Barcelona Yawania Saini ya Marcus Rashford kwa Mkataba wa Mkopo
Robert Elim July 19, 2025
Comments (0)

Barcelona Yawania Saini ya Marcus Rashford kwa Mkataba wa Mkopo

Klabu ya Barcelona imewasilisha rasmi ombi kwa klabu ya Manchester United ili kumsajili mshambuliaji wa kimataifa wa Uingereza, Marcus Rashford, kwa mkataba wa mkopo unaojumuisha kipengele cha kumnunua moja kwa moja mwishoni mwa msimu. Taarifa kutoka vyanzo vya karibu na uongozi wa Barcelona zinaeleza kuwa kocha mkuu wa klabu hiyo anavutiwa na uwezo wa Marcus Rashford na anaamini atakuwa chachu muhimu katika safu ya ushambuliaji ya timu hiyo inayojengwa upya. Ikumbukwe kuwa Rashford alitumia nusu ya msimu wa 2024/2025 kwa mkopo katika klabu ya Aston Villa, ambako alionyesha mwangaza wa kurejea katika ubora wake wa zamani. Akiwa na Villa, Rashford alicheza jumla ya mechi 17, akifunga mabao 4 na kutoa pasi 6 za mabao (assists), na hivyo kuchangia jumla ya mabao 11. Hata hivyo, bado haijafahamika kama Manchester United wako tayari kumwachilia mchezaji huyo kwa mkopo mwingine, ikizingatiwa kuwa ni zao la akademia ya klabu hiyo na bado ana nafasi ya kurejea kwenye kiwango cha juu akiwa na umri wa miaka 27.

Read More
Tottenham Wabeba Taji la Europa League Baada ya Miaka 17
Robert Elim May 22, 2025
Comments (0)

Tottenham Wabeba Taji la Europa League Baada ya Miaka 17

Tottenham Hotspur wamehitimisha ukame wa mataji uliodumu kwa miaka 17 kwa kutwaa ubingwa wa UEFA Europa League, baada ya kuifunga Manchester United 1-0 katika fainali iliyopigwa kwenye Uwanja wa San Mamés, Bilbao, Hispania. Bao pekee la mchezo lilifungwa dakika ya 42 na Brennan Johnson, baada ya mpira kuguswa kwa bahati mbaya na beki wa United, Luke Shaw, na kumchanganya kipa. Goli hilo liliwapa Spurs uongozi walioudhibiti kwa nidhamu na umakini hadi mwisho wa mchezo. Mashabiki wa Spurs walijawa na furaha baada ya filimbi ya mwisho, wakisherehekea mafanikio ambayo wamekuwa wakiyasubiri kwa hamu kwa muda mrefu. Kocha na kikosi chake wamepongezwa kwa kuonyesha umoja, nidhamu na uchezaji mzuri katika kampeni nzima ya Europa League. Kwa Manchester United, ni fainali ya kusikitisha huku wakikosa taji jingine katika msimu wa changamoto. Kwa Tottenham, huu ni mwanzo mpya na ushindi wa matumaini, unaorejesha hadhi ya klabu hiyo katika soka la juu barani Ulaya.

Read More
Msanii wa Gengetone Parroty Aahidi Kunyoa Rasta Zake Iwapo Man U Itapigwa Usiku wa Leo
Robert Elim May 21, 2025
Comments (0)

Msanii wa Gengetone Parroty Aahidi Kunyoa Rasta Zake Iwapo Man U Itapigwa Usiku wa Leo

Msanii maarufu wa Gengetone, Parroty, amezua gumzo mitandaoni baada ya kutoa ahadi ya kushangaza kupitia Instagram Live yake. Parroty alisema kuwa yuko tayari kunyoa dreadlocks zake alizozilea kwa miaka tisa endapo timu yake pendwa, Manchester United, itashindwa na Tottenham Hotspur katika mechi ya leo usiku. Kupitia matangazo ya moja kwa moja, Parroty alionekana kuwa na msimamo mkali kuhusu mechi hiyo, akisema: “Kama Man U itapigwa leo na Tottenham, basi na mimi nitanyoa hizi rasta mara moja!” Kauli hiyo imewavutia mashabiki wengi wa soka na muziki, huku baadhi wakimshabikia kwa ujasiri wake na wengine wakimkumbusha kuwa Tottenham si timu ya kubeza. Wengi sasa wanasubiri kwa hamu matokeo ya mechi hiyo ili kuona kama Parroty atatimiza ahadi yake. Mechi hiyo inatarajiwa kuwa ya kusisimua, huku macho ya mashabiki wa muziki na soka yakielekezwa kwa Parroty na hatima ya dreadlocks zake za miaka tisa.

Read More
Manchester United yatangaza kumaliza na Cristiano Ronaldo
Robert Elim November 23, 2022
Comments (0)

Manchester United yatangaza kumaliza na Cristiano Ronaldo

Klabu ya Manchester United imetangaza kumalizana na nyota wake Cristiano Ronaldo. Man United imetoa taarifa rasmi usiku huu kwamba, pande zote mbili zimefikia makubaliano ya kuvunja mkataba na nyota huyo anatakiwa kuondoka haraka iwezekanavyo. Ronaldo anaondoka Man United kufuatia mahojiano yake na Piers Morgan ambayo yaliishambulia Klabu pamoja na menejimenti. Kwenye tamko lake la mwisho, CR7 amesema anaipenda Man United na anawapenda mashabiki, ila ni muda wa kutafuta changamoto mpya.

Read More
LEO KATIKA HISTORIA OKTOBA 21, ALIZALIWA MWANASOKA WA ZAMANI WA MANCHESTER UNITED NEMANJA VIDIC
Robert Elim October 21, 2021
Comments (0)

LEO KATIKA HISTORIA OKTOBA 21, ALIZALIWA MWANASOKA WA ZAMANI WA MANCHESTER UNITED NEMANJA VIDIC

Siku kama ya leo Oktoba 21 mwaka wa 1981 alizaliwa mwanasoka wa zamani wa Serbia na klabu ya Manchester United, Nemanja Vidic. Vidic alizaliwa huko titovo Yugoslavia ambako alianza soka katika klabu ya Red Star Belgrade  mapema miaka ya 2000 kabla ya kujiunga  ya Sparta Moscow ya nchini Urusi mwaka wa 2004. Akiwa Sparta Moscow Namanja Vidic  alifanikiwa kuichezea klabu ya hiyo mechi 39 huku akitia kimiani magoli manne  kwa misimu miwili aliyoichezea klabu hiyo. Mwaka wa 2006 alitimukia nchini England na kuidaka saini ya klabu ya Manchester United kwa pauni millioni 7 ambapo aliisaidia klabu hiyo kutwaa mataji matano ya Premier,taji la klabu Bingwa Barani Ulaya, Kombe la Fifa na makombe 6 ya Ngao ya Jamii. Akiwa Manchester, Vidic alifanikiwa kuichezea klabu hiyo mechi 211 huku akifunga magoli 15 kwa misimu minane aliyoitumikia klabu ya Manchester United. Baada ya kutumikia klabu ys Manchester United kwa miaka minane Vidic alijiunga na klabu ya Inter Milan inayoshiriki ligi kuu nchini Italia kwa uhamisho wa bure lakini baada kuichezea klabu hiyo mechi 23 na kufanga goli moja, Namanja Vidic alitangaza kustaafu soka ya kimataifa mwaka wa 2016. Katika ngazi ya kitaifa, Namanja Vidic ameichezea timu ya taifa ya Serbia katika ngazi ya vijana na watu wazima ambapo amewaikilisha taifa lake kwenye michuano ya Euro mwaka wa 2004 na kombe la dunia mwaka wa 2006 huku akichezea mechi  56 na kufunga magoli mawili tangu mwaka wa 2002.

Read More