Tag: MASH MWANA

Mwimbaji wa nyimbo za injili nchini Kenya, Mash Mwana, amemkosoa msanii Bahati kwa kukosa msimamo katika muziki wake, akimtaka aelewe anachotaka kufanya badala ya kuchanganya muziki wa injili na ule wa dunia (secular). Kupitia Instastory yake, Mash Mwana amesema kuwa Bahati anapaswa kuamua iwapo anataka kuimba muziki wa injili au secular, badala ya kufanya vitendo vya kushtua umma kwa ajili ya kiki. Msanii huyo, amesema kuwa hata kama Bahati anamiliki studio au ana uwezo wa kufanya muziki aina yoyote, anapaswa kuwa na mwelekeo thabiti unaoendana na thamani ya jina lake kama msanii mkubwa nchini humo. Mash Mwana ameongeza kuwa Bahati ni msanii ambaye watu wengi waliokoka walipata msukumo kupitia nyimbo zake za injili, na hivyo anapaswa kukumbuka mahali Mungu alikomtua na kuendelea kutumia kipaji chake kwa utukufu wa Mungu badala ya kuibua utata kupitia maudhui yasiyo na maadili.

Msanii wa muziki wa injili nchini Kenya, Mash Mwana, amemkosoa vikali mwanamuziki Bahati, akimtaka kuacha kutoa nyimbo zenye maudhui ya matusi na anasa, na badala yake kurejea kwa Mungu. Kupitia Instagram, Mash Mwana amesema amekuwa akifuatilia mwenendo wa Bahati kwa muda, na amehuzunishwa na jinsi msanii huyo aliyewahi kuhubiri injili sasa amegeukia muziki unaopingana na maadili. Amesema wasanii wa injili wanapaswa kuwa mfano wa kuigwa, lakini vitendo vya Bahati vinawachanganya vijana na kudhoofisha taswira ya muziki wa Kikristo nchini. Kwa mujibu wa Mash Mwana, Bahati alikuwa nembo ya imani na uongozi wa kiroho katika muziki wa injili, lakini amepoteza mwelekeo kwa kuruhusu umaarufu na fedha kumtawala. Ameongeza kuwa anaamini bado kuna nafasi ya Bahati kutubu na kurejea katika huduma ya Mungu, kwani vipaji vyote vinatakiwa kumtukuza Muumba. Hata hivyo, Mash Mwana amesisitiza kuwa hana chuki binafsi na Bahati, bali anazungumza kama ndugu katika imani anayetamani kumwona akirudi katika njia ya Mungu na kutumia sauti yake kuinua roho za watu badala ya kuwapotosha.