Tag: Eve Mungai

Youtuber maarufu mtandaoni, Eve Mungai, ameonekana kuumizwa na taarifa za mpenzi wake wa zamani, Director Trevor, kuthibitisha kuwa anatarajia mtoto na mrembo wake wa sasa anayejulikana kama Kiki Love. Eve, kupitia mitandao yake, aliandika ujumbe ulioonekana kuashiria kwamba hana furaha kubwa na taarifa hiyo, akisema kuwa “sio wa kwanza kupata uja uzito.” Kauli hiyo imeibua tafsiri tofauti kwa mashabiki wake, wengi wakihisi kwamba inaweza kuwa ishara ya machungu au hisia za wivu kwa hatua ya maisha ya ex wake licha ya kujaribu kujionyesha mwenye nguvu mbele ya umma. Hii inajiri baada ya Trevor mwenyewe kuthibitisha habari za ujauzito wa mrembo wake kupitia mitandao ya kijamii, akishare picha na ujumbe wa furaha akitangaza kuwa yeye na Kiki wanatarajia mtoto wao wa kwanza. Alienda mbali zaidi na kuwataka wafuasi wake wampendekezee majina watakayompa mtoto wao.

Mwanablogu na mshawishi maarufu wa mitandao ya kijamii nchini Kenya, Eve Mungai, ameapa kuchukua hatua kali dhidi ya wanaume walio katika ndoa wanaomtumia picha zisizofaa kupitia jumbe za moja kwa moja (DMs) kwenye mitandao yake ya kijamii. Kupitia chapisho kali kwenye Instagram Stories, Eve alionyesha kuchoshwa na tabia ya baadhi ya wanaume waliooa kumtumia maudhui ya matusi na picha za ngono, akisema kuwa wakati umefika wa kuanika majina yao hadharani. “Wanaume waliooa, mna wake zenu halafu bado mnanitumia picha za ajabu kwenye DM? Msidhani mtatulia! Saa imefika ya kuwaanika,” aliandika Eve kwa hasira. Eve Mungai, ambaye amejijengea jina kwa maudhui ya kijamii na mahojiano ya kuvutia na watu mashuhuri, aliongeza kuwa vitendo hivyo si tu vya kukosa heshima bali pia vinadhalilisha wake wa wanaume hao. Alisema kuwa wanawake wengi hawajui wanachoendelea nyuma ya pazia, na kama njia ya kupambana na tabia hizo, ataanza kuwataja wahusika kwa majina. Kauli yake imezua mjadala mkali mitandaoni, huku baadhi ya mashabiki wakimpongeza kwa kusimama kidete kupinga udhalilishaji wa kingono, huku wengine wakimtaka kuwa na subira na kushughulikia suala hilo kwa njia ya binafsi.