Tag: tiwa savage

Mwanamuziki nyota kutoka Nigeria, Tiwa Savage, amekanusha uvumi ulioenea kwa muda mrefu kwamba aliwahi kuwa na uhusiano wa kimapenzi na msanii mwenzake, Wizkid. Akizungumza katika mahojiano na The Breakfast Club, Tiwa Savage amesisitiza kuwa madai hayo hayana ukweli wowote. Ameeleza kuwa hakuwahi kuwa kwenye mahusiano ya siri na Wizkid na kuongeza kwamba maneno hayo ni uvumi wa watu usio na msingi. Msanii huyo amefafanua kuwa madai hayo yalianza kuenea baada ya yeye kudaiwa kuwa kwenye uhusiano na mtu maarufu ambaye alitaka penzi lao libaki la siri. Hata hivyo, Tiwa amesema hana chochote cha kuficha na hakuwahi kushirikiana kimapenzi na Wizkid, bali walihusiana tu kwa sababu ya kazi za muziki. Tiwa Savage, ambaye ni mmoja wa wasanii wa kike wenye ushawishi mkubwa barani Afrika na duniani, ameongeza kwamba anataka mashabiki wake waendelee kumtambua kupitia kazi zake na mafanikio ya muziki badala ya skendo za maisha yake ya kibinafsi.

Malkia wa muziki wa AfroBeats, Tiwa Savage, ameibua gumzo mitandaoni baada ya kufichua vigezo anavyovitaka kwa mwanaume wa ndoto zake. Akiwa kwenye mahojiano ya hivi karibuni, Tiwa alieleza kuwa hana mpenzi kwa sasa, na si kwa sababu kuna uhaba wa wanaume, bali ni kutokana na matarajio maalum aliyojiwekea. Kwa sasa, anatafuta mwanaume mwenye ndege binafsi (private jet), mwenye boti, na asiye na changamoto au drama zinazohusiana na wanawake wengine. Anaamini huenda vigezo hivyo vikawa sababu ya kutompata mtu anayemfaa hadi sasa. Kauli hiyo imezua mijadala mseto mitandaoni. Baadhi ya mashabiki wamepongeza msimamo wake kama ishara ya kujua thamani yake, huku wengine wakiona vigezo hivyo kuwa vya hali ya juu sana. Tiwa Savage, ambaye ameweka alama kubwa kwenye muziki wa Afrika na kimataifa, anaendelea kuwa mfano wa mwanamke jasiri, mwenye malengo na maamuzi thabiti hata linapokuja suala la mapenzi.