Tag: One UI 7

Kampuni ya Samsung imeanza kutoa toleo jipya la mfumo wa One UI 7 kwa watumiaji wa simu ya Galaxy A53. Mfumo huu mpya umejengwa kwa kutumia Android 15 na una ukubwa wa takriban GB 3.4. Baadhi ya watumiaji duniani tayari wameanza kupokea marekebisho haya ya mfumo, na watumiaji wa Afrika Mashariki wanatarajiwa kuupata katika siku chache zijazo. Ili kuepuka matatizo wakati wa upakuaji, watumiaji wanashauriwa kuhakikisha kuwa wana nafasi ya kutosha kwenye simu na kutumia Wi-Fi yenye kasi nzuri. Toleo hili jipya linaleta maboresho mbalimbali kama vile muonekano mpya wa simu, ulinzi wa juu wa usalama, na mabadiliko kwenye skrini ya kufungua simu (lock screen), yote yakiwa na lengo la kuboresha matumizi ya kila siku ya simu.