Tag: MARTHA MUKISA

Mwanamuziki anayekuja kwa kasi nchini Uganda Martha Mukisa ameweka wazi tarehe ambayo ataachia EP yake mpya inayokwenda kwa jina la Sisaaga. Hitmaker huyo wa “Sango” amethibitisha kwamba EP yake itaingia sokoni Desemba 9 mwaka huu ikiwa na jumla ya nyimbo saba za moto. Mukisa amemtaja Oman Rafiki na Liam Voice kama wasanii waliomsaidia kuandika nyimbo zinazopatikana kwenye EP hiyo huku maprodyuza Nessim, Ronnie, Bash killer, na Brian beats ambao wamehusika pakubwa kuiandaa EP hiyo. Mrembo huyo anaamini kuwa EP hiyo, itamsaidia kupenya kwenye soko la kimataifa kutoka na ubora wake. Sisaaga EP inaenda kuwa kazi ya kwanza kwa mtu mzima Martha Mukisa tangu aanze safari yake ya muziki miaka kadhaa iliyopita.

Mwanamuziki Martha Mukisa ameingia kwenye headlines nchini Uganda mara baada ya kutuhumiwa kuiba wimbo wa wasanii wa kundi la VTS Boys. Kulingana na wasanii hao Martha Mukisa aliimba mashairi yote ya wimbo wao uitwao “Its You” na kisha akaubadilisha jina kuwa “Ntibula” bila ridhaa yao baada ya kuuziwa wimbo huo na Nick Mulla ambaye aliwaandikia wimbo wao wa “Its You.” Wasanii hao wamehoji kuwa Martha Mukisa anafahamu kabisa wimbo huo ni wao ila ameamua kupuuza kuhusu hakimiliki ya kazi hiyo. Hata hivyo Martha Mukisa hajajibu kuhusu tuhuma za kuiba wimbo wa kundi la VTS Boys ila wasanii hao wametishia kumchukulia hatua kali za kisheria iwapo hatakata kuwalipa miraba ya wimbo wao.

Mwanamuziki chipukizi nchini uganda Martha Mukisa amevunja kimya chake juu ya ugomvi unaoendelea kati yake na Eddy Yaawe kuhusu umiliki wa wimbo wao uitwao “Neteze” Katika mahojiano na runinga moja nchini Uganda, mwimbaji huyo amefichua kwamba walikesha usiku kucha katika studio za Dream zinazomilikiwa na Eddy Yaawe wakirekodi wimbo wao mpya “Neteze”. Hitmaker huyo wa ngoma ya “Busy” ameeleza kuwa walirekodi wimbo huo siku mbili mfululizo huku wakilala studio. “Nilienda nyumbani kwake Kireka kisha tukafunga safari hadi kwenye studio zake. Tulianza kurekodi na kulala huko na siku iliyofuata tulitofautiana sana kuhusu jina la wimbo,” alisema. Martha Mukisa amesema bado anamshukuru Eddy Yaawe kwa ushirikiano huo licha ya tofauti zilizojitokeza kutokana na hakimiliki ya wimbo huo. Utakumbuka wimbo wa “Neteze” ambao ulikuwa umepakiwa kwenye akaunti ya Youtube ya Martha Mukisa ulifutwa na Eddy Yawe kutokana na masuala ya hakimiliki baada ya kutoelewa na uongozi wa msanii huyo kuhusu ishu ya kugawa mirahaba.