Tag: DIDDY

Msanii wa Hip Hop Marekani, Sean Combs maarufu kama Diddy anatarajiwa kupokea Tuzo ya Heshima na Mafanikio ya Maisha kutoka BET zinazotarajiwa kutolewa Juni 26, 2022 katika ukumbi wa Microsoft Theater Jijini Los Angeles, Marekani. Tuzo hizi zinaandaliwa na Black Entertainment Television (BET) toka Juni 19, 2001 zinalenga kusheherekea mafanikio ya kazi za Wamarekani Weusi katika sanaa ya muziki, uigizaji na michezo. “Ni heshima kuwa sana kwa tasnia ambapo sio tu ametengeneza utamaduni kupitia kazi zake, lakini pia amekuwa kiongozi katika mabadiliko ambayo mara kwa mara yanahusisha vizazi kwa vizazi na kuchangia kuongeza ubora kwennye tasnia yetu hivyo anastahiki hili,” wamesema BET Ikumbukwe wasanii wa kwanza kukabidhiwa tuzo ya BET ni kundi la Outkast liloundwa mwaka 1992 na wasanii wawili (Andre ‘3000’ Benjamin na Antwan ‘Big Boi’ Patton) ambapo mwaka 2001 walishinda katika kipengele cha Best Group.

Rapa kutoka Marekani P.Diddy ameamua kumpa Jay-Z maua yake akiwa angali hai. Bosi huyo wa lebo ya muziki ya “Love Records” amempongeza kwa kusema kwamba amefanikwa kuvaa viatu vya manguli wawili wa Hip Hop duniani, marehemu Tupac Shakur na Notorious B.I.G. Diddy amesema hayo kupitia Twitter Spaces iliyowakutanisha pamoja na Fat Joe kwenye Kumbukumbu ya miaka 50 ya Kuzaliwa kwa marehemu Notorious B.I.G. Utakumbuka Mei 21 mashabiki wa muziki wa HipHop duniani walisherekea kwa masikitiko kumbukizi ya siku ya kuzaliwa kwa Marehemu Notorious B.I.G. ambaye alizaliwa Mei 21 mwaka 1972. Notorious B.I.G. aliuawa Machi 9 mwaka 1997 akiwa kwenye gari lake na watu wengine wakati wakitoka kwenye sherehe ya tuzo za Soul Train huko Los Angles nchini Marekani.  

Rapa kutoka Marekani P. Diddy amezindua na kuitambulisha Lebo yake mpya ya muziki iitwayo “Love Records” ambayo maalum itasimamia na kufanya kazi na wasanii wa muziki wa R&B pekee. Lebo hiyo itafanya kazi chini ya ushirikiano na kampuni ya Motown Records. Akizungumza baada ya uzinduzi huo, Diddy amesema ana furaha kuitambulisha lebo hiyo ambayo itafanya kazi na wasanii wapya wa muziki wa R&B pamoja na watayarishaji wenye uwezo mkubwa. Kwa upande wake ameichukulia kama ukurasa mpya wa maisha yake ya muziki kwani pia ameahidi kurudi kwenye muziki na ataachia Album chini ya lebo yake hiyo. Mwaka wa 1993 Diddy alianzisha lebo yake iitwayo “Bad Boy Records” na ilipata mafanikio makubwa ikifanya kazi na wakali wa dunia kama marehemu Notorious B.I.G, Faith Evans, 112, Mase, Cassie na wengine kibao.