Msanii mwenye utata nchini Kenya, Bahati, ameonekana kukerwa na kauli ya Pastor T aliyesema kwamba muziki wake unaweza kuwa na athari mbaya kwa watoto wake.
Akipiga stori na Radio Maisha, Bahati amesema kuwa ni unafiki kwa mhubiri huyo kumuhukumu ilhali yeye mwenyewe aliwahi kuwa na maisha yasiyo ya kiroho kabla hajageukia ukasisi.
Bahati amesema kuwa Pastor T alikuwa akivuta sigara na kuishi maisha ya anasa alipokuwa akiimba nyimbo za injili, kabla ya kujifanya mtakatifu baada ya kuokoka. Ameongeza kuwa maneno ya mhubiri huyo kuhusu watoto wake yatamrudia mwenyewe kwa sababu Mungu ndiye anayehukumu, si wanadamu.
Sakata hili limeibuka siku chache baada ya Bahati kuachia wimbo wake βSetiβ unaoendelea kutamba mtandaoni licha ya maoni mseto kuhusu maudhui yake. Mashabiki sasa wanasubiri kuona kama Pastor T atajibu mashambulizi hayo au ataamua kubaki kimya katikati ya taharuki inayoendelea kwenye mitandao ya kijamii.