Tag: juliani

Mwimbaji Julius Owino almaarufu Juliani amekiri hadharani kuyumba kiuchumi baada ya walimwengu kumkejeli mtandaoni. Katika video aliyochapisha kwenye instastory yake, Juliani amesema kuwa tatizo linalomkabili limechangiwa na hatua ya kutumia fedha zake kufadhili mipango yake bila wafadhili huku akifichua kuwa alichukua mikopo kwa ajili ya kukamilisha baadhi ya miradi. Aidha amesema changamoto za kifedha anazokumbana nazo kwa sasa zimemfanya akose muda wa kukaa na mtoto wake huku akimshukuru mke wake Lilian Nganga kwa kumuelewa. Katika hatua nyingine mwimbaji huyo amesema kuwa amejipa miaka 10 kutimiza ndoto aliyonayo kwa jamii yake ikiwemo kutengeneza ajira 10,000 na kutoa mikopo kwa wasanii. Juliani, hata hivyo amebainisha kuwa licha ya kuyumba kiuchumi, bado ana uwezo wa kukidhi mahitaji yake ya msingi ambapo amewataka walimwengu kukoma kumfanyia mzaha mtandaoni kuhusiana na hali yake ya kiuchumi kwani inamuathiri kisaikolojia.

Rapa Juliani amewapa somo wasanii chipukizi wanaolaza damu kwenye suala la kuupeleka muziki wao kwenye kiwango kingine. Katika mahojiano yake hivi karibuni Juliani amesema wasanii hao wanapaswa kuchangamkia fursa zilizopo badala ya kulalamika kila mara kuwa wametengwa na jamii inayowazunguka. “Usijidharau msee, because when I look at my career, from where I started to now my fourth album, and the amazing things I’ve done so far, the only constant thing ni nilikuwa najichocha. I had no clue what I was doing but I had the courage to listen to that voice and the courage to boldly take that step.” “Kuna a certain point mtu hufika kwa career when you think you need to do certain things to fit in… but after four-five years of connecting with people I realised kumbe I was contributing to that space just by being myself!” Amesisitiza Hata hivyo amewashauri wasanii wasiongoje wahamasishwe na watu wengine na badala yake wasipambanie ndoto zao wenyewe bila kukataa tamaa hadi pale watakapofanikisha malengo yao. “Sikupatii collabo, una ufala! That’s what everybody [starting out] asks for. Ati ‘Nirushie kacollabo’… No. You have what it takes, I only know about mine, I don’t know about yours,” alimalizia

Rapa Juliani amechaguliwa kujiunga na mpango wa Eisenhower Fellowships ambayo inatarajiwa kuanza Aprili 10 hadi mei 18 mwaka wa 2023. Juliani ameweka wazi taarifa hiyo kwa mashabiki zake kupitia ukurasa wake wa instagram kwa kusema kuwa amefarijika kuwa miongoni mwa viongozi wa afrika ambao watasafiri nchini marekani kwa ajili mpango huo ambao umefadhiliwa kwa asilimia kuhudumia mahitaji ya washirika wake. Ushirika wa Eisenhower Fellowships ulibuni mwaka wa 1953 kwa ajili ya kutoa heshima kwa rais Dwight D. Eisenhower kwa mchango wake mkubwa wa kupigania haki za kibinadamu kama kiongozi wa dunia. Utakumbuka Juliani amechagulia kujiunga na ushirika huo kupitia wakfu wake wa Dandora hiphop city na atapata fursa ya kusafiri marekani kwa wiki 4 hadi 6 kupata elimu lakini pia kubadilishana mawazo na watu mbali mbali duniani.

Rapa Juliani ametangaza ujio wa tamasha lake liitwalo Nairobi Startup week ambayo ni mahususi kwa ajili ya wafanyibiashara wadogo na wale wa kadri. Juliani amethibitisha taarifa hiyo kwenye ukurasa wake wa instagram kwa kusema kuwa tamasha hilo la siku tano litaanza rasmi Julai 10 hadi julai 15 huko Waterfront mall jijini Nairobi ambapo itajumuisha maonesho ya bidhaa na burudani kutoka kwa wasanii mbali mbali. Rapa huyo amesema nia yake kuja na tamasha hilo ni kwa ajili ya kuonesha na kusherekea umuhimu wa jamii ya wafanyibiashara wadogo na wale wa kadri katika ujenzi wa taifa.

Rapa kutoka Kenya Juliani amekanusha kuteuliwa kama afisa mkuu wa masuala ya burudani katika muungano wa kisiasa wa Azimio la Umoja. Kupitia taarifa yake kwenye mitandao yake ya kijamii Juliani amesema madai yanayosambaa mtandaoni kuhusu kuteuliwa kwake hayana ukweli wowote kwa kuwa hajapokea taarifa yeyote kutoka kwa uongozi wa azimio la umoja kuhusu suala la yeye kupewa kazi. Hitmaker huyo wa “Utawala” amesema hajaajiriwa na hana uhusiano wowote na chama chochote cha kisiasa nchini huku akisema ikitokea ameshirikiana na mrengo wowote wa kisiasa ataweka wazi kwa mashabiki wake. Hata hivyo amewataka wakenya kufanya maamuzi ya busara kwa kuwachagua viongozi watakaoleta maendeleo kwenye uchaguzi mkuu wa Agosti 9 mwaka huu badala ya kudanganywa na wanasiasa wasio kuwa na maono. Kauli ya Juliani imekuja mara baada ya watumiaji wa mitandao ya kijamii kudai sababu za afred mutua kukimbia muungano wa azimio ni kutokana na rapa huyo kupewa wadhfa wa afisa mkuu wa masuala ya buradani ikizingatiwa kuwa mwaka jana rapa huyo aliripotiwa kumpokonya gavana huyo mke wake.