West Ham United imekataa ofa ya pauni milioni 50 kutoka kwa Tottenham Hotspur kwa ajili ya mshambulizi wao Mohammed Kudus. Nyota huyo wa kimataifa wa Ghana anatajwa kuwa tayari kuondoka klabuni hapo, huku akiwa na nia ya kujiunga na timu inayoshiriki Ligi ya Mabingwa Ulaya.
Tottenham, ambao wamefuzu kwa Ligi ya Europa msimu ujao, wanapania kuimarisha kikosi chao, na wameweka macho yao kwa Kudus kama sehemu ya maboresho hayo. Mazungumzo kati ya pande hizo mbili bado yanaendelea.
Kudus, mwenye umri wa miaka 24, alijiunga na West Ham mwaka 2023 akitokea Ajax kwa ada ya pauni milioni 38. Katika mkataba wake, kuna kipengele cha kutolewa kwa pauni milioni 85, ingawa Spurs wanataka West Ham kupunguza kiasi hicho.
Licha ya kuwa bado na miaka mitatu katika mkataba wake, West Ham wapo tayari kumruhusu kuondoka iwapo masharti sahihi yatatimizwa. Tangu ajiunge na The Hammers, Kudus amefunga mabao 13 katika mechi 65 za Ligi Kuu ya Uingereza.
