Tag: DADDY ANDRE

Msanii na Prodyuza Daddy Andre amedai kwamba maprodyuza na waandishi wa nyimbo wanachukuliwa poa nchini uganda licha ya wao kuwa nguzo muhimu kwenye tasnia ya muziki. Katika mahojiano yake hivi karibuni Daddy Andre amekiri kutofaidi na kipaji chake cha uandishi wa nyimbo huku akipendekeza wasanii waanze kugawana na waandishi wa nyimbo asilimia 50 ya mapato ya nyimbo zao. Hitmaker huyo wa ngoma ya “Kola” amesema uandishi wa nyimbo inahitaji ubunifu na muda mwingi ila mwisho wa siku waandishi wa nyimbo huambulia patupu jambo ambalo amedai sio cha kingwana. Hata hivyo ametoa wito kwa wabunge kutunga sheria itakayowalinda waandishi wa nyimbo na maprodyuza ila waanze kupata mgao wa mapato wa nyimbo wanazozifanyia kazi.

Msanii na Prodyuza kutoka Uganda Daddy Andre ametoa onyo kwa Nina Roz kukoma kutumia nyimbo  alizomuandikia kipindi wanafanya kazi pamoja kwenye shows zake. Kupitia barua ya mawikili wake Daddy Andre amemtaka Nina Roz amlipe shillingi millioni 120 za Uganda la sivyo atamfungulia kesi mahakamani. Kulingana vyanzo vya karibu na Daddy Andre, prodyuza huyo anataka alipwe shillingi millioni 30 za Uganda kwa kila wimbo aliomuandikia Nina Roz. Nyimbo hizo ni kama Nangana, Billboard Kipande, Enyonta, na Andelle. Wawili hao walisaini mkataba wa kufanya kazi pamoja mwaka wa 2020 lakini walikuja wakaachana mwaka wa 2021 baada ya kuingia ugomvi na tangu wakati huo wamekuwa wakirushiana maneno makali kwenye mahojiano mbali mbali. Notisi hiyo ya Daddy Andre inakuja wakati huu Nina Roz amefungua kesi polisi akimtuhumu prodyuza huyo kumuibia gari aina Mark X. Inadaiwa Daddy Andre alichukua gari la Mrembo huyo kama malipo ya kazi ambayo prodyuza huyo alimfanyia kipindi wanafanya kazi pamoja.

Msanii kutoka nchini Uganda Daddy Andre amemteua meneja Emma Carlos kusimamia muziki wake upande wa shows. Daddy andrea ambaye yupo chini ya Black Market Records amechukua hatua hiyo baada ya mapromota kulalamika kuwa amekuwa akikwepa baadhi ya shows zake jambo ambalo karibu limuaribie brand yake ya muziki. Emma Carlos atatakiwa kuhakikisha anachukua maombi ya shows za msanii huyo lakini pia atafuatilia kwa ukaribu ratiba  zake ili aweze kutumbuiza kwenye shows zake zote bila kukosa. Utakumbuka Emma Carlos ni moja kati ya mameneja wakongwe kwenye muziki nchini ikizingatiwa kuwa amesimamia kazi za wasanii wengi nchini akiwemo Coco Finger, Kalifah Aganagah Radio & Weasel na wengine wengi.