Tag: ronald alimpa

Mwanamuziki kutoka nchini Uganda Ronald Alimpa amekiri kuwa amekuwa akitumia mihadarati kama wasanii wengine duniani. Kwenye mahojiano yake hivi karibuni anasema wakati huo alikuwa akivuta bangi na hakuna mtu ambaye angemzuia kufanya chochote alichotaka kwani hakuwa amekumbana na madhara ya kutumia dawa za kulevya. Hata hivyo, Ronald Alimpa amethibitisha kuachana na matumizi ya dawa za kulevya baada ya kulazwa hospitalini kufuatia kunusurika kwenye ajali mbaya ya barabarani. Msanii huyo anasema maumivu aliyokuwa nayo wakati wa operesheni yalikuwa makali, hivyo madaktari walimshauri aachane na dawa za kulevya kwani huenda ingeathiri maisha yake siku za mbeleni. Katika hatua nyingine Alimpa amefichua ujio wa wimbo wake mpya uitwao  “Onyenyangamu” ambao utaingia sokoni hivi karibuni. Anasema wimbo wake mpya unauachia kwa ajili ya kusherehekea uhai wake na pia kumshukuru Mungu kwa zawadi ya maisha kwani nusra aage dunia alipohusika kwenye ajali mbaya ya barabarani.

Msanii kutoka nchini Uganda Ronald Alimpa ameripotiwa kukamatwa kufuatia hatua ya kususia show zake tatu ambazo alipaswa kutumbuizwa Disemba 25 na 26 mtawalia. Kushindwa kwake kutumbuiza kwenye show hiyo kuliwafanya mashabiki wenye ghadhabu waliokuwa wakimsubiri kwa hamu, kuharibu mali ya mamillioni ya fedha iliyowaacha mapromota wakikadiria hasara kubwa. Hitmaker huyo wa “Seen Don” ambaye amekuwa akiuguza majeraha ya ajali aliyoipata miezi kadhaa iliyopita,alipaswa kutumbuiza kwenye show hiyo akiwa kwenye kiti cha magurudumu kutokana na kupoteza miguu yake katika ajali hiyo. Kwa sasa tunasubiri tamko la meneja wa Ronald Alimpa kunyoosha maelezo juu ya msala wa kukamatwa kwake lakini pia chanzo cha kutofika kwenye eneo la show kwa wakati licha ya kulipwa pesa zote.

Wahisani wameridhia ombi la kumsaidia msanii kutoka Uganda Ronald Alimpa aliyehusika kwenye ajali mbaya barabarani Septemba 29 mwaka huu. Kwa mujibu wa picha zinazosambaa mtandaoni, Hitmaker huyo wa “Seen Don” anaendelea kupokea msaada wa kifedha na mahitaji mengine ya msingi kutoka kwa wasanii wenzake, mashabiki pamoja na marafiki huku akiwa anauguza majeraha mabaya kwenye hospitali moja jijini Kampala. Hatua hii imekuja siku mbili baada ya msanii huyo kupitia video iliyosambaa mtandaoni kuwaomba wahisani kuchangisha fedha za kugharamia matibabu yake.

Mwanamuziki kutoka Uganda Ronald Alimpa anaomba msaada wa kifedha baada ya kuhusika kwenye ajali mbaya ya barabarani Septemba 29 mwaka huu. Kwenye video inayosambaa mtandaoni alimpa ambaye amelazwa hospitalini amewaomba mashabiki, wanafamilia, marafiki na wahisani kumchangishia pesa ili aweze kulipa gharama ya matibabu. Ronald Alimpa na msanii Lady Grace na Ragga Fire walihusika kwenye ajali mbaya ya barabarani huko Ssemuto Katika wiliya ya Nasakeseke jana Alhamisi. Lakini kwa bahati mbaya  msanii lady grace alifariki dunia papo hapo huku akiwaacha wengine na majeraha mabaya.

Mwanamuziki kutoka Uganda Ronald Alimpa amekanusha tuhuma za wizi wa wimbo wa wa kabaka Atumye zilizoibuliwa na msanii mwenzake Baby J. Katika mahojiano yake hivi Alimpa amesema ameshangaza na hatua ya Baby J kudai kuwa aliiba ubunifu wa wimbo wake wa Kabaka Atumye na kuutumia kwenye wimbo wake mpya bila ridhaa yake. Hitmaker huyo wa Seen Don amesema aliandikiwa wimbo huo na uongozi wake hivyo hakujua kama kuna wimbo wa  Baby J ambao una jina sawa na wake. Msanii huyo ameenda mbali zaidi na kusema kwamba yuko tayari kukutana na Baby J kwa ajili ya kutatua  tofauti zao. Utakumbuka mwaka wa 2017 Baby J aliachia wimbo uitwao kabaka Atumye chini ya Climax Records lakini wimbo huo haukupokelewa vyema na wapenzi wa muziki mzuri  nchini Uganda kama ilivyo kwa tolea la Ronald Alimpa.

Mwanamuziki kutoka Uganda Ronald Alimpa amekanusha madai yanayosambaa mtandaoni kuwa mraibu wa dawa za kulevya. Katika mahojiano yake hivi karibuni Alimpa amesema tuhuma hizo hazina ukweli wowote kwa kuwa hatumii kabisa mihadarati katika maisha yake. Hitmaker huyo wa ngoma ya “Seen Don” amesema madai hayo yameibuliwa na watu wenye nia ya kumpaka tope huku akikiri mara ya mwisho kutumia bangi ilikuwa mwaka wa 2016 lakini kilichomkuta kilimfanya achane na matumizi ya dawa hizo. Kauli ya Ronald Alimpa imekuja mara baada ya promata mmoja nchini Uganda kudai msanii huyo alimdhalilisha kwa kumpulizia moshi ya bangi usoni walipomteka nyara pamoja na timu yake kufuatia mzozo uliobuka kati yao aliposusia kutumbuiza kwenye shoo yake.