Staa wa Bongo Fleva Mbosso ameanza ukurasa mpya katika muziki wake kwa kuachia EP yake ya tatu iitwayo Room Number 3, miezi michache baada ya kuondoka kwenye lebo ya WCB Wasafi.
EP hiyo, ambayo ina nyimbo 7 bila collabo yoyote, tayari imechukua nafasi ya kwanza kwenye majukwaa makubwa ya muziki kama Apple Music na Spotify, hatua inayothibitisha kuwa Mbosso bado ni nguvu kubwa kwenye tasnia ya muziki wa Afrika Mashariki.
Nyimbo zilizopo kwenye EP hiyo ni: Pawa, Nusu Saa, Tena, Merijaah, Siko Single, Aviola, na Asumani. Maudhui ya EP yanahusu mapenzi, maisha na hisia za kina, yakionyesha ubunifu wa Mbosso akiwa msanii huru.
Kwa mashabiki wa muziki wa Kiswahili, Room Number 3 ni ishara ya mwanzo mpya kwa Mbosso, na sasa inapatikana kwenye majukwaa yote ya kidijitali.
