Tag: EDDY YAWE

Mwimbaji wa zamani wa bendi ya Afrigo Eddy Yawe ameamua kuvunja kimya chake kuhusu tuhuma za kuwanyanyasa kimapenzi wasanii wa kike. Katika mahojiano yake hivi karibu Yawe amesema tuhuma zote alizozushiwa mtandaoni hazina ukweli wowote kwani ilikuwa njia ya baadhi ya watu kumshusha kimuziki Msanii huyo kutoka nchini Uganda amenyosha maelezo kuhusu ugomvi wake na Msanii Carol Nantogo akisisitiza kuwa chanzo cha kukosana kwao ni hatua ya mrembo huyo kudhani kuwa ilikuwa lazima watumbuize pamoja wimbo wao “Tukiggale” kila sehemu anayopata mwaaliko. Lakini ameeleza kuwa walikuja wakatatua tofauti zao baada ya Nantogo kumuomba msamaha na sasa wana uhusiano mzuri kikazi. Hitmaker huyo “Love Yo” amezungumzia pia suala la kutokuwa na maelewano mazuri na msanii Martha Mukisa kwa kusema kuwa utofauti wao uliibuka kutokana na masuala ya hakimiliki wa wimbo wao “Neteze” na sio kumnyanyasa kingono kama ilivyoripotiwa mtandaoni kwani madai hayo yaliibuliwa na watesi wake. Hata hivyo kuhusu sakata la kumdhulumu kimapenzi msanii chipukizi Sheebah Sumayiyah Eddy Yawe amesema suala hilo linatatuliwa faraghani na hivi karibuni sheria itafuata mkondo wake.

Mwanamuziki kutoka Uganda Eddy Yawe amekiri kuchoshwa na kitendo cha kuwa mstari wa mbele kutatua tofauti za Bobi Wine na wasanii wenzake kila mara wanapoingia kwenye ugomvi. Katika mahojiano yake hivi karibuni Eddy Yawe amesema kama mwananchi wa kawaida  ana majukumu mengine ya kufanya ikiwemo kushughulikia familia yake na kuendelea kusukuma muziki wake licha ya kuwa Bobi Wine ni mdogo wake Hitmaker huyo wa ngoma ya “Neteze” amesema amechoshwa kutatua ugomvi wa bobi wine na wasanii wenzake hivyo atasusia kupokea lalama kutoka baadhi ya wasanii ikizingatiwa kuwa ni watu wazima. Hata hivyo amehapa kumaliza ugomvi ulioibuka kati ya Bobi Wine  na Eddy Kenzo kabla kuacha kabisa masuala ya kuwa mtatuzi wa mdogo wake bobi wine na wasanii wenzake.

Mwanamuziki kutoka nchini Uganda Eddy Yawe amekanusha madai ya kumnyanyasa kimapenzi msanii wa kike nchini humo Martha Mukisa. Katika mahojiano yake hivi karibuni Yawe amesema madai hayo hayana ukweli wowote huku akisisitiza kwamba uhusiano wake na Martha Mukisa ulikuwa wa kikazi tu. Hitmaker huyo wa ngoma ya “Love Yo” amesema walitafautiana kimawazo na Martha Mukisa wakati uongozi wake ulitaka kuchukua wimbo wake Neteze kwa nguvu bila ridhaa yake kwa kumnyima haki za umiliki wa wimbo huo walipopakia kwenye akaunti ya Youtube ya mrembo huyo. Kauli ya Eddy Yawe imekuja mara baada ya walimwengu kwenye mitandao ya kijamii kuhoji kuwa ugomvi kati yake na Martha Mukisa kuhusu umiliki wa wimbo wa Neteza ulitokana na mrembo huyo kukataa kutoka nae kimapenzi.

Msanii mkongwe kwenye muziki nchini Uganda Eddy Yawe amekiri kujutia uamuzi wake wa kujiunga na siasa. Katika mahojiano yake ya hivi karibuni Eddy Yawe amesema hajafaidi kivyovyote na siasa licha ya kuwekeza pesa nyingi kwenye azma yake kuwa meya wa manispaa ya Kira nchini Uganda. Ikumbukwe Eddy Yawe kwenye mahojiano yake mbali mbali amekiri kuwa aliuza mali yake nyingi kwa ajili ya kufadhili kampeini zake za kisiasa kitu ambacho amekuwa akijutia kwani amepoteza pesa nyingi. Eddy Yawe kwenye uchaguzi mkuu wa mwaka wa 2021 nchini alijaribu kumuondoa mamlakani meya wa sasa wa Manispaa ya Kira nchini Uganda lakini hakufanikiwa kumng’atua afisini.