KAMPUNI YA UNIVERSAL MUSIC GROUP YAINGIA UBIA WA KUFANYA KAZI NA THE WEEKND
Robert Elim May 4, 2022
Comments (0)

KAMPUNI YA UNIVERSAL MUSIC GROUP YAINGIA UBIA WA KUFANYA KAZI NA THE WEEKND

Kampuni ya Universal Music Group imetangaza dili lake la ushirikiano na Mwanamuziki kutoka Marekani The Weeknd. Dili hilo linahusisha usimamizi wa kurekodi kazi zake, uchapishaji bidhaa na masuala ya video. Makubaliano hayo hayataathiri uhusiano wa The Weeknd na kampuni ya ‘UMG’s Republic Records’ ambayo ndiyo kampuni na mshirika wake wa muda mrefu katika kazi zake haswa za muziki tangu mwaka 2012. Hata hivyo kampuni ya UMG inayosimamia chapa (brand) na bidhaa za rappa huyo, itaendelea kufanya kazi kwa ukaribu na Weeknd na XO ili kupanua na kuendeleza biashara ya kimataifa, biashara ya mtandaoni na fursa za leseni za rejareja kuhusu miradi na matoleo yajayo.

Read More
KANYE WEST NA UNIVERSAL MUSIC GROUP WABURUZWA MAHAKAMANI
Robert Elim April 28, 2022
Comments (0)

KANYE WEST NA UNIVERSAL MUSIC GROUP WABURUZWA MAHAKAMANI

Rapa kutoka Marekani Kanye West pamoja na Universal Music Group wanakabiliwa na kesi ya wimbo wa “Power” alioutoa mwaka 2010. Kwenye wimbo huo, Kanye West alitumia vionjo kutoka kwenye wimbo wa King Crimson “21st Century Schizoid Man,” wa mwaka 1969,. Kwa mujibu wa Variety, Declan Colgan Music Ltd, ambao wanamiliki toleo la awali la wimbo huo, waliwasilisha kesi katika mahakama kuu ya Uingereza mapema mwezi Machi 2022. Madai hayo yanakuja kufuatia Kanye West kuweka wimbo huo kwenye mtandao wa Youtube mwaka 2010 kabla ya kuwepo kwa makubaliano ya awali ya matumizi ya sampuli hiyo ambapo wimbo huo mpaka sasa umepata jumla ya watazamaji takriban milioni 134. Inaelezwa wakati huo Declan Colgan Music Ltd ilimuomba Ye, na kampuni yake ya uzalishaji, Rock the World kutia saini mkataba ambao ulisema sampuli hiyo itapata mrabaha wa 5.33% katika kila sehemu ambayo nakala ya wimbo wa huo itauzwa au kutumiwa kwa namna yeyote. Declan Colgan Music Ltd, sasa inadai kwamba Universal Music Group imeshindwa, na inaendelea kushindwa, kutii wajibu wake wa kihasibu wa mrabaha kuhusiana na masharti sahihi waliyopaswa kuyafuata. Kwa mujibu wa Complex, kwa Sasa wanachotaka Declan Colgan Music Ltd ni mirabaha yao ya Streaming Royalties iwe sawa na mauzo halisi ya CD, badala ya asilimia zinazotolea na majukwaa ya malipo kama Spotify kwa kila stream moja.

Read More