Tag: Ragga Dee

Msanii mkongwe kwenye muziki kutoka nchini Uganda Ragga Dee amedai kuwa hana mpango wa kustaafu muziki hivi karibuni licha ya kuwa hajakuwa akiachia nyimbo katika miaka ya hivi karibuni. Kwenye mahojiano yake na kituo kimoja cha redio nchini uganda Ragga Dee amethibitisha kuwa ataendelea kufanya muziki hadi atakapopumua hewa yake ya mwisho duniani. “Muziki ipo ndani mwangu. Nimekuwa nikifanya tangu utotoni. Siwezi kuacha muziki kamwe. Ragga Dee alieleza. Ragga dee ni moja kati ya wasanii walioacha alama kwenye tasnia ya muziki nchini uganda na alipata umaarufu zaidi Afrika Mashariki kupitia wimbo wake uitwao “Ndigida.” Mwaka wa 2016 aligeukia siasa kwa kuwania kiti cha umeya wa jiji la kampala kwenye uchaguzi mkuu lakini kwa bahati mbaya alishindwa na Erias Lukwago.

Lejendari wa muziki kutoka nchini Uganda Ragga Dee amejitenga na madai ya kufuja pesa za madeejay alizopewa na Gen. Salim Saleh. Hitmaker huyo wa “Letter O” amekanusha tuhuma hizo ambazo ziliibuliwa dhidi yake na Madeejay nchini Uganda wakisema kwamba alikimbia na pesa zao ambazo walipewa na serikali kutokana na makali ya corona. Akiwa kwenye mahojiano na runinga moja nchini Uganda Ragga Dee amesema aliupokeza muungano wa madeejay nchini humo shillingi milloni 10 na ilipokelewa DJ Nimrod. Mwanamuziki huyo ameenda mbali zaidi na kusema kuwa tamaa imewaponza madeejay wa uganda kwani wengi wao wanajidhalalisha kwa kuanika shida zao mitandaoni. Hata hivyo amedai kuwa aliwahi kuwa deejay kipindi cha nyuma na anafahamu kila kitu kuhusu hu-deejay, hivyo amewataka madeejay wa uganda kukoma kujiona wa maana kuliko watu wengine