Tag: amber ray

Mastaa wa mitandaoni, Amber Ray na Kennedy Rapudo, wameendelea kuvutia macho ya mashabiki baada ya kuonekana pamoja tena wikiendi hii, licha ya uvumi uliokuwa umesambaa kwamba wameachana. Kupitia video inayosambaa mitandaoni, Rapudo anaonekana akiogelea na binti yake kwenye bwawa la kuogelea huku Amber Ray akionekana kando akifurahia tukio hilo kwa bashasha. Tukio hilo limewafanya mashabiki wengi kuhoji kama kweli wawili hao walikuwa wameachana au tetesi hizo zilikuwa ni uvumi tu. Hapo awali, taarifa zilienea kwamba kila mmoja tayari alikuwa ameingia kwenye mahusiano mapya na hata kudaiwa kuwa Amber Ray aliuza baadhi ya vifaa vya nyumba walivyokuwa wamenunua wakiwa pamoja na Rapudo. Lakini picha hii mpya ya pamoja imeonekana kupinga madai hayo, au angalau kuonesha kuwa wawili hao bado wana ukaribu wa kifamilia. Mashabiki mitandaoni wameendelea kutoa maoni mseto; wengine wakifurahishwa na kuona familia hiyo ikijumuika tena, huku wengine wakisisitiza kuwa huenda wawili hao wanadumisha urafiki kwa ajili ya binti yao. Hadi sasa, hakuna yeyote kati yao aliyetoa kauli rasmi kuthibitisha hali halisi ya mahusiano yao.

Sosholaiti maarufu mtandaoni Amber Ray amerudi tena kwenye vichwa vya habari kufuatia tetesi kuwa uhusiano wake na baba wa mtoto wake, Kennedy Rapudo almaarufu Baba Atana, umefika kikomo. Mashabiki wamedai kumuona Amber akiuza baadhi ya vitu vya nyumbani vinavyohusishwa na Rapudo, jambo lililoibua maswali mengi. Hii inajiri siku chache tu baada ya Rapudo kusema kwamba wao wawili wameamua kuweka mambo yao ya kifamilia mbali na macho ya umma. Tetesi zaidi zimeibuka kuwa huenda Amber amerejea kwa mpenzi wake wa zamani, mfanyabiashara Jimal Roho Safi. Baadhi ya mashabiki wamedai kuwa ameanza kuashiria uwepo wa uhusiano mpya kati yake na Jimal kupitia mitandaoni. Uhusiano kati ya Amber Ray na Rapudo umekuwa wa kuvutia macho ya umma, mara kwa mara wakitajwa kwa misukosuko ya kuachana na kurudiana.Tukio hili jipya limegawanya maoni mtandaoni, wengine wakiamini kuwa Amber anaendelea na maisha yake, huku wengine wakitaja tetesi hizo kama kiki ya kimakusudi.

Mrembo maarufu mitandaoni nchini Kenya, Amber Ray, ameendelea kuthibitisha kwamba anajua kujitunza kwa jasho lake baada ya kujizawadia gari jipya la kifahari aina ya Range Rover. Kupitia ukurasa wake wa Insta Story, Amber alishiriki video na picha zikionyesha mchakato mzima wa gari hilo kusafirishwa kutoka bandarini hadi nyumbani kwake, ambapo ilipokelewa kwa shangwe na familia yake. Tukio hilo limejiri huku tetesi za kuvunjika kwa uhusiano wake na baba wa mtoto wake, Kennedy Rapudo, zikizidi kushika kasi. Hii ni baada ya Amber kuonekana mara kadhaa kwenye shughuli mbalimbali akiwa peke yake, hali iliyozua gumzo miongoni mwa mashabiki na wafuasi wake mitandaoni. Hata hivyo, Amber Ray hajazungumzia hadharani kuhusu uvumi huo, akionekana kuzingatia zaidi furaha na mafanikio yake binafsi. Gari hilo jipya limechukuliwa na wengi kama ishara ya kujipenda na kujiendeleza, licha ya changamoto za maisha ya mahusiano.

Socialite maarufu nchini Amber Ray amegeukia kufanya muziki ikiwa ni katika kutimiza ndoto zake za kuwa mwiimbaji. Amber Ray amesema ndoto za kuimba alikuwa nazo kabla ya kuanza kuwa mwanamitindo, hivyo anafurahia kuzikikamilisha kwa sasa. Amber Ray ambaye ametamba kwenye mitandao ya kijamii kwa miaka mingi ameshirikishwa kwenye wimbo uitwao “Monica” wa msanii Shifuu. Hata hivyo ngoma hiyo imeibua hisia mseto miongoni mwa walimwengu kwenye mitandao ya kijamii ambao wameonekana kumkatisha tamaa asigeukia muziki kwani hana kipaji cha kuimba huku wengine wakimpongeza kwa hatua ya kuonesha upande wake mwingine kando na ucheshi. Amber Ray anajiunga kwenye orodha ya mastaa ambao hapo awali walitambulika kama washawishi wakubwa kwenye mitandao ya kijamii na baadae wakageukia kufanya muziki.