Matokeo ya EPL: Arsenal Waang’ara, United na Chelsea Wasalimu Amri kwa Sare
Robert Elim December 31, 2025
Comments (0)

Matokeo ya EPL: Arsenal Waang’ara, United na Chelsea Wasalimu Amri kwa Sare

Ligi Kuu ya England iliendelea hapo jana kwa michezo kadhaa iliyopigwa katika viwanja tofauti, na matokeo yake yalileta taswira mpya kwenye mbio za ubingwa. Manchester United walibanwa nyumbani na Wolves kwa sare ya 1-1. Bao la Zirkzee dakika ya 27 liliwapa mashabiki wa Old Trafford matumaini, lakini Krejci akasawazisha kabla ya mapumziko na kuondoa furaha hiyo. Washika Mitutu, Arsenal, waliendeleza ubabe wao kwa kuichapa Aston Villa 4-1 katika dimba la Emirates. Gabriel alifungua ukurasa wa mabao dakika ya 48, Zubimendi akaongeza la pili dakika ya 52, kisha Trossard na Jesus wakahitimisha karamu ya mabao. Watkins alifuta machozi kidogo kwa Villa dakika ya 90+4, lakini haikutosha kuzuia kipigo kizito. Chelsea nao walibanwa Stamford Bridge na AFC Bournemouth kwa sare ya 2-2. Palmer alifunga kwa penalti dakika ya 15, Fernandez akaongeza la pili dakika ya 23, lakini Brooks na Kluivert walihakikisha Bournemouth wanatoka na alama moja muhimu. Katika mechi nyingine, Burnley walichapwa 3-1 na Newcastle United, West Ham wakalazimishwa sare ya 2-2 na Brighton, huku Nottingham Forest wakipigwa 2-0 na Everton. Kwa matokeo haya, Arsenal wamepanda kileleni mwa msimamo wakiwa na pointi 45, wakiacha pengo la alama 5 dhidi ya Manchester City walioko nafasi ya pili na pointi 40. Wapinzani wao wakuu kama United na Chelsea walibanwa nyumbani na kupoteza nafasi ya kupunguza tofauti, jambo linalozidi kuimarisha matumaini ya Washika Mitutu kutwaa ubingwa.

Read More
Arsenal Yaizamisha Newcastle, Yajihakikishia Nafasi ya Pili na Tiketi ya Ligi ya Mabingwa
Robert Elim May 19, 2025
Comments (0)

Arsenal Yaizamisha Newcastle, Yajihakikishia Nafasi ya Pili na Tiketi ya Ligi ya Mabingwa

Arsenal waliendeleza ubabe wao nyumbani kwa kuilaza Newcastle United kwa bao 1-0 katika mechi ya Ligi Kuu ya Uingereza iliyopigwa Jumapili, Mei 18, 2025, kwenye dimba la Emirates. Ushindi huo umeiwezesha The Gunners kufikisha pointi 71 na kuthibitisha nafasi yao ya pili kwenye msimamo wa ligi, nyuma ya mabingwa wa msimu huu, Liverpool. Katika mechi hiyo, Arsenal walitawala kwa muda mrefu na kuilazimisha Newcastle kucheza kwa tahadhari kubwa, huku wageni hao wakishindwa kutengeneza nafasi za wazi za kufunga. Bao pekee la mchezo lilipatikana dakika ya 55 kupitia kiungo Declan Rice, aliyefunga kwa kichwa baada ya kona ya Bukayo Saka. Newcastle, ambao wapo katika harakati za kuwania nafasi ya kufuzu kwa michuano ya Ulaya, walionekana kuandamwa na presha nzito kutoka kwa Arsenal katika vipindi vyote vya mchezo. Mashambulizi ya Arsenal yalikuwa ya kasi, huku safu ya kati na ya mbele ikidhibiti mchezo kwa ustadi. Kwa matokeo hayo, Newcastle wanasalia na alama 66, sawa na Chelsea na Aston Villa, na sasa wanategemea matokeo ya mwisho ya msimu ili kufuzu kwa mashindano ya bara Ulaya. Kocha wa Arsenal, Mikel Arteta, aliwapongeza vijana wake kwa ushindi huo muhimu na kusema kuwa kurejea kwao katika Ligi ya Mabingwa ni ushahidi wa maendeleo ya klabu msimu huu. Mashabiki wa Arsenal walijitokeza kwa wingi na kusherehekea ushindi huo, wakitazamia kurejea kwa klabu yao katika jukwaa la kifahari barani Ulaya msimu ujao. Mashabiki wa soka sasa wanasubiri kwa hamu mechi ya mwisho ya msimu itakayoweka mambo bayana kuhusu nafasi za Ulaya.

Read More