Femi One Achoshwa na Wimbi la Wakosoaji Mtandaoni
Robert Elim January 15, 2026
Comments (0)

Femi One Achoshwa na Wimbi la Wakosoaji Mtandaoni

Msanii wa Hiphop kutoka Kenya, Femi One, ameonyesha kuchoshwa kwake na kile alichokitaja kuwa wimbi la watu mitandaoni wanaojifanya wataalamu wa muziki huku wakitumia muda wao mwingi kuwakosoa wasanii. Kupitia mitandao yake ya kijamii, Femi One amesema kuna kundi la watu wanaoamini kuwa wanaifahamu sekta ya muziki kuliko wasanii wenyewe, jambo analodai linakosa msingi. Kwa mujibu wake, watu hao hutoa ushauri mwingi na hukosoa kila hatua ya wasanii ilhali wao binafsi hawana kazi wala mafanikio ya kujivunia. Msanii huyo ameongeza kuwa ukosoaji wa mara kwa mara usio na mwelekeo wala suluhisho umekuwa kero kubwa, akisisitiza kuwa si kila anayetoa maoni mitandaoni ana uelewa wa kina kuhusu kazi, changamoto na juhudi zinazowekwa katika muziki. Femi One amewataka wakosoaji hao wajikite katika shughuli halali za kuingizia kipato na kujijenga kimaisha badala ya kutumia muda wao mwingi kuwakosoa wasanii kila wakati. Amesisitiza kuwa muziki ni kazi kama kazi nyingine, inayohitaji heshima na kuthaminiwa.

Read More
Femi One Apokea Rasmi Tuzo ya Unkut Hiphop Awards 2025
Robert Elim December 11, 2025
Comments (0)

Femi One Apokea Rasmi Tuzo ya Unkut Hiphop Awards 2025

Rapa nyota kutoka Kenya, Femi One, ametangaza rasmi kupokea tuzo yake ya Unkut Hiphop Awards 2025 katika kipengele cha Best Female Artist, hatua inayoendeleza rekodi yake kama mmoja wa marapa wa kike wenye ushawishi mkubwa katika Afrika Mashariki. Kupitia ujumbe aliouweka mtandaoni, Femi One amewashukuru mashabiki wake kwa kura na upendo waliomuonyesha, pamoja na waandaaji wa tuzo hizo kwa kutambua mchango na juhudi zake kwenye muziki wa hiphop. Amesema tuzo hiyo ina maana kubwa kwake hasa katika mwaka ambao umetajwa kuwa wa mafanikio makubwa kwenye safari yake ya muziki. Rapa huyo amesema mwaka 2025 umekuwa mwaka mkubwa kwa hip hop, akitaja mafanikio kama kushiriki kwenye Hennessy Cypher kama rapa mwanamke wa kwanza kuwahi kujumuishwa kwenye mradi huo mkubwa. Femi One amesisitiza kuwa ataendelea kusukuma mipaka na kuvunja vizingiti ili kufungua njia kwa wasanii wa kizazi kijacho cha wasanii wa kike kwenye hiphop, akiahidi kazi bora zaidi na hatua kubwa katika safari yake ya muziki.

Read More
Msanii Femi One Awapa Vijana Somo Kuhusu Maambukizi ya UKIMWI
Robert Elim December 3, 2025
Comments (0)

Msanii Femi One Awapa Vijana Somo Kuhusu Maambukizi ya UKIMWI

Mwanamuziki kutoka Kenya, Femi One, ametoa wito kwa vijana nchini humo kuacha tabia ya kupima na macho wanapojihusisha na mahusiano ya kimapenzi. Msanii huyo amesema kuwa ni muhimu kwa vijana kuwa waaminifu kwa wapenzi wao au kutumia kinga ili kujilinda dhidi ya maambukizi ya virusi vya HIV na magonjwa mengine ya zinaa. Kupitia mtandao yake ya kijamii, Femi One amesisitiza kuwa mapenzi salama si suala la hiari bali ni jukumu la kila kijana. Kauli yake imekuja baada ya takwimu za hivi karibuni kuonyesha kuwa idadi kubwa ya watu wanaoathirika na virusi vya UKIMWI nchini Kenya ni vijana wenye umri wa kati ya miaka 15 hadi 34. Hali hii imeibua wasiwasi miongoni mwa wadau wa afya, ikizingatiwa kuwa kundi hilo ndilo tegemeo kubwa la taifa katika maendeleo ya kijamii na kiuchumi.  

Read More
Femi One Aonyesha Fahari Yake Kufanya Kazi na Brand Kubwa ya Kimataifa
Robert Elim May 21, 2025
Comments (0)

Femi One Aonyesha Fahari Yake Kufanya Kazi na Brand Kubwa ya Kimataifa

Rapa mkali kutoka nchini Kenya, Femi One, amezungumza kwa fahari kuhusu uzoefu wake wa kufanya kazi na kampuni kubwa ya vinywaji vya nishati, Monster Energy, akieleza kuwa ushirikiano huo ulikuwa hatua muhimu katika maisha na taaluma yake. Akizungumza katika mahojiano ya hivi majuzi, Femi One alifichua kuwa alikuwa mwanamke wa kwanza barani Afrika kuteuliwa kuwa balozi rasmi wa bidhaa hiyo maarufu duniani. “I was the first African female Brand Ambassador for Monster Energy. Niko proud kuwa associated na brand kama Monster,” alisema kwa msisitizo. Kwa mujibu wa rapa huyo, fursa hiyo haikuwa tu hatua kubwa katika taaluma yake, bali pia ilikuwa nafasi ya kuvunja mipaka ya kijinsia katika sekta ya burudani na biashara. Alisema kuwa kupitia ushirikiano huo, alipata jukwaa la kimataifa kuonyesha kazi yake, kushirikiana na wabunifu mbalimbali, na kuwa kielelezo kwa wasichana wanaotamani kufanikisha ndoto zao katika tasnia tofauti. Femi One ambaye anaendelea kuwa sauti yenye ushawishi katika muziki wa Kenya na Afrika kwa ujumla, ameweka wazi kuwa ushirikiano na chapa kubwa kama Monster Energy ni uthibitisho wa jinsi wasanii wa Kiafrika wanavyozidi kutambuliwa na kuthaminiwa kimataifa. “Naamini hii ni mwanzo tu. Kuna nafasi nyingi kwa wasanii wa kike kuchukua nafasi katika brand kubwa, kama tukijiamini na kujituma,” aliongeza. Mashabiki wake na wanamuziki wenzake wameendelea kumpongeza kwa hatua hiyo muhimu, wakisema inatoa motisha kwa wasanii wa kike barani Afrika kuvunja mipaka na kutambulika kimataifa. Ushirikiano wake na Monster Energy ulihusisha kampeni za mitandaoni, matukio ya burudani, na shughuli za kuinua vipaji vya chipukizi.

Read More
Rapa kutoka Kenya Femi One ashinda tuzo Afrimma 2022
Robert Elim November 22, 2022
Comments (0)

Rapa kutoka Kenya Femi One ashinda tuzo Afrimma 2022

Rapper Femi One ameshinda kipengele cha rapper bora Afrika kwenye tuzo za Afrimma 2022 zilizokamilika wikiendi iliyopita huko Dallas nchini Marekani. Femi one ametumia mitandao yake ya kijamii kusherekea mafanikio kwa kushukuru uongozi wake pamoja na mashabiki kwa kumshika mkono kwenye safari yake ya muziki huku akiwahimizi marapa wa kike chipukizi kutia bidii katika kazi zao kwa kuwa wana nafasi zao kwenye tasnia ya muziki. “WE WON!!! Best Female Rapper In Africa . The first East African Female rapper to take it home , it’s such a big pat on the back for my team and I for all the work we’ve put in throughout the years . Truly consistency, patiency pays !!” “This should be an encouragement for all the up and coming Female rappers! There is a spot for you in this industry, keep building , keep doing it , they are watching . Thank you all so much for the continued support”, Aliandika. Femi one ambaye ni msanii wa kwanza wa kike kushinda tuzo ya Afrimma kwa upande wa muziki wa Hiphop anajiunga na Rayvanny, Diamond Platnumz  pamoja na Zuchu ambao walishinda tuzo ya msanii bora wa kiume Afrika mashariki, Best Live Act na msanii Bora wa kike Afrika Mashariki mtawalia. Femo One hakuwa Mkenya pekee aliyeteuliwa kuwania tuzo hizo, wengine ni pamoja na Khaligraph Jones- (Best Male East Africa), Otile Brown- (Best Male East Africa), Jovial- (Best Female East Africa), (Ssaru- Best Newcomer), Sauti Sol- (Best Live Act), na Fena Gitu- (Best Female Rap Act).

Read More
Femi One aahidi kumnunulia gari King Kaka, amuambia achague lolote atakalo
Robert Elim October 27, 2022
Comments (0)

Femi One aahidi kumnunulia gari King Kaka, amuambia achague lolote atakalo

Rapa wa kike nchini Femi One ameamua kurudisha fadhila kwa uongozi wake wa Kaka Empire ambao umemtoa kimuziki hadi kujulikana Afrika Mashariki. Kupitia ukurasa wake wa Instagram, Femi One ametoa ametoa shukrani zake za dhati kwa mabosi wake King Kaka na Dennis Njenga kwa kumsaidia kufika alipo leo kwenye muziki ambapo ameenda mbali zaidi na kujitolea kuwanunulia wawili hao magari kama njia ya kuzawadi kwa kumshika mkono kisanaa. “Mapenzi na heshima nyingi sana kwa waungwana hawa wawili. Nikikumbuka safari yetu ya muziki huwa natabasamu tu ila wakati mwingine huwa nalia 😅 Moyo wangu umejaa shukrani nyingi King Kaka na Dennis Njenga ingieni showroom mchague magari mnayotaka!” Femi One alijiunga na lebo ya muziki ya Kaka Empire mwaka wa 2013 baada ya kuonesha uwezo wake kisanaa kupitia wimbo wa Ligi Soo Remix wake rapa King Kaka na tangu kipindi hicho amekuwa akiachia nyimbo kali mfululizo bila kupoa. Kando na muziki, Femi One pia mwaka 2021 aliandika historia ya kuwa Balozi wa Kwanza wa Kike kutoka barani Afrika wa Kinywaji cha Monster Energy.

Read More
Femi One awajibu wanaowapinga wasanii kutumbuiza kwenye majukwaa ya kisiasa
Robert Elim October 4, 2022
Comments (0)

Femi One awajibu wanaowapinga wasanii kutumbuiza kwenye majukwaa ya kisiasa

Rapa Femi One ambaye anafanya vizuri na wimbo wake mpya “Lip Service” amechukizwa na kitendo cha wakenya kuwakosoa wasanii wanapotumbuiza kwenye mikutano ya kisiasa. Kwenye mahojiano yake hivi karibuni Membo huyo amesema wasanii wanapoalikwa kufanya shows kwenye majukwaa ya kisiasa haimaanishi wanaunga mkono sera za viongozi wa mirengo fulani bali wameenda pale kwa ajili ya kujitafutia riziki. Utakumbuka Femi One ni moja kati ya wasanii waliotumbuiza kwenye majukwaa ya kisiasa hapa nchini Kenya msimu wa kampeini za uchaguzi mkuu uliokamilika, akiupigia upata mrengo wa Azimio la Umoja ambao ulishindwa na muungano wa Kenya Kwanza.

Read More
Femi One adokeza ujio wa EP ya pamoja na Nyashinski
Robert Elim October 2, 2022
Comments (0)

Femi One adokeza ujio wa EP ya pamoja na Nyashinski

Rapa Femi One ametangaza ujio wa EP yake mpya ambayo huenda akamshirikisha Nyashinsiki au Khaligraph Jones. Kwenye mahojiano na The Trend ya NTV rapa huyo ambaye anafanya vizuri na single yake mpya “Lip Service” amesema yupo mbioni kufanikisha hilo kwa kuwa tayari ameanza mazungumzo na marapa hao kuhusu mpango wa kufanya EP ya pamoja. Utakumbuka Femi One amefanya kazi ya pamoja na Nyashinski kupitia wimbo uitwao “Properly” na Khaligraph Jones kupitia ngoma inayokwenda kwa jina la “Blue Ticks”.

Read More
FEMI ONE AFIKISHA STREAMS MILLIONI 5 BOOMPLAY
Robert Elim May 21, 2022
Comments (0)

FEMI ONE AFIKISHA STREAMS MILLIONI 5 BOOMPLAY

Rapa kutoka Kenya, Femi One anaendelea kupokea upendo na support kubwa kutoka kwa mashabiki wake kiasi cha kufanya vizuri kwenye mtandao wa kupakua na kusikiliza muziki wa BoomPlay. Hadi kufikia sasa katika mtandao  wa Boomplay Kenya  Femi One amefanikiwa kufikisha  zaidi ya streams Million 5 kupitia nyimbo zake zote. Kupitia ukurasa wake wa instagram Femi One amewashukuru mashabiki zake kwa support wanayompa kila siku huku akiahidi kuendelea kuwapa burudani na ngoma kali zaidi. Ikumbukwe Album ya “Greatness” ambayo ndio albamu ya kwanza kwa femi one tangu aanze muziki wake imefanikiwa pia kufikisha  zaidi ya Streams millioni 1.2 kwenye mtandao wa Boomplay. Album ya Greatness iliachiwa rasmi mwezi Juni, 2 mwaka wa 2021 ikiwa na jumla ya mikwaju 14 ya moto huku  ikiwa na kolabo 9 pekee.

Read More
PENZI LA PATORAKING WA NIGERIA LAMKOSESHA USINGIZI FEMI ONE
Robert Elim January 25, 2022
Comments (0)

PENZI LA PATORAKING WA NIGERIA LAMKOSESHA USINGIZI FEMI ONE

Msanii wa muziki wa rap nchini Kenya, Femi One, ameshindwa kuficha mapenzi yake kwa nyota wa muziki wa Dancehall kutoka Nigeria, patoranking. Katika kikao cha Maswali na Majibu kupitia insta story yake kwenye mtandao wa instagram , hitmaker huyo wa ‘Utawezana” amesema anatamani kuolewa na nyota huyo wa Nigeria kwa sababu ana akili pia amekuwa akimfuatilia msanii huyo kwa muda mrefu. Hata hivyo watumiaji kwenye mitandao ya kijamii wameonekana kushangaza na kauli ya rapa huyo wengi wakihoji huenda femi one ana kazi ya pamoja na patoraking hivyo anatengeneza mazingira ya kuzungumuziwa kabla ya ujio wa ngoma yao mpya. Ikumbukwe Femi one tangu apate umaarufu kwenye tasnia ya muziki hajawahi weka wazi mahusano yake y kimapenzi lakini kutokana na ujumbe wake kwenye instagram page yake, inaonekana kuwa yuko tayari kuingia kwenye mahusiano ya kimapenzi na patoraking.

Read More
FENA GITU AWAPA SOMO MASHABIKI WANAOMFANANISHA NA RAPA FEMI ONE
Robert Elim January 19, 2022
Comments (0)

FENA GITU AWAPA SOMO MASHABIKI WANAOMFANANISHA NA RAPA FEMI ONE

Female rapper kutoka Kenya Fena Gitu amechukizwa na kitendo cha mashabiki zake kushindwa kumtofautisha na msanii mwenzake Femi One. Kupitia ukurasa wake wa Instagram Fena amewapa somo mashabiki ambao wamekuwa na mazoea ya kumuita Femi kwa kuwataka aacha tabia hiyo mwaka huu la sivyo wakome kumtaja kwenye shughuli zao. “Kama bado unaniita Femi 2022 wewe ni mzembe na sijali kabisa. Niite na jina langu kamili ama usinitaje kwenye shughuli zako.”  Ameandika Fena Gitu kupitia Twitter page yake. Hata hivyo walimwengu kwenye mitandao ya kijamii wameibuka na kumtolea uvivu fena gitu wakimtaka aache makasiriko kwani hawamfahamu kabisa na ndio maana wamekuwa wakimuita Femi One.

Read More