Tag: cindy sanyu

Msanii mkongwe nchini Uganda Cindy Sanyu ametangaza kukamilika kwa likizo ya miaka miwili aliyochukua kwenye muziki wake. Kupitia ukurasa wake wa Instagram amethibitisha taarifa hiyo kwa kusema kwamba ana mpango wa kuingia studio mwezi ujao kwa ajili ya kurekodi wimbo wake mpya. Hata hivyo amewataka mashabiki zake kupendekeza mada atakayoimba kwenye ngoma yake ijayo ambayo kwa njia moja au nyingine italeta tija kwenye maisha yao. “Naingia studio kurekodi wimbo mpya mwezi ujao. Una mada yoyote unayodhani ninapaswa kuzingatia ambayo itabadilisha maisha yako kama shabiki? #walkwithme,” aliandika kwenye ukurasa wake wa Instagram. Utakumbuka 2021 Cindy alitangaza kuchukua mapumziko mafupi kwenye muziki wake kwa ajili ya kupata muda mzuri wa kukaa na familia yake. Msanii huyo aliahidi mashabiki zake kuwa atarejea kwenye shughuli za kimuziki muda sahihi utakapowadia  na tangu kipindi hicho hajaachia wimbo wowote.

Mwanamuziki kutoka nchini Uganda Cindy Sanyu amepuzilia mbali bei ya kufanya biashara na wasanii iliyotolewa na chama cha mapromota nchini humo akiitaja kuwa batili. Kwenye mahojiano yake hivi karibuni Cindy amewataka wasaniii kutoitikia wito wa mapromota hao wabinafsi huku akiitaka chama cha mapromota nchini Uganda kufanya kazi na wasanii watakaomudu gharama zao. “Kama huwezi kumudu msanii, usimpe kazi. Huwezi kumlazimisha msanii kujishusha kuendana na viwango vyako,” Cindy alisema. Mapema wiki hii Chama Cha Mapromota nchini Uganda (National Promoters Association) walitangaza pesa watakazowalipa wasanii wao kwenye shows mwaka 2023. Chama hicho kilieleza kuwa wamefanya utafiti na wameona umuhimu wa kuweka bei za wasanii wao ili kuendelea kufanya biashara na asiyefurahia malipo ya pesa walizowawekea wamewaruhusu kuandaa shows zao wenyewe.

Mwanamuziki kutoka nchini Uganda Cindy Sanyu amedokeza mpango wa kukutana na Rais Yoweri Kaguta Museveni kwa ajili ya kuzungumzia sheria ya hakimiliki. Mwanamuziki huyo ameeleza kuwa amefanya mikutano na wabunge kuhusu utekelezwaji wa sheria ya hakimiliki lakini jitihada zake hazijazaa matunda yeyote. “Muswada huu ulisainiwa kuwa sheria lakini haujaleta mabadiliko kwenyemuziki. Tunaamini Mheshimiwa Rais atatusaidia kwa sababu tumetembea ofisi mbali mbali lakini ni machache yamefanyika. Tunataka kukutana na Rais mwenyewe,” alisema katika mahojiano na runinga moja nchini uganda. Cindy ni Rais wa Chama cha Wanamuziki Uganda (UMA), bodi inayowaleta pamoja wanamuziki tofauti nchini Uganda.

Mwanamuziki Cindy Sanyu amedai kuwa chama cha wasanii nchini Uganda UMA itashirikiana na makampuni ya kutoa huduma ya mazishi nchini humo kuhakikisha wasanii wanazikwa kwa heshima pindi wanapofariki. Akizungumza kwenye hafla ya kuwaombea wasanii waliotangulia mbele za haki juzi kati, Cindy amesema wasanii wengi ambao walifariki miaka ya hapo nyuma hawakupokea upendo wa dhati kwenye mazishi yao licha ya kuacha alama kwenye tasnia ya muziki nchini Uganda. Lakini pia amewashauri wasanii kujenga tabia ya kuweka akiba kama njia moja ya kuondokana na madeni wakati wa majanga. Miongoni mwa wasanii waliombewa kwenye hafla hiyo ambayo ilihudhuriwa na mastaa mbali mbali ni pamoja na Mowzey Radio, Sera, Martin Angume, Ak-47 na wengine kibao.

Msanii nyota nchini Uganda Cindy Sanyu amefunguka sababu za kususia show yake nchini Dubai wikiendi iliyopita. Katika mahojiano yake Cindy amesema promota wa show hiyo aliingiwa na jeuri baada ya kushindwa kukamilisha malipo yake kabla ya kuingia jukwani kutumbuiza, jambo ambalo anadai lilimfanya kukataa kufanya performance yake. Hitmaker huyo wa ngoma ya “Boom Party” ametoa changamoto kwa mapromota kuhakikisha wana pesa za kutosha kabla ya kuwapa wasanii mialiko ya kutumbuiza kwa show zao kwa sio kitendo cha kingwana kwa msanii kutumbuiza bila ys kulipwa haki yake. Hata hivyo amewaomba radhi mashabiki zake wa Dubai msamaha kwa kutotokea kwenye show yake kutokana mgogoro uliobuka kati yake na promota wa onesho hilo.

Mwanamuziki kutoka Uganda  Cindy Sanyu amewajibu baadhi ya watu wanaodai kuwa anawania urais wa chama cha wanamuziki nchini humo kwa ajili ya kupata pesa. Katika kikao na wanahabari Cindy amesema ana utajiri mkubwa ambao aliupata kipindi anafanya kazi na makampuni mbali mbali. Hitmaker huyo wa ngoma ya “Local Man” amesema lengo lake kuwania urais wa chama cha uma ni kuboresha tasnia ya muziki kwa faida ya vizazi vijavyo. Hata hivyo amesema hajawahi pokea mshahara wowote tangu akuwe rais wa chama cha wanamuziki nchini Uganda.

Nyota wa muziki kutoka nchini Uganda Cindy Sanyu amefunguka chanzo cha migawanyiko miongoni mwa wasanii nchini humo. Katika mahojiano yake hivi karibuni, Cindy amesema siasa imesabaratisha juhudi za kuunganisha wasanii nchini Uganda kwa kuwa baadhi ya wasanii wanafanya maamuzi yao kulingana na itakadi za kisiasa ya vyama wanavyoshabikia. Hata hivyo amesema licha ya yeye kuweka mikakati ya kuwaleta wasanii pamoja kupitia muungano wa UMA, imekuwa vigumu kwake kufanikisha jambo hilo kutokana na siasa, jambo ambalo amedai ni changamoto ambayo alikumbana kipindi anahudumu kama rais wa muungano huo. Cindy Sanyu atachuana na King Saha, Maurice Kirya kwenye kinyanganyiro cha kugombea urais wa muungano wa wasanii nchini uganda kwenye uchaguzi utakaofanyika hivi karibuni.

Staa wa muziki nchini Uganda Cindy Sanyu ameweka wazi matamanio ya kumaliza tofauti zake na wasanii wanaohisi kuwa ana ubaya nao mara baada ya Bebe Cool kudai kwamba msanii huyo ni dikteta. Katika mahojiano yake ya hivi karibuni Cindy Sanyu amesema yeye sio dikteta kama jinsi ambavyo baadhi ya wasanii wanamchukulia ila mwaka jana alihamua kuwakandia wasanii waliokuwa wanamshambulia sana kutokana na utendekazi wake katika muungano wa wanamuziki nchini Uganda. Hitmaker huyo wa ngoma ya “Local Man” amedai kuwa kabla hajateuliwa kuwa rais wa muungano huo kwa mara pili ana mpango wa kuomba msamaha wasanii wote aliwakosoa kipindi cha nyuma. Cindy ambaye anachuana na King Saha, Maurice Kirya pamoja na Daddy Andre kwenye wadhfa wa urais katika muungano wa wanamuziki ametoa wito kwa wanachama wa muungano huo kumpa kura zao kwenye uchaguzi ujao ili aweze kufanikisha mikakati aliyoanzisha kipindi anahudumu kama rais.