Tag: VDJ JONES

Bosi wa lebo ya Superstar Entertainment VDJ Jones amesikitishwa na maendeleo ya tasnia ya muziki nchini Kenya kwa kusema kwamba kuna uhaba mkubwa wa nyimbo mpya sokoni. Kupitia video aliyochapisha kwenye mtavndao Facebook VDJ Jones amesema kwa sasa madeejay wanapata ugumu wa kucheza muziki wa Kenya kwa kuwa wasanii hawatoi nyimbo kama kipindi cha nyuma, jambo ambalo liwamepelekea kuwategemea wasanii wa nje ambao wamekuwa wakiachia nyimbo mpya kila mara. Aidha amesema wasanii wa Kenya wasipotia bidii kwenye kazi zao za muziki huenda wasanii wa mataifa mengine wakateka soko la muziki nchini kwa  kutumbuiza kwenye matamasha mbali mbali ya muziki. Hata hivyo  ametoa changamoto kwa wasanii wa kenya kuanza kurekodi nyimbo mfululizo bila kupoa badala ya kusubiri wawe vizuri kiuchumi ndio waachie audio pamoja na video kwani mashabiki hawana subira. Kauli ya VDJ Jones inakuja wakati huu mchekeshaji Eric Omondi anaendelea kuwashinikiza wasaniii waachie nyimbo kwa kuwa wabunifu kwenye suala la kutengeneza matukio yatakayowafanya wazumngumzie kwenye vyombo vya habari.

Dj maarufu nchini Vdj Jones amenyosha maelezo kuhusu madai yaliyoibuliwa na Parroty kuwa hajawahi walipa wasanii aliowashirikisha kwenye project zake.. Katika mahojiano na Plug tv Vdj Jones amesema madai hayo hayana msingi wowote kwa kuwa amekuwa akiwalipa wasanii wote aliowashikisha kwenye kazi zake kwa usawa DJ huyo ameenda mbli zaidi na kusema kwamba ameshangazwa na msanii huyo kumuongelea vibaya mtandaoni ikizingatiwa kuwa amekuwa akimuomba msaada kimuziki. Bosi huyo wa Superstar Entertainment ameweka wazi tusioyajua kuhusu Parroty kwa kusema kwamba msanii huyo hajawahi walipa wasanii aliowashirikisha kwenye wimbo wake wa Lewa Remix. Hata hivyo ametoa changamoto kwa wasanii kutia bidii kwenye kazi zao za muziki badala ya kulalamika mtandaoni.

DJ maarufu nchini VDJ Jones amepuzilia mbali madai kuwa msanii wa Boondocks gang Edu Madoxx anapitia wakati mgumu siku chache baada ya msanii huyo kujitokeza na kuomba msaada wa kodi kutoka kwa wakenya. Katika mahojiano yake hivi karibuni Vdj Jones ambaye ni muasisi wa muziki wa gengetone amefichua tusiyoyajua kuhusu Madoxx kwa kusema kwamba madawa ya kulevya yameponza msanii huyo kiasi cha kuwafanya wasanii wenzake Exray pamoja na Odi wa Murang’a kumkimbia. Vdj Jones ameenda mbali zaidi na kusema kuwa msanii huyo amekuwa akitumia mihadarati kwa kipindi kirefu  jambo analodai limemuathiria kiafya na hata kumpelekea kuzembea kwenye suala la kufanya kazi katika kundi la Boondocks gang. Hata hivyo watumiaji wa mitandao wa kijamii wameonekana kutofautiana kimawazo na Vdj Jones wengi wakimtaka aache suala la kutoa lawama kwa msanii huyo na badala yake ashirikiane na mashabiki wamsaidia madox ambaye wakenya wengi wamehoji kuwa huenda anapitia msongo wa mawazo.