Tag: stivo the simple boy

Lebo ya muziki ya Men in Business imemtambulisha rasmi Stivo The Simple Boy kama msanii wao mpya. Lebo hiyo imesema imesaini msanii huyo kwa mkataba wa miaka miwili ambapo watasimamia shughuli zake za muziki. Uongozi wa Men in Business umewataka wakenya waendelee kufuatilia kazi za Stivo The Simple Boy kwani kuanzia sasa atakuwa na muendelezo mzuru wa kuachia ngoma bila kupoa. Hata hivyo baada ya kutambulishwa kama msanii mpya wa MIB, Stivo The Simple Boy amewashukuru wakenya kwa upendo ambao wamemuonyesha tangu aanze muziki huku akiahidi kuwapa burudani zaidi. Utakumbuka Stivo The Simple Boy alikuwa akisamimiwa na lebo ya muziki ya Made In Kibera ambayo ilimtoa kimuziki lakini msanii huyo aliahamua kuigura uongozi huo baada ya kupora pesa zake alizokuwa anazichuma kupitia muziki wake

Msanii wa muziki nchini Stephen Otieno maarufu kama Stivo The Simple Boy amewaacha mashabiki na maswali mengi baada ya kuchapisha ujumbe kwenye akaunti yake mpya ya Instagram akisema kwamba amekuwa mgonjwa kwa muda sasa. Hitmaker huyo wa ngoma ya “Mihadarati” ameposti picha akiwa kwenye mazingira ya studio yenye caption inayosomeka “Mziki ni dawa yangu, Mafans wangu wish me a quick recovery niwapee ngoma mpya. Au sio.”,  ujumbe unaowataka mashabiki zake wamuombee apate nafuu ili aweze kuwabariki na ngoma mpya. Posti yake hiyo imeibua hisia mseto miongoni mwa mashabiki zake ambao walishuka kwenye uwanja wa comment ya post kwenye mtandao wa Instagram na kumtakia afueni ya haraka. Stivo The Simple ni miongoni mwa wasanii wachache ambao wamewakosha wapenzi wa muziki mzuri nchini Kenya kutokana na aina ya uimbaji wake lakini pia ni moja kati ya wasanii waliopata umaarufu mkubwa ndani ya kipindi kifupi tofauti na wasanii wengine.