Baha Asema Kuvuja kwa Video Zake Kulimfundisha Kujikubali na Kujiamini
Robert Elim July 2, 2025
Comments (0)

Baha Asema Kuvuja kwa Video Zake Kulimfundisha Kujikubali na Kujiamini

Muigizaji maarufu wa Kenya, Tyler Mbaya, almaarufu Baha, amefunguka kwa mara ya kwanza kuhusu namna uvujaji wa video zake za faragha ulimsaidia kuimarisha kujiamini kwake binafsi. Akizungumza na mtangazaji Prince Newton, Tyler alisema kuwa tukio hilo lilikuwa la kushangaza, lakini lilimfungua macho na kumuondolea woga wa kuhukumiwa na watu. “Sasa naingia mahali kwa ujasiri. Hata naweza kucheka nikijiuliza kama Mama Mboga aliona hizo video,” alisema kwa ucheshi. Ingawa tukio hilo lilikuwa na changamoto zake, Tyler alikiri kuwa halimsumbui tena, lakini anajiandaa kwa siku ambayo binti yake, Astra, atauliza kuhusu hilo. “Najua siku moja atakua na kuuliza maswali, kwa hivyo lazima nijue nitamweleza nini,” alisema kwa ukweli. Mashabiki wake wamechangia maoni tofauti, baadhi wakimsifu kwa ujasiri na uwazi wake, huku wengine wakikumbusha umuhimu wa faragha na maadili hasa kwa watu maarufu wenye familia. Tyler Mbaya, ambaye alijizolea umaarufu kupitia kipindi cha Machachari, amekuwa mstari wa mbele kushiriki safari yake ya maisha, changamoto na mafanikio yake na mashabiki, huku akisisitiza umuhimu wa kujikubali hata wakati jamii inakutazama kwa jicho la hukumu.

Read More
Georgina na Tyler Mbaya Kuendelea Kushirikiana Kwenye Maudhui, Licha ya Kutengana
Robert Elim June 5, 2025
Comments (0)

Georgina na Tyler Mbaya Kuendelea Kushirikiana Kwenye Maudhui, Licha ya Kutengana

Mwanamitindo na mshawishi wa mitandao ya kijamii, Georgina Njenga, amefunguka wazi kuhusu uhusiano wake na baba wa mtoto wake, Tyler Mbaya maarufu kama Baha. Akiwa kwenye mahojiano ya hivi karibuni, Georgina alieleza kuwa ingawa hawako tena kwenye mahusiano ya kimapenzi, wawili hao wataendelea kushirikiana katika malezi ya binti yao na pia kuunda maudhui pamoja. “Sitarudi kwenye uhusiano wa kimapenzi na Tyler, lakini bado tutakuwa wazazi bora kwa mtoto wetu. Tunaelewana vizuri kama marafiki na washirika wa kazi,” alisema Georgina. Kauli hiyo imekuja wakati mashabiki wengi wakiendelea kubashiri kuhusu uwezekano wa wawili hao kurudiana, hasa baada ya kuonekana mara kadhaa wakishirikiana kwenye maudhui ya mitandaoni. Hata hivyo, Georgina alisisitiza kuwa uhusiano wao wa sasa unazingatia ustawi wa mtoto wao na kazi zao za ubunifu. Tyler Mbaya, ambaye alipata umaarufu kupitia kipindi cha Machachari, na Georgina wamekuwa miongoni mwa wanandoa wachanga waliokuwa wakifuatiliwa sana mtandaoni kabla ya kutengana mwaka wa 2023. Licha ya kutengana, wameendelea kudumisha mawasiliano mazuri kwa ajili ya binti yao. Wengi wamepongeza hatua ya wawili hao kuweka kando tofauti zao na kuweka mbele maslahi ya mtoto, wakisema ni mfano mzuri kwa wazazi waliotengana. Mashabiki pia wameonyesha matumaini kuwa ushirikiano wao wa kazi utaendelea kuwa na mafanikio licha ya tofauti zao binafsi. Kwa sasa, Georgina na Tyler wanaonekana kuzingatia malezi ya pamoja na kazi zao za kidijitali, wakithibitisha kuwa si lazima kuwa kwenye mahusiano ya kimapenzi ili kulea mtoto kwa upendo na mshikamano.

Read More