Cindy Sanyu Afunguka Kuhusu Mzozo wa Bebe Cool na Eddy Kenzo
Robert Elim December 8, 2025
Comments (0)

Cindy Sanyu Afunguka Kuhusu Mzozo wa Bebe Cool na Eddy Kenzo

Msanii nyota wa Uganda Cindy Sanyu amefunguka kuhusu mzozo unaoendelea kati ya wasanii, Bebe Cool na Eddy Kenzo, ambao wote wako kwenye msafara wa kampeni za Rais Yoweri Museveni. Cindy anasema mvutano huo hauna uhusiano wowote na masuala ya muziki. Kwa mujibu wake, chanzo cha migogoro kati ya wasanii hao wawili ni fedha na hamu ya kuwa karibu zaidi na Rais, kitu ambacho kimeibua ushindani mkali katika kampeni zinazoendelea. Hitmaker huyo wa Boom Party, anasisitiza kuwa mivutano hiyo ni ya muda tu na haitadumu. Anaamini kwamba pindi tu kampeni zitakapofika mwisho, Bebe Cool na Eddy Kenzo watasuluhisha tofauti zao, kwani madai yao hayahusiani na muziki bali mazingira ya kisiasa. Mvutano kati ya Eddy Kenzo na Bebe Cool umekuwa ukiongezeka tangu kampeni zianze mwezi Septemba, huku kila mmoja akipambana kuonekana au kupata nafasi za juu katika majukwaa la kisiasa.

Read More
Cindy Sanyu Ajitenga na Siasa za Urais Uganda
Robert Elim December 5, 2025
Comments (0)

Cindy Sanyu Ajitenga na Siasa za Urais Uganda

Msanii nyota wa Uganda, Cindy, ameweka wazi kuwa hatajihusisha na kampeni za urais zinazondelea nchini humo kwa ajili ya kuilinda brand yake ya muziki na umoja wa mashabiki. Akizungumza kwenye kituo kimoja cha runinga nchini humo, rais huyo wa Chama cha Wasanii nchini Uganda (UMA) amesema ameijenga taaluma yake kwa takriban miaka 20, na kwa mantiki hiyo hawezi kufanya uamuzi utakaowagawanya mashabiki wake. Kwa mujibu wa Cindy, siasa ina asili ya kuleta mgawanyiko, na msanii anapoweka wazi kumuunga mkono mgombea fulani, huwa anapoteza sehemu kubwa ya mashabiki ambao hawapo kwenye upande huo. Cindy sasa anaungana na wasanii kama Sheebah, Winnie Nwagi, na Azawi ambao wameamua kusimamisha ushiriki wao katika siasa ili kulinda ushawishi wao na hadhi ya kazi zao. Hata hivyo, baadhi ya majina makubwa katika burudani kama Bebe Cool, Eddy Kenzo, na Jose Chameleone bado wanaonekana kuunga mkono mrengo wa Rais Yoweri Museveni, huku King Saha, Pallaso, na Fik Fameica wakisimama imara katika kambi ya Bobi Wine.

Read More
Cindy Sanyu Avunja Ukimya Kuhusu Pete ya Ndoa
Robert Elim September 25, 2025
Comments (0)

Cindy Sanyu Avunja Ukimya Kuhusu Pete ya Ndoa

Mwanamuziki nyota kutoka Uganda, Cindy Sanyu, hatimaye amejibu tetesi zinazomzunguka kuhusu ndoa yake baada ya kuonekana mara kwa mara bila pete ya ndoa. Cindy, ambaye alifunga ndoa na muigizaji na mwongozaji wa filamu Prynce Joel Okuyo mwezi Desemba 2021, amesisitiza kuwa ndoa yake inaendelea vizuri na haina matatizo kama inavyodaiwa. Kwa mujibu wa Cindy, kutoonekana na pete ya ndoa imetokana na tukio ambapo shabiki mmoja aliichukua pete yake wakati wa mawasiliano ya karibu na mashabiki. Ameeleza kuwa kutovaa pete hiyo kumekuwa chanzo cha dhana potofu kuhusu ndoa yake, lakini ukweli ni kwamba uhusiano wake na mumewe unaendelea vizuri na kustawi. Aidha, amesema aliamua kutoanika hadharani tukio hilo ili kulinda ukaribu wake na mashabiki, akihofia kuwa kulizungumzia kungesababisha mpasuko au umbali na wafuasi wake. Kwa ufafanuzi huu, Cindy amewatoa wasiwasi wafuasi wake akisisitiza kwamba ndoa yake na Prynce Joel Okuyo inaendelea kwa mafanikio licha ya tetesi zilizokuwa zikienea.

Read More
Cindy Sanyu Kutetea Wanamuziki wa Upinzani kwa Rais Museveni
Robert Elim September 23, 2025
Comments (0)

Cindy Sanyu Kutetea Wanamuziki wa Upinzani kwa Rais Museveni

Rais wa Chama cha Wanamuziki Uganda (UMA), Cindy Sanyu, ametangaza mpango wa kuwasilisha rasmi malalamiko kwa Rais Yoweri Museveni kuhusu changamoto zinazowakumba wanamuziki wanaoamua pia kujihusisha na siasa za upinzani. Cindy amesema kuwa serikali mara nyingi imekuwa ikidhoofisha taaluma ya wasanii wanaoingia katika ulingo wa kisiasa, jambo analoliona kama kikwazo kwa maendeleo ya tasnia ya muziki nchini humo. Kwa mujibu wa mwanamuziki huyo, suala hilo atalibua katika kikao kijacho ambacho viongozi wa UMA wanatarajia kufanya na Rais Museveni. Amesisitiza kuwa hoja yake kuu itakuwa ni kutaka kuwepo na utofauti kati ya taaluma ya muziki na ile ya kisiasa, ili wanamuziki waweze kufanikisha malengo yao bila kudhalilishwa kwa misimamo yao ya kisiasa. Cindy, ambaye ni mmoja wa wanamuziki wakongwe na mashuhuri nchini Uganda, amesema nia yake ni kuhakikisha kuwa muziki hauchukuliwi kama kikwazo kwa yeyote anayeamua kujaribu siasa, bali kila taaluma ipewe heshima yake bila kuathiri nyingine.

Read More
Cindy Sanyu Asema Hakujua Kuhusu Tamasha la Dax Vibes, Amshauri Aahirishe Kama Ana Hofu
Robert Elim May 23, 2025
Comments (0)

Cindy Sanyu Asema Hakujua Kuhusu Tamasha la Dax Vibes, Amshauri Aahirishe Kama Ana Hofu

Msanii maarufu wa Uganda, Cindy Sanyu, ametoa ufafanuzi kuhusu mgongano wa tarehe za matamasha kati yake na Dax Vibes, akieleza kuwa hakujua kuhusu tamasha lake hadi baada ya kutangaza tarehe ya onyesho lake mwenyewe. Kupitia ukurasa wake wa mtandao wa kijamii, Cindy amesema hakuwa na nia ya makusudi kupanga tamasha lake siku hiyo, lakini anashauri Dax kuahirisha endapo anaona kushiriki tarehe hiyo ni changamoto.  “Sikujua kuhusu tamasha lake hadi nilipotangaza tarehe yangu. Kama anaogopa kushiriki tarehe hiyo na mimi, anaweza kuahirisha. Si jambo la ushindani,” alisema Cindy. Akiweka wazi uzito wa tukio hilo, Cindy alifichua kuwa tarehe 28 Agosti ina maana kubwa sana kwake kwani si tu siku ya kuzaliwa kwake kwa mara ya 40, bali pia inaadhimisha miaka 26 ya safari yake ya muziki. “Siku hiyo ni ya kihistoria kwangu – ni birthday yangu ya miaka 40 na miaka 26 kwenye muziki. Ni tamasha lenye maana ya kibinafsi sana,” aliongeza. Tofauti hiyo ya tarehe imesababisha gumzo mitandaoni, huku mashabiki wakitoa maoni tofauti. Wengi wamesimama na Cindy kwa msingi wa muda aliokaa kwenye tasnia ya muziki na alama ya mafanikio anayosherehekea. Wengine pia wanatoa wito kwa wasanii hao wawili kuonyesha mshikamano na kusaidiana badala ya kushindana. Kwa sasa, mashabiki wanaendelea kusubiri kuona iwapo Dax Vibes atazingatia ushauri huo au ataendelea na mpango wake wa tamasha katika tarehe ileile.

Read More
Cindy Sanyu atangaza kurudi kwenye muziki baada ukimya wa miaka miwili
Robert Elim January 27, 2023
Comments (0)

Cindy Sanyu atangaza kurudi kwenye muziki baada ukimya wa miaka miwili

Msanii mkongwe nchini Uganda Cindy Sanyu ametangaza kukamilika kwa likizo ya miaka miwili aliyochukua kwenye muziki wake. Kupitia ukurasa wake wa Instagram amethibitisha taarifa hiyo kwa kusema kwamba ana mpango wa kuingia studio mwezi ujao kwa ajili ya kurekodi wimbo wake mpya. Hata hivyo amewataka mashabiki zake kupendekeza mada atakayoimba kwenye ngoma yake ijayo ambayo kwa njia moja au nyingine italeta tija kwenye maisha yao. “Naingia studio kurekodi wimbo mpya mwezi ujao. Una mada yoyote unayodhani ninapaswa kuzingatia ambayo itabadilisha maisha yako kama shabiki? #walkwithme,” aliandika kwenye ukurasa wake wa Instagram. Utakumbuka 2021 Cindy alitangaza kuchukua mapumziko mafupi kwenye muziki wake kwa ajili ya kupata muda mzuri wa kukaa na familia yake. Msanii huyo aliahidi mashabiki zake kuwa atarejea kwenye shughuli za kimuziki muda sahihi utakapowadia  na tangu kipindi hicho hajaachia wimbo wowote.

Read More
Cindy Sanyu aikataa bei ya mapromota kwa wasanii wa Uganda
Robert Elim January 6, 2023
Comments (0)

Cindy Sanyu aikataa bei ya mapromota kwa wasanii wa Uganda

Mwanamuziki kutoka nchini Uganda Cindy Sanyu amepuzilia mbali bei ya kufanya biashara na wasanii iliyotolewa na chama cha mapromota nchini humo akiitaja kuwa batili. Kwenye mahojiano yake hivi karibuni Cindy amewataka wasaniii kutoitikia wito wa mapromota hao wabinafsi huku akiitaka chama cha mapromota nchini Uganda kufanya kazi na wasanii watakaomudu gharama zao. “Kama huwezi kumudu msanii, usimpe kazi. Huwezi kumlazimisha msanii kujishusha kuendana na viwango vyako,” Cindy alisema. Mapema wiki hii Chama Cha Mapromota nchini Uganda (National Promoters Association) walitangaza pesa watakazowalipa wasanii wao kwenye shows mwaka 2023. Chama hicho kilieleza kuwa wamefanya utafiti na wameona umuhimu wa kuweka bei za wasanii wao ili kuendelea kufanya biashara na asiyefurahia malipo ya pesa walizowawekea wamewaruhusu kuandaa shows zao wenyewe.

Read More
Mume wa Cindy Sanyu akanusha tuhuma za kushindwa kufadhili harusi yao
Robert Elim December 17, 2022
Comments (0)

Mume wa Cindy Sanyu akanusha tuhuma za kushindwa kufadhili harusi yao

Mwanamuziki Cindy Sanyu na mumewe, Prynce Okuyo juzi kati walitimiza mwaka mmoja wakiwa mke na mume baada ya kufanga ndoa mwishoni mwa mwaka 2021. Kufuatia uvumi kuwa Cindy ndiye alifadhili shughuli nzima ya harusi yao, mume wake Prynce Okuyo amejitokeza kwa mara ya kwanza na kukata mizizi ya fitina juu ya madai hayo. Okuyo ameeleza kuwa aliwekeza pesa zake nyingi kwenye harusi yao lakini pia alipokea michango kutoka kwa marafiki wao. “Je, uliona risiti yoyote kutoka kwake akikwambia alifadhili harusi pekee yake. Niliwekeza mamilioni ya pesa kuona hafla hiyo inafanikiwa. Hata marafiki zetu walitoa mchango mkubwa,” alisema katika mahojiano na televisheni moja nchini Uganda. Mpiga picha huyo pia alikanusha tuhuma za kulelewa na Cindy katika ndoa yao kwa kusema kuwa anatekeleza majukumu ya familia kama mume.

Read More
Cindy ataka kukutana na Rais Yoweri Museveni
Robert Elim December 5, 2022
Comments (0)

Cindy ataka kukutana na Rais Yoweri Museveni

Mwanamuziki kutoka nchini Uganda Cindy Sanyu amedokeza mpango wa kukutana na Rais Yoweri Kaguta Museveni kwa ajili ya kuzungumzia sheria ya hakimiliki. Mwanamuziki huyo ameeleza kuwa amefanya mikutano na wabunge kuhusu utekelezwaji wa sheria ya hakimiliki lakini jitihada zake hazijazaa matunda yeyote. “Muswada huu ulisainiwa kuwa sheria lakini haujaleta mabadiliko kwenyemuziki. Tunaamini Mheshimiwa Rais atatusaidia kwa sababu tumetembea ofisi mbali mbali lakini ni machache yamefanyika. Tunataka kukutana na Rais mwenyewe,” alisema katika mahojiano na runinga moja nchini uganda. Cindy ni Rais wa Chama cha Wanamuziki Uganda (UMA), bodi inayowaleta pamoja wanamuziki tofauti nchini Uganda.

Read More
UMA kuhakikisha wasanii nchini Uganda wanazikwa kwa heshima pindi wanapofariki
Robert Elim November 10, 2022
Comments (0)

UMA kuhakikisha wasanii nchini Uganda wanazikwa kwa heshima pindi wanapofariki

Mwanamuziki Cindy Sanyu amedai kuwa chama cha wasanii nchini Uganda UMA itashirikiana na makampuni ya kutoa huduma ya mazishi nchini humo kuhakikisha wasanii wanazikwa kwa heshima pindi wanapofariki. Akizungumza kwenye hafla ya kuwaombea wasanii waliotangulia mbele za haki juzi kati, Cindy amesema wasanii wengi ambao walifariki miaka ya hapo nyuma hawakupokea upendo wa dhati kwenye mazishi yao licha ya kuacha alama kwenye tasnia ya muziki nchini Uganda. Lakini pia amewashauri wasanii kujenga tabia ya kuweka akiba kama njia moja ya kuondokana na madeni wakati wa majanga. Miongoni mwa wasanii waliombewa kwenye hafla hiyo ambayo ilihudhuriwa na mastaa mbali mbali ni pamoja na Mowzey Radio, Sera, Martin Angume, Ak-47 na wengine kibao.

Read More
CINDY SANYU AMKINGIA KIFUA EDDY YAWE KWA TUHUMA ZA KINGONO
Robert Elim September 20, 2022
Comments (0)

CINDY SANYU AMKINGIA KIFUA EDDY YAWE KWA TUHUMA ZA KINGONO

Rais wa chama cha wasanii nchini Uganda Cindy Sanyu amedai kuwa hana uwezo wa kumsaidia msanii chipukizi Sumaiya Sheebah ambaye alidai kuwa alinyanyaswa kijinsia na Eddy Yawe. Cindy amesema mrembo huyo ana ushahidi wowote wa kuonyesha alidhulumiwa kingono na Eddy Yawe kwa kuwa hana mkataba wa kufanya kazi na msanii, hivyo itakuwa vigumu kumsaidia kisheria. Hitmaker huyo wa “Local Man” ametoa changamoto kwa wasanii kuhakikisha wanakuwa na mikataba ya kufanya kazi na wasanii wenzao kama njia ya kuwasaidia kisheria wakati wa matatizo. Utakumbuka juzi kati msanii chipukizi Sumaiya Sheebah aliibua madai kuwa Eddy Yawe amekuwa akimuitisha rushwa ya ngono ili waweze kufanya kazi ya pamoja, shutuma ambazo bosi huyo wa Dream Studios alikanusha vikali kwa kusema kwamba madai ya mrembo huyo hayana ukweli wowote kwani ni njia ya kuichafua brand yake ya muziki.

Read More
CINDY SANYU AFUNGUKA KUHUSU KUSUSIA SHOW DUBAI
Robert Elim June 3, 2022
Comments (0)

CINDY SANYU AFUNGUKA KUHUSU KUSUSIA SHOW DUBAI

Msanii nyota nchini Uganda Cindy Sanyu amefunguka sababu za kususia show yake nchini Dubai wikiendi iliyopita. Katika mahojiano yake Cindy amesema promota wa show hiyo aliingiwa na jeuri baada ya kushindwa kukamilisha malipo yake kabla ya kuingia jukwani kutumbuiza, jambo ambalo anadai lilimfanya kukataa kufanya performance yake. Hitmaker huyo wa ngoma ya “Boom Party” ametoa changamoto kwa mapromota kuhakikisha wana pesa za kutosha kabla ya kuwapa wasanii mialiko ya kutumbuiza kwa show zao kwa sio kitendo cha kingwana kwa msanii kutumbuiza bila ys kulipwa haki yake. Hata hivyo amewaomba radhi mashabiki zake wa Dubai msamaha kwa kutotokea kwenye show yake kutokana mgogoro uliobuka kati yake na promota wa onesho hilo.

Read More