Msanii Parroty Aingia Kwenye Bifu Kali na Militan Baada ya Kunyoa Dreadlocks Zake Bila Ridhaa
Robert Elim May 24, 2025
Comments (0)

Msanii Parroty Aingia Kwenye Bifu Kali na Militan Baada ya Kunyoa Dreadlocks Zake Bila Ridhaa

Msanii Parroty ameingia kwenye bifu kali na mwenzake Militan kufuatia tukio la kushangaza lililotokana na mzaha wa soka. Parroty, ambaye ni shabiki mkubwa wa Manchester United, awali alitania kuwa angenyoa dreadlocks zake endapo timu yake ingepoteza dhidi ya Tottenham. Baada ya United kufungwa 1-0, hali ilichukua mkondo mpya. Mzaha huo sasa umegeuka kuwa chanzo cha mgogoro mkubwa baada ya Militan kumvamia Parroty na kumnyoa dreadlocks zake bila idhini. Paroty, kupitia mitandao ya kijamii, alielezea hasira na kukerwa kwake na tukio hilo, akilitaja kama udhalilishaji wa hali ya juu. “Hii imevuka mpaka. Sio kila kitu ni mchezo. Sikutegemea nishambuliwe kwa sababu ya maneno ya mzaha,” alisema Paroty, akionya kuwa iwapo watakutana na Militan ana kwa ana, huenda mambo yakaenda kombo. Mashabiki wameingia kwenye malumbano, baadhi wakidai Parroty alipaswa kutimiza ahadi yake, huku wengine wakimtetea wakisema tukio hilo lilikiuka heshima na haki za mtu binafsi. Kwa sasa, Militan bado hajajibu hadharani, huku mvutano ukizidi kuongezeka na tasnia ya burudani ikisubiri kuona hatma ya bifu hilo linalozidi kushika kasi.

Read More
Msanii Tipsy Gee Amshutumu Militan wa Mbogi Genje kwa Kukata Dreadlocks za Parroty kwa Mabavu
Robert Elim May 23, 2025
Comments (0)

Msanii Tipsy Gee Amshutumu Militan wa Mbogi Genje kwa Kukata Dreadlocks za Parroty kwa Mabavu

Msanii wa muziki wa Arbantone, Tipsy Gee, amezua mjadala mkali mtandaoni baada ya kumkemea vikali Militan, mmoja wa wanachama wa kundi la rap maarufu Mbogi Genje, kwa kile alichokiita kitendo cha kumvamia yeye na rafiki yake, Parroty, na kumnyoa dreadlocks zake kwa nguvu bila ridhaa yake. Tukio hilo lilitokea baada ya Parroty awali kuahidi kukata rasta zake endapo timu yake ya Manchester United ingefungwa na Tottenham Hotspur. Hata hivyo, licha ya Tottenham kushinda mechi hiyo, Parroty alibadilisha msimamo wake na kuomba msamaha kwa mashabiki, akisema kuwa angeacha kuishabikia Manchester United badala ya kukata rasta zake. Kwa mujibu wa Tipsy Gee, Militan alichukua sheria mkononi kwa kumshambulia Parroty na kumkata nywele bila makubaliano, kitendo ambacho kimezua hasira na lawama kutoka kwa wafuasi wa Parroty na wapenzi wa muziki wa mtaa. Mashabiki wengi wamejitokeza mitandaoni kulaani tukio hilo, wakilitaja kama ukiukaji wa haki ya mtu binafsi na ukosefu wa heshima. Wengine wameitaka Mbogi Genje kutoa msimamo rasmi kuhusu tukio hilo, huku wengine wakitaka hatua za kisheria zichukuliwe. Hadi sasa, Militan hajatoa tamko lolote rasmi kuhusiana na madai hayo. Tukio hili linaendelea kuzua mjadala mpana kuhusu mipaka ya mizaha, ahadi za mashabiki wa soka, na heshima kwa maamuzi ya mtu binafsi.

Read More
Parroty Vunulu Aomba Msamaha kwa Kukataa Kunyoa Dreadlocks Zake Baada ya Manchester United Kupoteza
Robert Elim May 23, 2025
Comments (0)

Parroty Vunulu Aomba Msamaha kwa Kukataa Kunyoa Dreadlocks Zake Baada ya Manchester United Kupoteza

Msanii wa Gengetone nchini Kenya, Parroty Vunulu, ameomba radhi kwa mashabiki na umma baada ya kutotimiza ahadi yake ya kunyoa rasta zake iwapo klabu ya Manchester United ingepoteza mechi dhidi ya Tottenham Hotspur. Parroty, ambaye alikuwa ameapa kunyoa dreadlocks zake alizozilea kwa miaka tisa endapo United wangeshindwa, amebadili msimamo wake na kusema hawezi kupoteza utambulisho wake kwa sababu ya matokeo ya mpira. “Heri niache kusupport Manchester United lakini nisipoteze image yangu,” alisema Parroty katika ujumbe aliouweka mitandaoni, akichanganya ucheshi na ukweli kuhusu uamuzi wake wa kutokata nywele hizo. Akiendelea kueleza sababu za kubadili uamuzi wake, Parroty alisema kuwa dreadlocks hizo ni sehemu muhimu ya chapa yake ya kisanii na kimtindo, na kwamba kunyoa nywele hizo kungemgharimu shughuli nyingi za kibiashara. “Nawaomba mashabiki wanielewe. Hizi rasta ndizo zimenitambulisha kwenye game, na kwa kweli zimenisaidia sana kibiashara. Nikizikata, ni kama najifuta kwenye ramani ya muziki,” aliongeza Parroty. Msanii huyo pia alifichua kuwa ana mpango wa kuandaa sherehe maalum ya kusherehekea miaka tisa ya kulea dreadlocks zake mwezi Septemba, kama njia ya kutambua safari yake ya kipekee ya mitindo ya nywele na kujieleza kisanii. “Niko na plan ya birthday kali Septemba. Sitaki tu kusherehekea siku yangu ya kuzaliwa, bali pia juhudi za kulea hizi rasta kwa miaka yote hii,” alisema kwa msisimko. Wakati baadhi ya mashabiki walichukulia hali hiyo kwa utani, wengine walimkumbusha umuhimu wa kushikilia ahadi. Hata hivyo, wengi walionekana kuelewa msimamo wake, wakitambua umuhimu wa muonekano katika kazi yake ya sanaa. Parroty Vunulu anaendelea kuwa mmoja wa wasanii wa Gengetone wanaovutia kutokana na ubunifu, ucheshi na uaminifu kwa mtindo wake wa maisha.

Read More
Oga Obinna Aahidi Kumsaidia Stoopid Boy Kurudi Shuleni na Kujenga Maisha Yake Upya
Robert Elim May 23, 2025
Comments (0)

Oga Obinna Aahidi Kumsaidia Stoopid Boy Kurudi Shuleni na Kujenga Maisha Yake Upya

Mtangazaji na mchekeshaji maarufu nchini Kenya, Oga Obinna, ameonyesha moyo wa kipekee wa utu na msaada kwa msanii Stoopid Boy kwa kuahidi kumsimamia katika safari yake mpya ya maisha baada ya kutoka kwenye kituo cha urekebishaji tabia (rehab). Kupitia ujumbe alioutoa hadharani, Obinna alisema kuwa ameweka nia ya kumrudisha Stoopid Boy shuleni, kumsaidia kujiunga na mazoezi ya gym, na kuhakikisha anapata msaada anaohitaji kupona kikamilifu na kujijenga upya kimaisha. “Huu si mwisho wa safari yake, bali ni mwanzo mpya. Nitahakikisha anarudi shuleni, anaingia gym, na anapata mwongozo wa kujijenga tena,” alisema Obinna kwa msisitizo, akionyesha dhamira ya dhati ya kusaidia kijana huyo kurejea kwenye njia sahihi. Stoopid Boy, ambaye amewahi kuwa maarufu kwa mitindo ya kipekee ya uimbaji na burudani mtandaoni, alikumbwa na changamoto za uraibu zilizomlazimu kuingia kwenye rehab. Hatua ya Obinna kumsaidia imetajwa na wengi kuwa mfano bora wa jamii kuunga mkono vijana walioanguka ili waweze kuinuka tena. Mashabiki na watumiaji wa mitandao ya kijamii wamepongeza uamuzi wa Obinna, wakimtaja kuwa kiongozi wa kipekee ambaye anatumia jukwaa lake kusaidia badala ya kuhukumu. Wengine wamesisitiza kuwa msaada wa aina hii ni muhimu hasa kwa wasanii chipukizi wanaopitia changamoto za maisha. Kwa sasa, macho ya wengi yako kwa Stoopid Boy kuona jinsi atakavyochukua nafasi hii mpya kuandika ukurasa mpya wa maisha yake, chini ya uangalizi na usaidizi wa Oga Obinna.

Read More
Msanii wa Gengetone Parroty Aahidi Kunyoa Rasta Zake Iwapo Man U Itapigwa Usiku wa Leo
Robert Elim May 21, 2025
Comments (0)

Msanii wa Gengetone Parroty Aahidi Kunyoa Rasta Zake Iwapo Man U Itapigwa Usiku wa Leo

Msanii maarufu wa Gengetone, Parroty, amezua gumzo mitandaoni baada ya kutoa ahadi ya kushangaza kupitia Instagram Live yake. Parroty alisema kuwa yuko tayari kunyoa dreadlocks zake alizozilea kwa miaka tisa endapo timu yake pendwa, Manchester United, itashindwa na Tottenham Hotspur katika mechi ya leo usiku. Kupitia matangazo ya moja kwa moja, Parroty alionekana kuwa na msimamo mkali kuhusu mechi hiyo, akisema: “Kama Man U itapigwa leo na Tottenham, basi na mimi nitanyoa hizi rasta mara moja!” Kauli hiyo imewavutia mashabiki wengi wa soka na muziki, huku baadhi wakimshabikia kwa ujasiri wake na wengine wakimkumbusha kuwa Tottenham si timu ya kubeza. Wengi sasa wanasubiri kwa hamu matokeo ya mechi hiyo ili kuona kama Parroty atatimiza ahadi yake. Mechi hiyo inatarajiwa kuwa ya kusisimua, huku macho ya mashabiki wa muziki na soka yakielekezwa kwa Parroty na hatima ya dreadlocks zake za miaka tisa.

Read More