Tag: RIHANNA

Ronald Fenty, baba mzazi wa nyota maarufu wa muziki wa pop Rihanna, amefariki dunia akiwa na umri wa miaka 70. Kwa mujibu wa Starcom Network News kutoka Barbados, Fenty alifariki mapema Jumamosi asubuhi jijini Los Angeles baada ya kuugua kwa muda mfupi. Ingawa chanzo rasmi cha kifo chake hakijatangazwa, ripoti zinaeleza kuwa wanafamilia wake walikusanyika California kwa ajili ya kumuenzi na kuomboleza kifo chake. Hadi sasa, Rihanna hajatoa tamko lolote rasmi kuhusu kifo cha baba yake. Taarifa za msiba huu zimekuja wakati Rihanna akiwa mjamzito na anatarajia mtoto wake wa tatu na mpenzi wake, rapa ASAP Rocky.

Mwanamuziki Rihanna ameripotiwa kuwa anatengeneza Documentary kuhusu maisha yake kuelekea kwenye tukio kubwa la Super Bowl Halftime show ambayo atatumbuiza mwakani. Riri amesaini dili la mabilioni ya pesa na kampuni ya Apple, na vipande vya ‘Behind the Scenes’ vya Documentary hiyo vitarushwa. “Kuna hamu kubwa ya kufanya kila kitu na Rihanna, hasa kipindi hiki ambacho anarejea Jukwaani kwa mara ya kwanza baada ya miaka kadhaa.” chanzo kimoja kilieleza. Camera zitazunguka kuangazia maisha yake kama Mama mpya ambaye alijifungua mtoto mwezi Mei, akijitayarisha kwa ujio mpya kwenye muziki. “Atakuwa akirekodiwa wakati wa mazoezi (rehearsals) na vikao kuelekea usiku mkubwa wa onesho lake kwenye Halftime show ya Super Bowl. Hii ni kuonesha kwa undani maisha yake yalivyo.” chanzo kilieleza.

Ni miezi mitano sasa imepita tangu Rihanna ajifungue mtoto wa Kiume, lakini hadi leo hajaanika wazi Jina la mtoto wala uso wake kwenye mitandao ya kijamii. Mashabiki zake wameanza kujiongeza na kulitafuta Jina la mtoto huyo hata kupitia mavazi ambayo anavaa Riri kwenye mitoko. Wikendi hii Riri alionekana akiwa amevaa cheni ndefu yenye herufi ‘D’ hivyo kuwafanya mashabiki zake wa nguvu kuhisi labda Jina la mtoto huyo linaanza na herufi hiyo. Kuna wengine ambao waliwahi kujiongeza na kudai Jina litakuwa linaanza na herufi ‘R’ kutokana na majina halisi ya Rihanna (Robyn) na A$AP Rocky (Rakim)

Staa wa muziki duniani Rihanna ameweka rekodi kwenye mtandao wa YouTube licha ya kuwa nje ya muziki kwa takribani miaka 6 sasa. Video ya wimbo wake “Diamonds” imefikisha jumla ya views bilioni 2 kwenye mtandao huo. Ngoma hiyo iliachiwa rasmi Septemba 26, mwaka 2012 na video yake ilipakiwa kwenye mtandao wa YouTube Novemba 9, mwaka 2012. Diamond ni ngoma kutoka kwenye Album yake ya 7 (Unapologetic) ya mwaka 2012, na iliandikwa na Mwanamama Sia huku ikitayarishwa na Benny Blanco pamoja na Stargate.

Mwanamuziki kutoka nchini Marekani Rihanna anaelekea mwaka wa sita bila kuachia kazi yoyote ya muziki lakini kila siku anaweka rekodi. Rihanna ameandika rekodi nyingine kwa video yake “stay” kufikisha jumla ya views bilioni 1 kwenye mtandao wa youtube. Hii inamfanya rihanna kutanua rekodi yake ya kuwa msanii wa kike mwenye video nyingi zaidi zenye watazamaji zaidi ya bilioni kwenye mtandao wa youtube,kwani amefikisha jumla ya video 8 za muziki.