Tag: CARDI B

Rapa Cardi B ataikata kiu yako ya muziki muda wowote kuanzia sasa baada ya ukimya wa miaka minne. Rapa huyo kutoka nchini Marekani ameonekana akiwa studio kwenye picha ambayo imesambaa kwenye mitandao leo. Mbali na picha hiyo, Cardi B ameifuata (follow) akaunti mpya iitwayo (Albumcb2) na kuashiria huenda ni ujio wa Album ya pili. Cardi B alitubariki na Album yake ya kwanza ‘Invasion of Privacy’ mwaka 2018 na hadi leo amekuwa akitutia kiu kikali kwa kuachia kazi kwa manati.

Rapa Cardi B ameingiwa na hofu, na hiyo ndio sababu kuu ambayo inamfanya achelewe kuachia Album mpya kwa kipindi cha miaka mitatu sasa. Cardi B anasema amekuwa muoga kuachia ngoma kutokana na watu kumkosoa sana. “Kipindi cha kuanzia mwaka 2015 hadi 2018 nilikuwa napenda Muziki, lakini kwa sasa, kufanya muziki kwangu mimi imekuwa Kazi ambayo inanifanya niwe na wasiwasi. Kwa sababu kila mmoja anakosoa kila kitu ninachofanya. Wakati mwingine hupaswi kufanya kitu ambacho kinakufanya uwe na wasiwasi.” alisema Cardi B. Tangu alipoachia Album yake ‘Invasion of Privacy’ mwaka 2018, Cardi B amekuwa akirekodi nyimbo lakini haridhishwi na anachokifanya.

Rapa Cardi B ameibuka na kumkingia kifua mume wake Offset baada ya kusambaa kwa post ambayo inaonesha Offset akisema kwamba tayari ana ngoma na Burna Boy. Hii ni kufuatia kushindwa kumpata Wizkid kutokana na kutoza pesa nyingi kwenye kolabo ikilinganishwa na Burna Boy. Sasa baada ya wengi kuliiwekea post hiyo mashaka Cardi B ameibuka na kupuzilia mbali madai hayo kwa kusema kwamba hayana ukweli wowote kwani haitajatoka kwa Offset. Kupitia ukurasa wake wa Twitter Cardi B ameandika “Fake As F*ck” na kisha kuifuta Tweet hiyo. Utakumbuka baada ya post  inayodaiwa kuwa ya Offset akimzungumzia Wizkid na Burna Boy kusambaa mtandaoni, taswira mbaya ilijengeka miongoni mwa walimwengu wengi wakihoji kuwa Burna Boy ni msanii wa kawaida kifedha ukimlinganisha na Wizkid.

Rapa kutoka Marekani Cardi B amefunguka wazi kuwa amechoka kuwa maarufu, hii ni baada ya kumalizika kwa onesho la Met Gala 2022 Jijini New York Jumatatu wiki hii. Cardi B ameutumia ukurasa wake wa Instagram kwenda live na kusema kwamba umaarufu si kitu kizuri kwa upande wake huku kuwataka watu wasitamani umaarufu bali watamani kuwa matajiri. “Ninauchukia umaarufu, nachukia kuwa maarufu. Nachukia sana. Acha niwaambie kitu kimoja, kama umewahi kutamani kuwa tajiri na maarufu, usitamani kuwa maarufu, tamani kuwa tajiri.” Amesikika akiwa Instagram live. Hii sio mara ya kwanza kwa Cardi B kuonesha hautaki umaarufu, aliwahi kuufuta ukurasa wake wa Twitter kwa kueleza tatizo hilo.

Rapa wa kike kutoka Marekani Cardi B amelipiga chini dili nono lenye thamani ya shilling billion 3.2 za Kenya kwa kujiondoa kwenye nafasi ya uhusika mkuu wa filamu ya ucheshi iitwayo ‘Assisted Living’ ambayo inatayarishwa chini ya kampuni ya Paramount Movies. Kwa mujibu wa tovuti ya Deadline, Cardi anatajwa kuchukua maamuzi hayo kutokana na kuzidiwa na ratiba zake. Cardi B amejiondoa kwenye nafasi hiyo ikiwa ni wiki mbili tu kuelekea siku ya kuanza uzalishaji (production) wa filamu hiyo. Kuondoka kwake kumeleta athari kubwa kwani kampuni ya Paramount Movies imebidi kuahirisha utengenezaji wa filamu hiyo. Hata hivyo wanasema hawajafungua mashtaka kwani wanaamini Cardi B anaweza kurejea tena siku za usoni.

Female Rapper kutoka Marekani Cardi B ametoa maoni yake kuhusu nchi ya Urusi na ameshauri viongozi wakubwa duniani watafute suluhisho kwa usalama wa raia. Hii inakuja baada uwepo wa machafuko ya kisiasa yanayoendelea kati ya Ukraine na Urusi. Kupitia ukurasa wake wa Twitter Cardi B anasema inabidi waanze kufikiria namna ambavyo raia wanaathirika kutokana na maamuzi yao. Lakini pia amesema kutokana na dunia kukumbwa na majanga kadhaa, viongozi hao wasiyape kipaumbele masuala ya kuwekeana vikwazo, vita, na kuvamiana.

Rapa Cardi B kutoka Marekani ameendelea kuwa mtu wa ahadi kwa mashabiki wa muziki wake juu ya ujio wa album yake mpya baada ya miaka mitatu sasa. Jana kupitia Instagram LIVE, Cardi B amesema watu watarajie album mpya wakati wowote kuanzia mwaka 2022. Sababu kuu ya kuchelewa kuachiwa kwa album hiyo ni muda, Cardi B amedai kwamba amekuwa na muda finyu ukizingatia kwa sasa ana watoto wawili. Invasion of Privacy ya mwaka 2018 ndio album pekee ambayo Cardi B amewabariki mashabiki zake tangu atie mguu kwenye muziki.