Tag: Huddah Monroe

Mfanyabiashara anayejiita Madollar Mapesa, amezua gumzo baada ya kuweka wazi kwamba anamdai mrembo na mfanyabiashara, Huddah Monroe, shilingi milioni 6 za Kenya. Kupitia Instagram yake, mkopo huo ulitolewa kupitia meneja wake na ulitarajiwa kurejeshwa kwa wakati, lakini hadi sasa haujalipwa. Mapesa amesema kwamba mara nyingi huwa anawasaidia watu wengi kupata mikopo mikubwa kwa masharti nafuu kuliko benki au taasisi nyingine za kifedha, akisisitiza kuwa amewaokoa wengi dhidi ya kupoteza mali na biashara zao kwa sababu ya minada. Hata hivyo, amesema licha ya ukarimu huo, baadhi ya watu maarufu wamekuwa wakikosa kuheshimu makubaliano ya kurejesha mikopo kwa wakati. Madollar ameonya kuwa ana ushahidi wa kutosha kuthibitisha madai yake endapo Huddah atakanusha. Pia ametuma ujumbe kwa wadaiwa wengine anaowadai akiwataka kulipa kabla hajaanza kampeni za kuwataja majina hadharani. Taarifa hizi zimechochea mjadala mkubwa mitandaoni, ambapo baadhi ya mashabiki wanamtaka Huddah kujitokeza na kueleza ukweli, huku wengine wakipuuza madai ya Mapesa wakiyataja kama mbinu ya kutafuta umaarufu.

Sosholaiti wa Kenya, Huddah Monroe, ametangaza masharti mapya kwa mashabiki wanaotamani kukutana naye ana kwa ana. Kwa mujibu wa mpango huo, atatoza Sh50,000 kwa chakula cha mchana cha saa mbili, ambapo saa moja ya ziada imetengwa kwa ajili ya picha na mazungumzo ya kawaida. Hata hivyo, gharama ya chakula haitajumuishwa na mahali pa kukutana patachaguliwa na mhusika mwenyewe. Huddah ameliita zoezi hili “The Bachelorette,” akieleza kuwa ni nafasi ya kipekee kwa mashabiki kupata muda wake. Ameweka msimamo kuwa hawezi kutoa muda wake bure kwani anauchukulia kama wa thamani, na kwamba kuwa naye kunahitaji gharama. Mbali na chakula cha mchana, Huddah pia amedokeza uwezekano wa kushirikiana na mashabiki wake kwenye shughuli nyingine za burudani kama michezo, iwapo watakuwa tayari. Amesema nafasi za kuhudhuria zitafunguliwa rasmi kuanzia Jumanne wiki ijayo. Katika kujibu shabiki mmoja aliyeuliza kuhusu urafiki, Huddah amesisitiza kuwa hata kuwa rafiki naye ni gharama kubwa, akitaja kiwango cha Sh1 milioni kama ada ya urafiki, akisema muda wake binafsi ni wa thamani na haupatikani kirahisi.

Sosholaiti maarufu kutoka Kenya, Huddah Monroe, amewashangaza mashabiki wake baada ya kufichua kuwa aliwahi kuwa kwenye ndoa kwa muda wa miaka minne. Kupitia ukurasa wake wa mitandao ya kijamii, Huddah alifichua kuwa aliishi maisha ya ndoa kwa siri, jambo ambalo halikujulikana na wengi. Katika ujumbe alioweka, Huddah alisema: “Nashukuru kwa kufanya mambo yangu kimya kimya. Nilikuwa nimeolewa kwa miaka minne mfululizo. Mwaka jana ilibidi tu iishe kwa sababu niligundua haikuwa sahihi. Nilichagua amani kuliko uhusiano wowote.” Kauli hii imezua gumzo mitandaoni huku wengi wakimsifia kwa ujasiri wa kuamua kuchagua amani na furaha yake binafsi. Ingawa hakufichua jina la aliyekuwa mume wake, Huddah aliweka wazi kuwa maisha ya ndoa si rahisi kila wakati, na wakati mwingine ni muhimu kujitathmini na kuchukua hatua kwa ajili ya ustawi wa kiakili na kihisia. Huddah amekuwa akiishi maisha ya faraghani kwa muda sasa, tofauti na kipindi cha nyuma ambapo alikuwa maarufu kwa mitindo ya maisha ya kifahari na mijadala mitandaoni. Sasa anaonekana kuzingatia zaidi maisha ya binafsi na biashara zake. Kauli yake inaibua mjadala kuhusu umuhimu wa amani ya ndani katika mahusiano, na kwamba si kila uhusiano unaofikia mwisho ni wa kushindwa — bali wakati mwingine ni ushindi wa binafsi.

Mwanamitindo na mjarisimali Huddah Monroe amemtolea mvivu mwanamuziki kutoka marekani Rihanna baada ya video kusamba mtandaoni akiwa anakula bata kwenye moja ya show ya baba ya mtoto wake Asap rocky. Kupitia insta story yake kwenye mtandao wa Instagram Huddah ambaye hana uhusiano mzuri na bosi huyo wa Fenty Beuaty ameonekana kuchukizwa na hatua ya rihanna kumtekeleza mtoto wake na kwenda kujivinjari ambapo ameenda mbali zaidi na kudai kuwa mastaa wengi hawajali watoo wao na ndio maana wengine wao wanapojifungua huwatelekeza watoto na kurudi  tena kwenye vilabu vya usiku. “What is the pressure on women to be outside when nursing? Isn’t the baby more important? Help me understand” Amedai. “Many have kids they don’t want just to use later as social media accessories that’s why they don’t care about their little ones…Coz chile, the way people give birth and run to the club is shocking. Have kids when ready! They will need you!” Ameongeza. Kauli yaHuddah Monore’s imekuja wiki kadhaa baada ya kuwakosoa wana mitandao maarufu wa kenya kwa hatua kusapoti bidhaa za urembo za rihanna ambazo zilizinduliwa hapa kenya huku wakisusia kutangaza bidhaa za urembo za Huddah. Rihanna pamoja na Asap Rocky walibarikiwa na mtoto mapema mwezi mei mwaka huu. Wawili hao kwa mara ya kwanza waliweka wazi taarifa njema kwa mashabiki zao kuwa wanatarajia kupata mtoto mwezi januari mwaka huu baada ya picha zao kusambaa  mtandaoni wakiwa huko Harlem Neywork city ambako Asap Rocky alizaliwa.