Tag: happy c

Msanii kutoka lebo ya 001 Music Happy C amefunguka kwa mara ya kwanza kuanza mazoezi ya kuinua vyuma. Kwenye mahojiano na Lemmy Lito Sogohe, amesema imelazimika kuchukua uamuzi huo baada ya kuwa na msongo wa mawazo kutokana na kuvunjwa moyo na mpenzi wake. Happy C ameyalaani mahusiano ya mapenzi na kusema hakuna mapenzi ya kweli. Hata hivyo hajajulikana mrembo yupi huyo alimuumiza msanii huyo ambaye amekuwa akifananishwa na mwanamuziki wa Bongofleva Ali Kiba.

Meneja kutoka lebo ya muziki ya 001 Music Mangisi amepuzilia mbali madai ya msanii Happy C kuuza gari lake baada ya walimwengu kuhoji ametoswa na bosi wa lebo hiyo Hassan Joho. Kwenye mahojiano yake hivi karibuni Mangisi amesema madai hayo hayana ukweli wowote kwani happy c bado anaendelea kupata msaada kutoka kwa gavana huyo wa zamani wa kaunti ya mombasa. Mangisi amekazia kuwa kuondoka kwa Hassan Joho mamlakani hautamrudisha nyuma kimuziki msanii Happy C kwa sababu ana imani kuwa Joho atamsaidia hata akiwa nje ya siasa. Kauli yake imekuja mara baada ya walimwengu kwenye mitandao ya kijamii kudai kuwa huenda Happy C ameuza gari lake kwani mara kwa mara amekuwa akitumia usafiri wa boda boda kwenye shughuli zake.

Msanii kutoka 001 Music Happy C amekanusha madai ya kuiba idea ya wimbo wake mpya uitwao “Heshima” kutoka kwa Atumik wa leo. Kupitia ukurasa wake wa Facebook amemtaka Atumik akome kueneza taarifa za uongo kwamba alimuibia wimbo wa Heshima huku akimtaka msanii huyo aelekeze nguvu zake kwenye ishu ya kutangaza kazi zake za muziki badala ya kutengeneza mitukio ili azungumziwe na vyombo vya habari. Hata hivyo amesema anamheshimu Atumik kama mmoja wa mashabiki zake huku akiwataka wakenya waendelee kusapoti wimbo wake wa Heshima kwenye digital platflorms mbali mbali za muziki. Kauli ya Happy C imekuja mara baada Atumik wa leo kumtaka msanii huyo amlipe fidia kwa kuiiba ubunifu wake na kuutumia kwenye wimbo wake mpya Heshima  la sivyo atamchukulia hatua kali za kisheria.

Msanii wa muziki kutoka 001 music Happy C ameachia rasmi EP yake mpya inayokwenda kwa jina la Beyond Infinity. Beyond Infinity EP ina jumla ya ngoma 5 za moto ambazo amewashirikisha wakali kama Chikuzee na K.O. EP hiyo ina nyimbo kama Yatakwisha, Inakera, Maupendo, Coco, na Heshima. Beyond Infinity inaenda kuwa EP ya pili kwa mtu mzima happy c ikizingatiwa kuwa mwaka wa 2021 aliwabariki mashabiki zake na EP iitwayo Karata 3 ambayo ilikuwa na jumla ya mikwaju tatu ya moto.