Mwigizaji Wilbroda Asema Haamini Kuwepo kwa Mbingu na Jehanamu Baada ya Kifo.
Robert Elim August 24, 2025
Comments (0)

Mwigizaji Wilbroda Asema Haamini Kuwepo kwa Mbingu na Jehanamu Baada ya Kifo.

Mwigizaji maarufu wa Kenya, Jacquey Nyaminde, anayejulikana zaidi kwa jina lake la uigizaji Wilbroda, ameibua mjadala baada ya kufichua mtazamo wake kuhusu imani ya maisha baada ya kifo. Akizungumza na Podcast ya Mwakideu Live, Wilbroda amesema kuwa haamini kuwepo kwa mbingu na jehanamu, akiongeza kuwa hakuna siku tarumbeta itapigwa kama inavyoaminika katika mafundisho ya dini. Kauli yake imezua hisia mseto miongoni mwa mashabiki na wafuasi wake, wengine wakiheshimu msimamo wake binafsi huku wengine wakikosoa mitazamo hiyo ikizingatiwa kuwa masuala ya kiimani ni nyeti kwa jamii nyingi. Wilbroda, ambaye amejulikana kwa muda mrefu kupitia kipindi cha Papa Shirandula na kazi yake katika uigizaji wa vichekesho, amesema mara kadhaa kwamba maisha yake ya kiroho ni safari ya kibinafsi, na kila mtu anapaswa kuwa huru kuchagua kile anachoamini.

Read More
Wilbroda Atoa Wito kwa Rais Ruto Asikie Kilio cha Wananchi
Robert Elim July 2, 2025
Comments (0)

Wilbroda Atoa Wito kwa Rais Ruto Asikie Kilio cha Wananchi

Mwigizaji maarufu wa Kenya, Wilbroda, ameibua hisia kali mtandaoni baada ya kueleza kwa uchungu hali ngumu ambayo wananchi wanapitia chini ya utawala wa sasa, huku akimpelekea Rais William Ruto ujumbe wa moja kwa moja akimtaka asikilize kilio cha wananchi. Kupitia video iliyosambaa kwenye mitandao ya kijamii, Wilbroda alieleza kuwa bado kuna muda wa miaka miwili na nusu kabla ya uchaguzi mwingine, na angetamani sana kuona Rais akisikia sauti ya wananchi na kurekebisha baadhi ya mambo ambayo, kwa mtazamo wake, yameathiri maisha ya wananchi wa kawaida. “Ningependa sana askize ground, this guy still has two and a half years, I wish he would listen to the people and reverse a lot of things that have happened in this country. People are going through so much,” alisema Wilbroda kwa hisia kali. Kauli yake imeibua maoni tofauti kutoka kwa Wakenya mtandaoni, wengi wakimuunga mkono na wengine wakimtaka azingatie usawa katika uchambuzi wake. Lakini ujumbe wake umeeleweka wazi: maisha yamekuwa magumu kwa mwananchi wa kawaida, na kuna haja ya serikali kuchukua hatua kurekebisha hali hiyo. Wilbroda, anayefahamika kwa ucheshi na uigizaji wa kuvutia, amekuwa sauti ya watu wengi mitandaoni, na kwa mara hii, ameamua kutumia umaarufu wake kuangazia masuala ya kijamii yanayoathiri mamilioni ya Wakenya.

Read More