ina kemikali hatari ambayo inazeesha ngozi haraka. Hitmaker huyo wa “I Love You” anadai kuwa hatumii vipodozi usoni mwake mbali na mafuta aina ya Vaseline. “Situmii vipodozi na ninawashauri waimbaji chipukizi kujiepusha kutumia kemikali kama hizo kwenye nyuso zao. Situmii vipodozi na ndio maana naonekana mdogo kila mara unaponiona,” alisema katika mahojiano na runinga moja nchini Uganda. Kusasira amesema alipata msukumo wa kuzingatia urembo wa asili kutoka kwa wasanii wakongwe nchini humo Mariam Ndagire na Neema Nalubega.

Msanii mkongwe kwenye muziki nchini Uganda Catherine Kusasira amekanusha madai ya kuwadharau watu mitandaoni baada ya kuonekana akijigamba na vibandu vya pesa. Kwenye mahojiano yake hivi karibuni Kusasira amedai kitendo chake cha kuwaonesha mashabiki  kibunda cha pesa mtandaoni ilikuwa ni njia ya kutengeneza mazingira ya tamasha lake la muziki kuzungumziwa mtandaoni na sio vinginevyo. Mrembo huyo amesema pesa hizo alikopeshwa na promota Baalam kwa ajili ya kufadhili tamasha lake la muziki, hivyo hakuwa na nia ya kuwavunjia heshima mashabiki. Kauli yake imekuja mara baada ya mashabiki kumshambulia mtandaoni alipokiri kuwa nyumba yake inapigwa mnada hivi karibuni kutokana na madeni anayodaiwa na benki.

Msanii Catherine Kusasira bado anajutia hatua ya kutokamilisha masomo yake baada ya kudai kuwa amekosa kazi serikalini kutokana na ukosefu wa elimu ya kutosha. Katika mahojiano yake hivi karibuni Kusasira amesema angekuwa waziri katika serikali ya rais Yoweri Museveni kama angekuwa amemaliza masomo yake Hitmaker huyo wa “I love you” amesema anaumizwa na kitendo cha serikali kutompa kazi kutokana na yeye kukosa elimu licha ya kuwa na ukaribu na maafisa wakuu serikalini “It hurts me that I didn’t finish school early enough. I would be a minister or even the prime minister but I am limited by my academic qualifications. That’s why I went back to school,” Alisema. Catherine kusasira ambaye ni mshauri wa masuala ya ndani ya jiji la kampala kwa sasa amejiunga na chuo kikuu cha  Nkumba kuendeleza masomo yake.

Mwanamuziki kutoka Uganda Catherine Kusasira ametoa wito kwa serikali ya nchini hiyo kumruhusu Bobi Wine kutumbuiza kwenye majukwaa ya muziki. Katika mahojiano yake hivi karibuni kusasira amesema ni wakati muafaka kwa bobi wine kurudi kwenye muziki kwa kuwa siasa zilikamilika kwani ndiyo chanzo kuu iliyomfanya azuiwe kutumbuiza kwenye majukwaa ya burudani. Aidha amesema kuwa Bobi Wine alizuiwa kutumbuiza kwa sababu alichanganyika muziki na siasa, jambo ambalo lilizua mvutano katika yake na serikali.  “Siasa ziliisha na Bobi Wine hana budi kuanza tena kazi yake ya muziki. Naamini sababu iliyomfanya kufungiwa kuimba ni siasa kwani alitumia muziki kutangaza ajenda zake za siasa. Kusasira ametoa kauli hiyo kufuatia mapokezi mabaya ambayo amekuwa akiyapata kwenye shoo zake ambazo alipangiwa kutumbuiza. Utakumbuka ni takriban miaka minne sasa tangu Bobi Wine apigwe marufuku kutumbuiza kwenye maeneo ya umma baada ya kutangaza  nia ya kuchuana na Rais Museveni kwenye uchaguzi mkuu wa mwaka 2021.

Mapromota wa muziki nchini Uganda wameacha kumzingatia msanii wa bendi Catherine Kusasira kwenye shoo zao, kwa hofu kuwa huenda akazua fujo na kupelekea matamasha yao ya muziki kutofanya vizuri. Katika mahojiano yake ya hivi karibuni Kusasira amesema hofu hiyo inatokana na mwelekeo wake wa kisiasa. “Si rahisi kwa mapromota kunishirikisha kwenye shoo zao. Siasa zimeathiri biashara zetu,” amesema “Niko katika kiwango ambacho lazima niombe promota anipee nafasi kwenye shoo au niwasihi mashabiki waje kwenye onesho langu,” ameongeza. Utakumbukwa Catherine Kusasira ni mfuasi mkubwa wa chama tawala nchini Uganda NRM na mwaka wa 2021 alikuwa moja ya kati wasanii waliomkingia kifua Rais Yoweri Museveni kutua uongozi wa nchi hiyo.

Mwanamuziki wa bendi nchini Uganda Catherine Kusasira ameitaka Idara ya polisi nchini humo kumuomba msamaha kwa kusitishwa onesho lake mapema wiki hii bila sababu za msingi. Katika video aliyochapisha kwenye mitandao yake ya kijamii Kusasira ametoa wito kwa serikali kuwachukulia hatua kali za kisheria maafisa wakuu wa polisi waliofuta show yake iliyokuwa imewavutia zaidi ya watu 3000 kwenye mkesha wa pasaka. Hitmaker huyo wa ngoma ya “I love you” amesema polisi walimvunjia heshima huku akisisitiza kuwa lazima wamuombe radhi kwa kitendo chao cha kusitisha show yake ghafla ikizingatiwa kuwa yeye ni mfuasi mkubwa wa chama cha nrm kilimchompelekea rais Yoweri Museveni kushinda uchaguzi wa mwaka wa 2021. Utakumbuka baada ya polisi kusimamisha show yake saa tatu usiku wa kuamkia jumatatu kuu ya pasaka mashabiki walighadhabishwa na hatua hiyo ambapo walivunja viti kwenye bustani ya Palms Park Ndejje, Kanaaba huku wengine wakitoweka na viti vingine jambo lilowaacha waandaji wa show hiyo wakikadiria hasara kubwa.