Tag: kalifah Aganaga

Mwanamuziki kutoka nchini Uganda Kalifah Aganagah amemtolea uvivu prodyuza Daddy Andrea kwa kusema kwamba hana vigezo vya kuwa naibu wa rais wa muungano wa wasanii nchini chini humo. Katika mahojiano yake ya hivi karibuni Aganaga anadai Daddy Andre alishindwa kudhibiti mahusiano yake ya kimapenzi, hivyo sio mtu wa kuaminika kwenye masuala ya kuongoza wasanii wa uganda kupitia muungano wao. Hitmaker huyo wa ngoma ya “Kiboko” ametoa kauli hiyo ikiwa ni miezi kadhaa imepita tangu Daddy Andre avunje uhusiano wake na Nina Roz baada ya prodyuza huyo kujitambulisha kwa wazazi wa Nina Roz kama mume wake. Kalifah Aganaga na Daddy Andre wanatarajiwa kichuana vikali kwenye kinyanganyiro cha unaibu wa rais wa muungano wa wasanii nchini Uganda katika uchaguzi utakaofanyika mwezi Mei mwaka huu.

Mwanamuziki wa dancehall kutoka nchini Uganda Kalifah Aganaga ametoa wito kwa muungano wa wasanii nchini humo kutofanya uchaguzi wa kuwachagua viongozi wapya kwa njia ya mtandao. Hitmaker huyo wa ngoma ya “Kiboko” amesema wasanii wengi nchini humo hasa chipukizi wamefulia kiuchumi, hivyo hawana uwezo wa kununua vifurushi vya kupigia kura mtandaoni. Utakumbuka Kalifah Aganaga ametia nia ya kugombea wadhfa wa unaibu rais katika muungano wa wasanii nchini uganda kwenye uchaguzi wa kuwachagua viongozi wapya wa muungano huo utakaofanywa hivi karibuni.

Msanii na prodyuza wa muziki nchini Uganda Kalifah Aganaga ametia nia ya kugombea  wadhifu wa unaibu wa rais katika muungano wa wanamuziki nchihi humo kwenye uchaguzi  wa mwaka huu Kupitia mitandao yake ya kijamii Aganaga amesema ana vigezo vyote vya kuwa naibu wa rais wa muungano huo ikizingatiwa kuwa ana uelewa mpana wa changamoto zinazowakumba wanamuziki nchini uganda. Hata hivyo ametoa wito kwa wanachama wa UMA kuunga mkono azma yake ya kuwa naibu wa rais wa muungano huo huku akiwataka wampe kura zao, uchaguzi wa kuwachagua viongozi wapya utakapowadia.

Mwanamuziki wa Dancehall kutoka nchini Uganda Kalifah Aganaga amedai kwamba mapromota wa muziki nchini humo hawana nia njema ya kuupeleka muziki wa Uganda kimataifa. Katika mahojiano yake ya hivi karibuni Aganaga amesema mapromota wengi nchini Uganda hawataki kuwapa wasanii wa ndani kipau mbele kwenye matamasha yao ya muziki na badala yake wamekuwa wakiwazingatia sana wasanii wa Nigeria, jambo ambalo amedai sio sahihi kwani wasanii wa ndani wana ushawishi mkubwa kuliko wa nje. Bosi huyo wa lebo ya muziki ya “Bad Character Records” ameenda mbali zaidi na kusema kwamba mapromota wa muziki nchini Uganda hawajawahi watakia mema wasanii wa muziki nchini humo ikizingatiwa kuwa wengi wao ni wanafiki. Utakumbuka katika siku za hivi karibuni wasanii wa Nigeria wamekuwa wakitumbuiza sana kwenye shows mbali mbali nchini Uganda tangu Rais Yoweri Museveni afungue uchumi wa nchi hiyo ambapo tayari tumewaona wasanii kama Ruger na Chike wakifanya shows zao huku wasanii kama Tiwa Savage,FireBoy na Burna Boy wakitarajiwa pia kutumbuiza kwenye shows zao.

Mwanamuziki wa dancehall kutoka nchini Uganda Kalifah Aganaga amemaliza tofauti zake na msanii Allan Hendrick ambaye ni kijana wa Bebe Cool kwa kufanya wimbo wa pamoja. Katika mahojiano yake ya hivi karibuni Aganaga amesema amechukua hatua ya kumaliza ugomvi uliokuwepo kati yake na familia msanii Bebe Cool kama njia kuwaomba msamaha watu wote aliowakosoa kwenye career yake ya muziki. Hitmaker huyo wa “Kiboko” anaamini uhusiano wake na Allan Hendrick utamsaidia pakubwa kumfikia Bebe Cool ambaye kwa muda mrefu hajawakuwa na maelewano mzuri. Utakumbuka Aganaga wamekuwa kwenye bifu na Bebe Cool baada kumsuta vikali kwa hatua ya kumtekeleza kimuziki mwanae Allan Hendrick ambapo alienda mbali zaidi na kusema kuwa jambo lilomfanya mwanae huyo awe omba omba katika lebo ya muziki ya Gagamel kitendo kilichomkasirisha Bebe Cool.