Tag: GRENADE

Mwanamuziki kutoka Uganda Grenade amefunguka kuhusu madai ya kuwa kwenye mahusiano ya kimapenzi na wanawake waliomzidi umri. Katika mahijiano yake hivi karibuni Grenade amesema licha ya changamoto alizokutana nazo akiwa anawachumbia, hajutii kutoka kimapenzi na wanawake wazee kwa kuwa yeye ni mtu mzima ambaye anafanya maamuzi yake binafsi. Kauli ya imekuja siku chache baada ya aliyekuwa mpenzi wake Kilooto kumfungulia mashtaka mahakamani kwa madai ya kuingia kwake bila idhini ambapo kesi yake itasikilizwa Juni 28 mwaka huu.

Mwanamuziki kutoka nchini Uganda Grenade ameachiwa uhuru kutoka jela ikiwa ni siku chache tangu kukamatwa kwake. Grenade alitiwa mbaroni na polisi nchini humo kwa tuhuma za kumzaba makofi aliyekuwa mpenzi wake Kilooto baada ya uhusiano wao wa kimapenzi kuingiwa na ukungu miezi kadhaa iliyopita. Juni mosi mwaka huu Grenade alifikishwa mahakamani ambapo alikana madai ya kumpiga na kumjeruhi mpenzi wake wa zamani Kilooto mbele ya Hakimu mkazi wa Kajjansi. Hata hivyo aliachiwa huru kwa dhamana huku akionywa kutorudia kosa la kumshambulia mpenzi wake tena. Kesi ya Grenade itasikilizwa kwa mara ya pili Juni 29 mwaka huu na kama akikutwa na hatia ya kosa hilo, huenda akahukumiwa kifungo cha miaka 2 gerezani. Utakumbuka baada ya uhusiano wa Grenade na Ex wake Kilooto kuvunjika mrembo huyo alimuanika hadharani kuwa amekuwa akimsaliti kimapenzi na kujihusisha na vitendo vya kishirikina kwa ajili ya kumshawishi azidi kumuonyesha upendo.