Tag: s2kizzy

Mtayarishaji wa muziki kutoka Tanzania, S2Kizzy maarufu Zombie, ameonyesha moyo wa utu baada ya kumtembelea na kumpa msaada prodyuza mwenzake aitwaye Bakteria, ambaye kwa miaka miwili sasa amekuwa akikabiliwa na changamoto kubwa ya kiafya. Katika ziara yake, S2Kizzy alimpelekea msaada wa vyakula na mahitaji ya nyumbani, huku akisisitiza kuwa Bakteria alikuwa tegemeo kubwa kwa familia yake kupitia kazi za muziki, lakini sasa hali ngumu imemlazimisha kusimama. Ameongeza kuwa ni muhimu jamii iungane na kusimama pamoja na wale wanaopitia changamoto. Zombie ametoa wito kwa mashabiki na watu wenye nia njema kushirikiana na kusaidia familia hiyo kupitia namba 0714 315 680. Bakteria alipata matatizo ya kupooza na kushindwa kutembea kufuatia shambulio la vibaka karibu na studio yake mjini Tanga, jambo lililosimamisha kabisa ndoto zake za muziki. Kwa sasa, Bakteria anaishi na mama yake mzazi ambaye pia anakabiliwa na matatizo ya kiafya, hali inayoongeza ugumu wa maisha yao.

Prodyuza wa muziki kutoka Tanzania, S2kizzy, amewashauri maprodyuza wenzake kutoogopa kufanya aina yoyote ya muziki kwa kuhofia maneno ya watu. Kwa mujibu wa S2kizzy, muziki ni sanaa ya burudani na furaha, hivyo kila prodyuza ana nafasi ya kujaribu mitindo na miondoko mbalimbali ili kuleta furaha na burudani kwa jamii. S2kizzy, ambaye amehusishwa na kutengeneza hit singles nyingi za wasanii wakubwa Afrika Mashariki, amesisitiza kuwa ubunifu na kujiamini katika kazi ndiyo msingi wa mafanikio katika tasnia ya muziki ambayo imejaa ushindani mkubwa. Ujumbe huu umetafsiriwa kama motisha kwa vijana wengi wanaojitahidi kuingia kwenye muziki lakini hukumbwa na hofu ya mitazamo ya watu

Mtayarishaji wa muziki kutoka Tanzania, S2kizzy maarufu Zombie, ameweka wazi mtazamo wake kuhusu nafasi ya beatmaker katika tasnia ya muziki. Akipiga stori na The Throne, Zombie anasema hakuna haja mtu yeyote kujisikia vibaya akiitwa beatmaker kwa sababu hiyo ndiyo nguzo muhimu inayoshikilia mchakato mzima wa utayarishaji muziki. Kwa maelezo yake, kutengeneza beat ndiko kunakoipa ngoma uhai kabla ya hatua nyingine za uzalishaji kuingia. Hata hivyo, anasisitiza kuwa safari yake ya kimuziki imemfikisha mbali zaidi ya hatua hiyo, na sasa anajitazama kama profesa wa muziki kutokana na uwezo wake mpana unaojumuisha kuunda beat, kufanya production, kutoa mwongozo na kupanga mashairi. S2kizzy, ambaye amefanya kazi na wasanii wakubwa wa Afrika Mashariki na kimataifa akiwemo Diamond Platnumz, Rayvanny na Harmonize, amekuwa akihusishwa na mageuzi makubwa kwenye sauti ya Bongofleva na kuisukuma kuvuka mipaka ya kanda. Wachambuzi wa muziki wanasema matamshi yake yanaonyesha namna tasnia inavyoendelea kukua na kuhitaji wataalamu wenye ujuzi mpana zaidi ya kutengeneza beat pekee, kwani muziki wa kisasa unahitaji ubunifu, usimamizi wa kiufundi na mtazamo wa kimataifa.