Tag: Zari Hassan

Socialite maarufu mwenye asili ya Uganda, Zari Hassan, ameonyesha kuchoshwa na wanawake wanaoendelea kumuandikia mwanawe wa kiume jumbe za mahaba wakionyesha nia ya kumtaka kimapenzi. Kupitia kauli yake mitandaoni, Zari amesema amekuwa akipokea DM nyingi kutoka kwa wanawake wanaojitokeza waziwazi kumtongoza mtoto wake, hali anayosema imevuka mipaka na kumkera. Mwanamama huyo, ameweka wazi kuwa mwanawe tayari yuko kwenye mahusiano na binti wa kizungu, huku akiwataka wanawake hao kuacha tabia ya kumtumia jumbe za kumtamani kimapenzi (thirsty messages). Ameonya wakiendelea na tabia hiyo huenda akachukua maamuziki magumu ya kuwaanika mtandaoni. Kauli ya Zari imezua mijadala mitandaoni, baadhi wakimuunga mkono kwa kulinda faragha ya mwanawe, huku wengine wakiona ni athari ya umaarufu unaoambatana na familia za mastaa.

Sociliate mwenye asili ya Uganda, Zari Hassan, ameibua mjadala mtandaoni baada ya kusema kuwa mume wake Shakib huvutia idadi kubwa ya wanawake. Kulingana na Zari, kivutio cha Shakib kwa wanawake hakitokani na mvuto wake binafsi, bali kinachochewa zaidi na hadhi yake kama mume wa mtu maarufu. Mwanamama huyo, ambaye ni mmoja wa socialite wenye ushawishi mkubwa barani Afrika, ameongeza kuwa mara nyingi wanawake humfuata Shakib kwa udadisi, wakitaka kufahamu ni nini hasa alichokiona kwake hadi wakafunga ndoa. Kauli hiyo imezua maoni mseto kutoka kwa mashabiki, baadhi wakisema Zari amekuwa akizungumza kwa ujasiri na kwa mtindo wake wa kawaida wa kuchokoza mjadala, huku wengine wakiona maneno yake kama ishara ya kujiamini na kumthamini mume wake. Shakib na Zari wamekuwa katika uhusiano wa hadharani kwa muda, na mara kadhaa wamekuwa wakionekana wakioneshana mapenzi mtandaoni na kwenye vyombo vya habari. Hata hivyo, uhusiano wao umekuwa ukivutia mjadala kutokana na tofauti zao za umri na maisha yao ya hadhara.

Mjasiriamali na socialite Zari Hassan amefichua kuwa kisanduku chake cha ujumbe mtandaoni kimefurika na jumbe kutoka kwa wanaume wanaomfuata kwa nia ya kimapenzi. Kupitia mitandao yake ya kijamii, mama huyo wa watoto watano ameonyesha kuchoshwa na wingi wa wanaume wanaomwandikia kwa sababu zisizo sahihi, akisema wengi wao hawana nia ya dhati bali wanatafuta njia ya kumpotezea muda. Zari, ambaye kwa sasa ameolewa na bondia na mbunifu wa mitindo kutoka Uganda Shakib Cham, amebainisha kuwa idadi kubwa ya wanaume hao wanamtafuta kwa tamaa na si kwa uhusiano wa maana. Socialite huyo anayejulikana kwa jina la The Boss Lady amewahi kuwa kwenye mahusiano ya kimapenzi na msanii wa muziki kutoka Tanzania Diamond Platnumz pamoja na marehemu mfanyabiashara Ivan Semwanga, ambaye wana watoto pamoja.

Socialite maarufu wa Uganda, Zari Hassan, ameripotiwa kumshauri mumewe Shakib Cham kuachana na mchezo wa masumbwi na kuelekeza nguvu zake katika shughuli nyingine za kibinafsi zinazoweza kumuingizia kipato. Kwa mujibu wa chanzo cha karibu na wawili hao, Zari amekuwa mstari wa mbele kushauri mumewe kutokana na hali iliyoonekana baada ya pambano la hivi karibuni lililomshirikisha Shakib na msanii Rickman Manrick. Katika pambano hilo, Shakib alipokea makonde mazito ya kichwa yaliyopelekea kuanguka chini na kupoteza fahamu, hali iliyomlazimu muamuzi kusitisha pambano hilo mara moja. Tukio hilo lilimuumiza mno Zari ambaye alishuhudia mumewe akizirai ulingoni na kulia machozi ya uchungu. Chanzo hicho kimeeleza kuwa, licha ya juhudi za Shakib kujaribu kujiweka kwenye tasnia ya masumbwi ya burudani, mchezo huo haujaweza kuleta mapato yaliyotarajiwa na badala yake umekuwa chanzo cha hofu na maumivu kwa familia.

Mfanyibiashara na sosholaiti maarufu, Zari Hassan, alijikuta akibubujikwa na machozi baada ya mumewe, Shakib Cham, kupigwa knockout vibaya na msanii Rickman Manrick katika pambano la masupastaa lililoshuhudiwa usiku wa Jumamosi, 30 Agosti 2025, ndani ya MTN Arena, Lugogo. Pambano hilo lililokuwa limevuta maelfu ya mashabiki lilimalizika mapema katika raundi ya pili, baada ya Rickman kumshushia Shakib ngumi nzito pande zote za kichwa na kumwangusha chini akipoteza fahamu. Umati ulilipuka kwa shangwe, lakini macho yote yalihamia moja kwa moja kwa Zari, aliyekuwa safu ya mbele, akishuhudia mume wake akizimwa ringini. Awali, Zari alionekana akishangilia kwa nguvu akimhimizia mumewe kupambana, lakini alibadilika ghafla na kuangua kilio mara tu Shakib alipoanguka chini bila msaada. Alimkimbilia ulingoni, akimshika na kumfariji huku akibubujikwa na machozi, jambo lililoacha taswira ya aibu mbele ya umati na kamera zilizokuwa zikirekodi kila tukio. Mitandaoni, mashabiki hawakuchelewa kumrushia vijembe, wakimuita “First Lady wa Knockout”, huku wengine wakisema “hata machozi ya Zari hayawezi kufuta aibu ya kipigo cha Shakib.” Wengine walimkejeli kuwa safari hii si biashara zake wala mitindo yake ya kifahari iliyokuwa gumzo, bali machozi yake ringini. Rickman kwa upande wake aliendeleza rekodi yake ya ushindi, akipata ushindi wa pili katika michezo ya masupastaa baada ya kumbwaga pia msanii Grenade Official mnamo Desemba 2024. Kwa Shakib na Zari, pambano hili limeacha kumbukumbu chungu, knockout kwa ulingo, na machozi kwa jukwaa la mbele.