Mwimbaji wa Swangz Avenue Vinka bila shaka ni moja kati ya wasanii wa kike wenye muonekano mzuri kwa sasa nchini Uganda.
Hata hivyo, hali hiyo haikuwa hivyo miaka michache iliyopita kabla ya kupata ujauzito na kujifungua mtoto wake wa kiume.
Naam, kutokana na mabadiliko yake ya mwili ambayo hayakutarajiwa ikiwemo kuongezeka kwa ukubwa wa makalio yake, mashabiki wamekuwa wakidai kwamba alifanyiwa upasuaji.
Lakini wakati akimjibu shabiki kwenye majukwaa yake ya mitandao ya kijamii, Vinka amepuuzilia mbali madai hayo kwa kusema kuwa hana muda wa kuwaaminisha walimwengu kuwa viungo vya mwili wake ni asili.
“Naweza kuthibitisha kuwa ni halisi lakini sina haja ya kufanya hivyo,” alimjibu shabiki mmoja aliyedai kuwa makalio yake yalikuwa bandia.
Vinka amekuwa akipakia picha za kusisimua kwenye mitandao yake ya kijamii ambazo zinazidi kuwafanya wanaume wengi kutokwa na udenda na kushindwa kujizuia.
