Tag: taekwondo

Kenya inatarajia kuwa mwenyeji wa mashindano ya kimataifa ya Taekwondo kwa chipukizi wasiozidi umri wa miaka 21, yatakayofanyika kuanzia Jumatano hii hadi Jumamosi. Mashindano haya yanajulikana kwa kaulimbiu yake ‘Thamani za Taekwondo kwa Hatua za Kudhibiti Mabadiliko ya Hali ya Hewa’, na yanatarajiwa kuvutia wachezaji kutoka mataifa zaidi ya 140, huku tayari mataifa 76 yamehakikisha kushiriki. Timu ya Kenya, yenye wachezaji 16, imekuwa kambini tangu mwanzoni mwa juma lililopita, ikilenga kuimarisha mazoezi na mikakati chini ya uongozi wa makocha wenye uzoefu. Lengo la timu ni kutwaa medali nyingi zaidi na kuonyesha kipaji cha vijana wa Kenya katika mashindano ya kimataifa. Mashindano haya ni fursa ya kipekee kwa wachezaji wa Kenya kuonyesha vipaji, kujifunza kutoka kwa wenzao wa kimataifa, na pia kuhamasisha utunzaji wa mazingira kupitia michezo.

Kenya itawatumia wachezaji wake wa taekwondo wenye uzoefu katika mashindano ya dunia kwa wachezaji wasiozidi umri wa miaka 21, ambayo yataandaliwa nchini kwa mara ya kwanza katika historia ya mchezo huo. Mashindano hayo ya kimataifa yanatarajiwa kufanyika kuanzia Disemba 3 hadi 6 mwaka huu, katika Uwanja wa Kimataifa wa Kasarani, jijini Nairobi, na kuwavutia zaidi ya wachezaji 3,500 kutoka zaidi ya mataifa 150 duniani. Kwa mujibu wa Shirikisho la Taekwondo nchini, maandalizi ya mashindano hayo yako katika hatua za mwisho, huku tovuti rasmi ya mashindano hayo tayari ikizinduliwa, ikiwa ni jukwaa la kutoa taarifa kwa washiriki na mashabiki kutoka ndani na nje ya nchi. Zaidi ya kuwa jukwaa la michezo, mashindano haya yanatazamiwa kuimarisha sekta ya utalii na kuchangia kwa kiasi kikubwa uchumi wa nchi, sambamba na kuwapa wachezaji wa Kenya nafasi ya kuonyesha vipaji vyao dhidi ya wapinzani wa kimataifa. Timu ya taifa ya Kenya inatarajiwa kuingia kambini rasmi mwishoni mwa mwezi Novemba ili kujiandaa kikamilifu kwa mashindano hayo.