Bahati Awashukuru Mashabiki kwa Kumpongeza kwa Muonekano Mpya Licha ya Video Kuzua Maswali
Robert Elim May 14, 2025
Comments (0)

Bahati Awashukuru Mashabiki kwa Kumpongeza kwa Muonekano Mpya Licha ya Video Kuzua Maswali

Mwanamuziki wa Kenya, Bahati, amezua gumzo mitandaoni baada ya kuwashukuru mashabiki wake kwa pongezi walizompa kuhusu muonekano wake mpya bila nywele. Kupitia video aliyochapisha kwenye kurasa zake za mitandao ya kijamii, Bahati alidai kuwa alinyoa rasta zake kufuatia kichapo cha timu yake ya Arsenal mikononi mwa PSG, katika mechi ya hivi karibuni ya UEFA Champions League. Katika ujumbe wake kwa mashabiki, Bahati alisema: “Nimeanza kujipenda zaidi bila nywele. Nimejifunza kuwa upendo wa kweli huanza na wewe mwenyewe.” Hata hivyo, kilichozua utata ni ubora wa video hiyo, ambayo inaonyesha mabadiliko ya haraka ya uhariri (transition), huku dreadlocks zake zikiendelea kuonekana kwa vipindi tofauti ndani ya video hiyo. Baadhi ya mashabiki walihoji iwapo alinyoa kweli au kama ilikuwa ni kiki ya mitandao. Katika sehemu ya maoni, baadhi ya mashabiki walitoa pongezi wakisema muonekano wake mpya unampendeza na unampa sura ya “umakini mpya”, huku wengine wakitilia shaka ukweli wa madai yake. “Bahati hata kama ni kiki, umetuburudisha. Ila tuambie ukweli – hizo rasta bado zipo ama?” aliandika mmoja wa mashabiki. Muimbaji huyo, anayejulikana kwa kubadili mitindo ya maisha hadharani, ameendelea kuvutia vichwa vya habari kwa sababu mbalimbali kuanzia maisha ya ndoa, siasa, hadi mitindo ya uvaaji. Sasa, inaonekana hata nywele zimeingia kwenye orodha ya vitu vinavyoleta mjadala. Hadi sasa, Bahati hajatoa kauli rasmi kuhusu video hiyo au kama kweli alinyoa, lakini haijazuia mashabiki wake kuendelea kutoa maoni mseto kati ya wanaomsifu na wanaohoji ukweli wa mabadiliko yake

Read More
Mwanamuziki Kidis Afichua Siri ya Utajiri Wake: “Nauza Bedsheets na Makaa”
Robert Elim May 14, 2025
Comments (0)

Mwanamuziki Kidis Afichua Siri ya Utajiri Wake: “Nauza Bedsheets na Makaa”

Mwanamuziki, Kidis, anayefahamika kwa nyimbo zake maarufu zilizochangia pakubwa kukuza muziki wa Kenya, amefunguka kwa mara ya kwanza kuhusu hali yake ya kifedha na mikakati anayotumia kuhakikisha anajimudu kimaisha nje ya tasnia ya muziki. Katika mahojiano ya hivi majuzi, Kidis alieleza kuwa kwa sasa ana utajiri unaokadiriwa kuwa shilingi 700,000. Hata hivyo, alikiri kuwa kiwango hicho hakijatokana na muziki pekee, bali kupitia juhudi binafsi katika biashara ndogo ndogo. “Usanii ni mzuri na wa kujivunia, lakini huwezi kutegemea muziki pekee kupata kipato cha maana kila wakati. Nimeamua kujihusisha na biashara kama kuuza bedsheets na makaa ili kuongeza kipato na kujenga maisha ya kudumu,” alisema. Kidis alitoa wito kwa wasanii wenzake na vijana kwa ujumla kutafuta mbinu mbadala za kujiongezea kipato, akisisitiza kuwa hali ya sasa ya uchumi na ushindani mkubwa katika tasnia ya burudani imefanya mapato kutoka kwa muziki kutokuwa ya kutegemewa kwa asilimia mia moja. Kwa maoni ya wengi, hatua ya Kidis ya kuzungumza kwa uwazi kuhusu hali ya kifedha na jitihada zake nje ya muziki ni kielelezo cha ujasiri na msukumo kwa wasanii wengine wanaotafuta mafanikio ya kweli. Amejidhihirisha kuwa si tu msanii wa vipaji bali pia mjasiriamali mwenye maono, anayefahamu umuhimu wa kuwa na vyanzo vya mapato mbadala.

Read More
Terence Creative Ateuliwa Katibu Mkuu wa Chama cha Watayarishi wa Maudhui Mtandaoni Kenya (DCCAK)
Robert Elim May 13, 2025
Comments (0)

Terence Creative Ateuliwa Katibu Mkuu wa Chama cha Watayarishi wa Maudhui Mtandaoni Kenya (DCCAK)

Mchekeshaji maarufu na mtayarishaji wa maudhui mtandaoni, Terence Creative, ametangazwa rasmi kuwa Katibu Mkuu (Secretary General) wa Digital Content Creators Association of Kenya (DCCAK) – chama kipya kinacholenga kutetea maslahi ya watayarishi wa maudhui nchini. Uteuzi huo ulifanyika katika hafla rasmi iliyowakutanisha wadau mbalimbali wa sekta ya kidijitali, ambapo pia walitambulishwa wajumbe wengine wa chama hicho, akiwemo Nasra Yusuff, Director Trevor, Sammy Kioko, na Claudia Naisabwa ambao watafanya kazi kwa karibu na Terence katika kuongoza harakati za chama hicho. DCCAK inalenga kuleta mabadiliko katika tasnia ya utayarishaji maudhui mtandaoni kwa kuweka sera bora, kushirikiana na serikali na sekta binafsi, pamoja na kutoa mafunzo, mikakati ya ukuaji, na ulinzi wa kazi za watayarishi. Akizungumza baada ya uteuzi wake, Terence alisema:  “Hii ni hatua kubwa siyo tu kwa mimi binafsi bali kwa jamii nzima ya watayarishi wa maudhui. Tunahitaji sauti ya pamoja ili kuhakikisha tunatambulika, tunalindwa, na tunapata mazingira bora ya kazi.” Watayarishi wa maudhui wameibuka kuwa sehemu muhimu ya uchumi wa kidijitali nchini Kenya, lakini wengi wao wamekuwa wakikabiliwa na changamoto za kisheria, kifedha na kimaudhui kutokana na kukosekana kwa mwongozo rasmi au uwakilishi thabiti. Kupitia uongozi wa Terence na timu yake, DCCAK inatarajiwa kuwa jukwaa la mabadiliko chanya katika uandaaji wa maudhui, kuendeleza vipaji vipya, na kuhimiza ubunifu unaozingatia maadili na haki za kiutendaji.

Read More