Chelsea Yaitandika PSG 3-0, Yatwaa Kombe la Dunia la Klabu
Robert Elim July 14, 2025
Comments (0)

Chelsea Yaitandika PSG 3-0, Yatwaa Kombe la Dunia la Klabu

Chelsea wametwaa Kombe la Dunia la Klabu 2025 kwa kishindo baada ya kuichapa Paris Saint-Germain (PSG) mabao 3-0 katika fainali iliyopigwa Julai 13 kwenye uwanja wa MetLife, New Jersey. Cole Palmer alifunga mabao mawili dakika ya 22 na 30, kabla ya João Pedro kuongeza la tatu dakika ya 43, na kuifanya Chelsea kutawala mchezo tangu mwanzo hadi mwisho. Mchezo huo ulionyesha ubora mkubwa wa kikosi cha Chelsea kilicho chini ya kocha Enzo Maresca, huku PSG wakionekana kuzidiwa mbinu na kasi ya wapinzani wao. PSG walijikuta wakizidiwa katika kila idara na walionekana kukata tamaa mapema baada ya bao la tatu kabla ya mapumziko. Dakika ya 83, PSG walipata pigo zaidi baada ya João Neves kuonyeshwa kadi nyekundu kwa kumvuta nywele beki Marc Cucurella wa Chelsea. Tukio hilo lilizua tafrani, huku kocha Luis Enrique akigombana na João Pedro wa Chelsea kwa madai ya kuchelewesha muda wakati wa mabadiliko. Mechi hiyo pia ilihudhuriwa na Rais wa Marekani, Donald Trump, ambaye alimkabidhi nahodha wa Chelsea, Reece James, kombe hilo. Hata hivyo, kitendo hicho kilizua hisia tofauti kutoka kwa mashabiki waliomzomea Trump huku wengine wakimshangilia. Cole Palmer alitangazwa mchezaji bora wa mechi hiyo kwa mchango wake mkubwa. Ushindi huo unakuwa wa pili kwa Chelsea kwenye historia ya Kombe la Dunia la Klabu, baada ya kutwaa taji hilo mwaka 2021. Kwa ushindi huu, The Blues wamethibitisha kuwa wako katika njia sahihi ya kurejea kwenye kilele cha soka la dunia, wakiwa na kikosi kipya chenye njaa ya mafanikio.

Read More
PSG Yaitandika Real Madrid 4-0, Yatinga Fainali ya Kombe la Dunia la Vilabu
Robert Elim July 10, 2025
Comments (0)

PSG Yaitandika Real Madrid 4-0, Yatinga Fainali ya Kombe la Dunia la Vilabu

Klabu ya Paris Saint-Germain (PSG) imeendeleza ubabe wake katika soka la kimataifa kwa kuifunga Real Madrid mabao 4-0 na kufuzu kwa fainali ya Kombe la Dunia la Vilabu. Mechi hiyo ya kusisimua ilichezwa Jumatano usiku mjini New Jersey, Marekani. PSG walitawala mchezo huo tangu dakika za awali, huku Fabián Ruiz akifungua ukurasa wa mabao katika dakika ya 6, kabla ya Ousmane Dembélé kuongeza bao la pili dakika tatu baadaye. Ruiz alipachika bao la tatu dakika ya 24 kabla ya Gonçalo Ramos kukamilisha karamu hiyo ya mabao dakika ya 87. Real Madrid walionekana kuzidiwa mapema kabisa kwenye mchezo huo, wakiwa na umiliki wa mpira wa asilimia 28 tu katika kipindi cha kwanza. Mashabiki na wachambuzi wa soka wameelezea matokeo haya kama aibu kubwa kwa mabingwa hao wa kihistoria, huku makosa ya kocha mpya Xabi Alonso yakitajwa kama sababu mojawapo ya kipigo hicho. Ushindi huo unaiweka PSG katika nafasi ya kukutana na Chelsea katika fainali siku ya Jumapili, mechi inayotarajiwa kuwa ya kukata na shoka. Huu ni mwendelezo wa mafanikio kwa PSG, waliotwaa ubingwa wa Ligi ya Mabingwa Ulaya majuma machache yaliyopita kwa kuicharaza Inter Milan mabao 5-0 katika fainali iliyochezwa Mei 31, 2025. Timu hiyo kutoka Ufaransa sasa inaonekana kuwa na kiu ya kutwaa taji la dunia la vilabu na kukamilisha msimu kwa mafanikio ya kihistoria. Mashabiki wa soka duniani kote sasa wanasubiri kwa hamu kuona kama PSG wataendeleza moto wao huo dhidi ya Chelsea na kutwaa Kombe la Dunia la Vilabu kwa mara ya kwanza katika historia ya klabu hiyo.

Read More
João Pedro Aibeba Chelsea Hadi Fainali ya Kombe la Klabu
Robert Elim July 9, 2025
Comments (0)

João Pedro Aibeba Chelsea Hadi Fainali ya Kombe la Klabu

Klabu ya Chelsea imefuzu kwa fainali ya Kombe la Klabu Duniani baada ya kuibuka na ushindi wa mabao 2-0 dhidi ya Fluminense katika mchezo wa kusisimua wa nusu fainali uliochezwa usiku wa kuamkia leo. João Pedro, mshambuliaji mpya wa Chelsea, ndiye aliyeng’ara katika mchezo huo kwa kufunga mabao yote mawili, huku akionesha kiwango cha juu katika mechi yake ya kwanza kuanza katika kikosi cha kwanza. Bao lake la kwanza lilifika dakika ya 18 kupitia kombora kali kutoka nje ya eneo la hatari, likitua moja kwa moja wavuni. Alirejea tena dakika ya 56 na kuongeza bao la pili kwa ustadi wa hali ya juu, akiipa Chelsea uongozi ambao haukutetereka hadi mwisho wa mchezo. Chelsea walitawala mchezo kwa kiwango kikubwa, wakimiliki mpira kwa ufanisi, huku safu ya ulinzi ikicheza kwa nidhamu na kuzuia kila jaribio la Fluminense kurudi mchezoni. Licha ya juhudi za wapinzani wao kutoka Brazil, walikosa umakini katika nafasi muhimu na walionekana kuzidiwa mbinu. Kwa ushindi huu, Chelsea sasa inasubiri mshindi kati ya Paris Saint-Germain na Real Madrid katika fainali ya Kombe la Klabu, itakayochezwa Jumapili ijayo. Kikosi hicho kutoka London kinalenga kutwaa taji hili kwa mara ya pili katika historia ya klabu hiyo.

Read More
Chelsea Yajenga Upya Safu ya Ushambuliaji kwa Usajili wa Wachezaji Wanne
Robert Elim July 1, 2025
Comments (0)

Chelsea Yajenga Upya Safu ya Ushambuliaji kwa Usajili wa Wachezaji Wanne

Klabu ya Chelsea imefanya hatua kubwa katika dirisha la usajili kwa kukamilisha usajili wa wachezaji wane wapya wa safu ya ushambuliaji, ikiwa ni sehemu ya mkakati wa kuimarisha kikosi kuelekea msimu ujao wa 2025/26. Wachezaji waliothibitishwa kusajiliwa ni Jamie Gittens kutoka Borussia Dortmund, Willian Estevão kutoka Palmeiras, João Pedro  kutoka Brighton & Hove Albion na Liam Delap  kutoka Ipswich Town. Usajili huu umekuja baada ya klabu hiyo kuonyesha udhaifu katika safu ya ushambuliaji msimu uliopita, ambapo Chelsea ilifunga jumla ya mabao 64, idadi ndogo zaidi miongoni mwa timu nne za juu katika Ligi Kuu ya England. Katika upande wa ulinzi, Chelsea iliruhusu mabao 43, ikiwa ni ya pili kati ya timu nne bora kwa kuruhusu mabao mengi  ikiwa nyuma ya Manchester City walioruhusu mabao 44. Kuingia kwa Gittens na João Pedro kunatazamiwa kuongeza kasi, ubunifu na chachu ya mabao, huku Estevão akiwa moja ya vipaji vya hali ya juu kutoka Brazil, anayekuja kwa matarajio makubwa. Liam Delap, mshambuliaji mwenye nguvu na muono wa bao, anatazamiwa kuwa chaguo mbadala mwenye tija ndani ya kikosi hicho. Kocha wa Chelsea amesisitiza kuwa maboresho haya ni sehemu ya mpango wa muda mrefu wa kujenga kikosi chenye ushindani ndani na nje ya Uingereza, akiahidi kuwa mashabiki watarajie timu yenye njaa ya mafanikio na soka la kuvutia.

Read More
Flamengo Yashusha Kipigo Kizito kwa Chelsea Katika Michuano ya Dunia ya Klabu
Robert Elim June 21, 2025
Comments (0)

Flamengo Yashusha Kipigo Kizito kwa Chelsea Katika Michuano ya Dunia ya Klabu

Klabu ya Chelsea kutoka England imekubali kichapo cha mabao 3-1 dhidi ya Flamengo ya Brazil katika mchezo wa pili wa Kundi D kwenye michuano ya Kombe la Dunia la FIFA kwa Klabu, uliopigwa leo. Chelsea ilianza kwa kasi, lakini hali ilibadilika kabisa baada ya mshambuliaji wao, Nicholas Jackson, kuonyeshwa kadi nyekundu katika dakika ya 68 kufuatia rafu mbaya. Tukio hilo liliwafanya kumaliza mchezo wakiwa pungufu na kuwapa Flamengo nafasi ya kutawala kipindi cha pili. Bao la kwanza la mchezo lilifungwa mapema dakika ya 13 na Neto, ambaye aliujaza mpira wavuni kwa bahati mbaya akiwa katika jitihada za kuokoa, na hivyo kuipa Chelsea uongozi wa muda. Hata hivyo, Flamengo walijibu vikali kipindi cha pili kwa mabao matatu mfululizo yaliyofungwa na Henrique dakika ya 62, Danilo dakika ya 65, na Yan aliyefunga bao la kufunga mchezo dakika ya 83. Kwa matokeo hayo, Flamengo imefanikiwa kuongoza Kundi D kwa pointi sita baada ya kushinda mechi zao mbili za mwanzo. Chelsea wanashika nafasi ya pili na pointi tatu, wakifuatiwa na Esperance ya Tunisia na Los Angeles FC ya Marekani ambao wote hawajapata pointi yoyote baada ya raundi mbili za kwanza. Hali ya kundi inaonyesha kwamba Flamengo tayari wamejiweka katika nafasi nzuri ya kufuzu hatua ya mtoano, huku Chelsea wakikabiliwa na shinikizo la kushinda mchezo wao wa mwisho ili kuwa na matumaini ya kuendelea mashindano.

Read More
Chelsea Yatwaa Taji la UEFA Conference League 2025 kwa Ushindi wa 4-1 Dhidi ya Real Betis
Robert Elim May 29, 2025
Comments (0)

Chelsea Yatwaa Taji la UEFA Conference League 2025 kwa Ushindi wa 4-1 Dhidi ya Real Betis

Chelsea iliibuka mabingwa wa UEFA Conference League 2025 baada ya kuichapa Real Betis 4-1 katika fainali iliyofanyika Mei 28, 2025, kwenye Uwanja wa Stadion Wrocław, Poland. Real Betis walitangulia kwa bao la mapema dakika ya 9 kupitia Abdessamad Ezzalzouli, lakini Chelsea walirejea kipindi cha pili kwa nguvu.  Cole Palmer alitoa pasi mbili za mabao kwa Enzo Fernández na Nicolas Jackson, kabla ya Jadon Sancho na Moisés Caicedo kuongeza mabao mawili ya mwisho, na kuifanya Chelsea kushinda kwa mara ya kwanza taji hili  . Ushindi huu uliifanya Chelsea kuwa klabu ya kwanza kushinda mataji yote manne makuu ya UEFA: Ligi ya Mabingwa, Ligi ya Europa, Super Cup, na sasa Conference League  . Kocha Enzo Maresca alisifu ari na ujasiri wa wachezaji wake, akisema ushindi huu ni hatua muhimu katika kujenga utamaduni wa ushindi ndani ya klabu.  Kwa upande wa Real Betis, licha ya kushindwa, walionyesha maendeleo makubwa kwa kufika fainali yao ya kwanza ya Ulaya chini ya kocha Manuel Pellegrini  . Ushindi huu pia uliihakikishia Chelsea nafasi ya kushiriki Ligi ya Mabingwa msimu ujao, na kuhitimisha msimu kwa mafanikio makubwa.

Read More
Chelsea Yalalamikia Upendeleo kwa Real Betis Kabla ya Fainali
Robert Elim May 20, 2025
Comments (0)

Chelsea Yalalamikia Upendeleo kwa Real Betis Kabla ya Fainali

Kocha wa Chelsea, Enzo Maresca, ameonesha kutoridhishwa na uamuzi wa La Liga wa kuurudisha nyuma mchezo wa Real Betis dhidi ya Valencia, hatua inayowapa wapinzani wao siku mbili zaidi za maandalizi kuelekea fainali ya UEFA Conference League dhidi ya Chelsea, itakayopigwa Mei 28, 2025. Awali, mechi ya Betis na Valencia ilikuwa imepangwa Jumapili ya Mei 25, lakini sasa itachezwa Ijumaa ya Mei 23, ili kuipa nafasi Betis kupumzika. Huku Chelsea wakilazimika kusafiri kuikabili Nottingham Forest katika mechi ya mwisho ya EPL inayotajwa kuwa ya kuamua hatma yao ya kufuzu kwa UEFA Champions League 2025/26. Maresca amesema hali hiyo ni ya kutokuwa na usawa wa kimashindano, akisisitiza kuwa maandalizi yao kwa fainali hiyo sasa yatakuwa na changamoto zaidi. Fainali hiyo inatarajiwa kuchezwa mjini Athens, Ugiriki, huku mashabiki wakisubiri kwa hamu kuona iwapo Chelsea watachukua taji hilo au kama Real Betis watachukua faida ya muda wa ziada wa maandalizi.

Read More