Tag: daddy owen

Mwimbaji wa nyimbo za Injili nchini Daddy Owen amekanusha madai ya kutoka kimapenzi na rafiki wake wa karibu Eve Maina. Kupitia instastory yake amesema hana uhusiano wowote wa kimapenzi na mrembo huyo huku akisema ukaribu wao ni wa kirafiki. Msanii huyo ambaye kipindi cha nyuma alitangaza kuwa anatafuta mke,amesema hatokuja kuweka wazi mahusiano yake kwa umma mtandaoni. “Hapo sijui, but ata kama nitaoa tena I would wish for something very very private,”Aliandika Kauli ya Daddy Owen inakuja mara baada ya shabiki kumuuliza kama anachumbiana na mrembo huyo.

Mwimbaji wa nyimbo za Injili , Daddy Owen amefichua kuwa hajashiriki tendo la ndoa kwa miaka miwili. Katika mahojiano yake hivi karibuni, Owen amesema kuwa hajakuwa na hamu ya kufanya mapenzi tangu alipoachana na mke wake. “Sihitaji mwanamke, sijafanya mapenzi kwa miaka miwili, mwanamke ni wa kazi gani?” Owen alisema. Kauli yake imekuja mara baada ya kukiri kuwa hataki mwanamke kwenye maisha yake tena ikizingatiwa kuwa wiki kadhaa ilyopita alitangaza kuwa anatafuta mke. “Sitaki hata kupikiwa, nitakula hotelini, hata wageni wakija nyumbani kwangu tutanunua chakula, sitaki kuoa tena,” mwimbaji huyo alisema. Alisema kuwa ameridhika na maisha yake ya sasa na hatafuti mke wa kuoa kwani ana mambo mengi ya msingi ya kufanya. “Kwa sasa nafanya mambo mengi, sitafuti tena mke. Nitafute mke wa nini? Kama ni mtoto ninaye tayari, si bora kuwa na mtoto,” Owen alisema. Utakumbuka Daddy Owen na mkewe Farida Wambui walitengana mwaka 2020 baada ya kuwa kwenye ndoa kwa kipindi cha miaka minne.

Mwimbaji wa nyimbo za Injili Daddy Owen ameahirisha hafla yake ya kila mwaka ya Malaika Disability walk ambayo ilipangwa kufanyika tarehe 3 Desemba mwaka huu. Kupitia kurasa zake za mitandao ya kijamii, Owen alisema matembezi hayo hayatafanyika kutokana na kifo cha kusikitisha cha binamu yake Stephen Sunrise Osedo ambaye atazikwa siku hiyo, hivyo wamelazimika kusogeza mbele hadi Machi 4 mwaka 2023. “Kutokana na mazingira yasiyoepukika, tulilazimika kuahirisha MATEMBEZI YA WALEMAVU YA MALAIKA 2022 ambayo yalipangwa kufanyika tarehe 3 Desemba ambayo ni SIKU YA WALEMAVU DUNIANI! Mazishi yatakuwa tarehe hiyo hiyo (tarehe 3 Desemba)” “”Wakati huo huo shule nyingi za Msingi zimeomba ushiriki wa MATEMBEZI, hivyo tumebadilisha tarehe kuwa MACHI 4, 2023. Tunaomba msaada wenu kikamilifu na tunaomba radhi kwa wadau wote waliokuwa wamejitokeza kutuunga mkono.#MalaikaDisabilityWalk2023.”, Aliandika. Binamu yake Owen aliuawa kwa kupigwa risasi na afisa wa polisi huko Umoja, kaunti ya Nairobi wiki mbili zilizopita. Daddy Owen alianzisha hafla ya Malaika mwaka 2012 kwa lengo la kutambua mchango wa watu wenye changamoto ya ulemavu katika jamii.

Mwimbaji wa nyimbo za injili nchini daddy owen amekanusha madai yanayotembea mtandaoni kuwa anatafuta mwanamke wa kuingia naye kwenye ndoa ikiwa ni siku chache zimepita toka alipoweka wazi vigezo anavyohitaji kutoka kwa mwanamke wà ndoto yake. Kwenye mahojiano yake hivi karibuni Daddy Owen amesema kauli yake ilinukuliwa vibaya na walimwengu huku akisema kama kweli angekuwa anatafuta mke angefanya hivyo bila kuwafahamishw watu ikingatiwa kuwa yeye bado ni mwanaume rijali ambaye ana uwezo mkubwa wa kutongoza mwanamke. Hitmaker huyo wa Vanity amewataka walimwengu kuacha kueneza propaganda mtandaoni kuwa anatafuta mke wa kuoa na badala yake wamuunge mkono kwenye muziki wake kwani ikitokea kuwa ameingia kwenye mahusiano ataweka wazi kwa mashabiki zake. Kauli ya Daddy Owen imekuja mara baada ya kuzua gumzo mtandaoni kuwa anatafuta mwanamke ambaye anatoka mashinani, na mcha mungu ili aweze kuingia naye kwenye ndoa ambapo alienda mbali zaidi na kuwataka wadada ambao wanatamani kutokana nae kimapenzi kutuma maombi kupitia mitandao yake ya kijamii.

Mwimbaji wa nyimbo za injili nchini Daddy Owen amewashauri mastaa kurudisha mkono kwa jamii kwa kutoa misaada kwa watu wenye uhitaji. Kupitia instagram Daddy Owen amesema hatua hiyo itawapa motisha wakenya kuwasaidia wakati matatizo badala ya kuisha maisha ya kuigiza kwenye mitandao ya kijamii. Hitmaker huyo wa Yahweh amesema kipindi alijipata kwenye matatizo hakuna staa hata mmoja alijitokeza kumsaidia ila anamshukuru mungu mashabiki zake ndio walikuwa mstari wa mbele kumshika mkono hadi akarudi katika hali yake ya kawaida. Daddy Owen ametoa kauli hiyo akijibu swali la mchekeshaji Creative Terrence ambaye alitaka kufahamu ni kitu gani inawafanya wakenya kutowasaidii mastaa mbali mbali nchini wakati wana changamoto katika maisha. Swali la Terrence liliibua hisia mseto miongoni mwa wakenya mtandaoni ambao wamehoji kuwa wasanii wanaishi maisha ya kifahari kwenye mitandao ya kijamii jambo limewafanya wengi wake kutoamini kama kweli huwa wanapata maishani.

Msanii wa nyimbo za injili Daddy Owen ameibuka na kukanusha taarifa za utajiri wake zilizoainishwa na jarida moja kuwa ana utajiri wa shilllingi millioni 938 za Kenya. Kupitia ukurasa wake wa Instagram amesema kuna watu walimfanyia mahojiano kwa njia ya  simu na walipomuuliza swali la utajiri alisusia lakini cha kushangaza alitumiwa taarifa kuwa ana utajiri dollar million 8 jambo ambalo amedai kuwa data hizo ni batili. “Someone called me for a phone interview, in the middle of the interview they asked me, how much are u worth? I said “pass” .. After a few minutes they sent me ths.. “, Ameandika Instagram. Msanii huyo amesema jarida hilo lilipaswa kufanya uchunguzi kwanza kabla ya kumuweka kwenye orodha ya mastaa ambao wana mkwanja mrefu. “Ngoja kwanza, before utoe calculator uanze kupiga hesabu ya $8M ni how much in Kshs. Mimi niko na swali tu moja, hawa watu walijuaje?? Nani aliwaambia?? Sasa nafaa “Amen” or “uongo”🤔🤔🤔🤔🤔🤔🤔😳😳😳😳😳😳😳 n btw.. I have just landed from Harare.. #ifyouknowyouknow😉”, Amekazia. Hii sio mara ya kwanza kwa mastaa kuwekewa utajiri usio wao, mapema mwaka jana Jarida la Forbes lilimweka Diamond Platnumz kwenye orodha ya wanamuziki tajiri Barani Afrika jambo ambalo lilimfanya msanii huyo kuijua juu jarida hilo kwa kuchapisha taarifa za uongo.

Mwanamuziki wa nyimbo za injili nchini Daddy Owen ametoa wito kwa wahisani kuwasaidia watoto wenye matatizo ya ugonjwa wa  mguu kifundo kwa maana ya Club Foot. Kupitia Instagram Page Daddy Owen amesema watoto wengi ambao wameathiriwa na ugonjwa wa Club Foot katika jamii wameshindwa kuafikia ndoto zao kutokana na unyanyapa. Hitmaker huyo ngoma ya “Vanity” ametoa changomoto kwa mashirika ya kijamii na wahisani wengine kujitokeza na kuwanusuru  watoto wanaosumbuka na maradhi hayo kwa kuwapa matibabu. Daddy Owen ametoa kauli hiyo alipomtembelea mwanafunzi mmoja wa kike huko visiwa vya Rusinga ambaye alikuwa anasumbuliwa na ugonjwa Club Foot lakini habari njema ni kuwa amefanyiwa upasuaji na anatembea vizuri.